Daily Archives: 24 一月, 2010

為何會迫上五區公投這條路

王慧麟在《明報》中提出推翻功能組別的另一條路,那是藉著提出司法覆核,來令功能組別在法律下無法站得住腳。這個方法,是值得討論,應該這樣說,今天搞成五區公投這境地,正是十年前人大釋法闖下的大禍。

如果人大沒有屈機權力,可以隨便對《基本法》進行解釋嘅話,係可以走司法覆核呢條路,甚至可能己經利用咗司法覆核,令到功能組別公司票被廢,或者對外籍人士嘅歧視被廢。但由於十年前人大常委會撕毀香港高度自治嘅承諾,隨便進行釋法,結果無法利用司法覆核作為解釋政治紛爭嘅工具,所以至搞到依家咁嘅情況。

所以車公好靈,禍來禍去皆自招,搞到五區公投咁大鑊,講嚟講去,又係人大常委自己釋法惹出嚟嘅蘇州屎。

Short URL: http://wp.me/p7cGY-1Ji

1 則迴響

Filed under 香港政治

李先知吹錯晒啲風

陳婉嫻說用起義形容辭職補選邏輯不妥
[24/01 星期日 16:56]

工聯會副會長陳婉嫻說,公民黨及社民連將五區辭職之後進行的補選,稱為「變相公投」又以「起義」來形容,是信息混亂,邏輯有問題。

陳婉嫻被問到會否參加補選時說,聽到有地區人士提議她出選,但她很享受目前的工作,無意重新參選立法會,至於工聯會會否派其他人參選,陳婉嫻說,工聯會只是勞工團體,並非政黨,現階段看不到討論有關問題的迫切性,而工聯會針對五區辭職後補選的討論亦不多

根據商台報導,陳婉嫻不會出戰公投會戰,小弟相信X建聯、工賊會同豉油黨三大派系皆不出戰公投決戰,這也是包括小弟在內熟悉中共黨史的人預料之中,因為公投是典型贏了戰役也不會贏了戰爭的戰場,這也是梁美芬不斷以狗屎招數應戰的原因。

不過請看上月《明報》李先知的說法:

再者,若論勝算,九龍東是繼新界西之後另一個建制派最有實力的地區,只要在愛國愛港陣營裏屬重量級的陳婉嫻願意重披戰甲,統領起這個地區的左派力量,大有機會力克地區實力不強的梁家傑。

如果香港統監府中人認為梁家傑這麼容易擊敗,為何陳婉嫻不聽中共指令一戰,像陳婉嫻這種黨齡,黨的紀律是鐵一般的紀律,她不想出都要打。但很明顯,香港統監府(中聯辦)中人根本知道這個戰場不可出戰,只不過用「起義」乘勢作出無中生有的抹黑,趁機脫逃,像烏賊一樣。

李先知的專欄有多少可信性,幫香港統監府吹風的傢伙吹的風有多少可信性,不問可知。

Short URL: http://wp.me/p7cGY-1Jg

發表留言

Filed under 肚懶李先知, 香港政治, 傳媒

梁美芬狗屎邏輯漏洞多到呢⋯⋯

有時都幾佩服梁美芬,一時間幾個地方同時倒屎,土共一般都幾難擁有呢種多線作戰嘅能力。

不過呢,梁美芬因為喺太多地方同時倒狗屎,有時踩咗狗屎都唔知,例如甘乃威事件就係。

梁美芬堅持要查甘乃威嘅私人生活係浪費公帑,不過她如果查完,最後立法會仍然罷免甘乃威,如果你俾我提名番甘乃威,港島選民可以用選票還甘乃威一個公道,無問題。

但如果照梁美芬阻止泛民五席公投嘅立法,咁我唔可以因甘乃威引咎辭職,或被罷免而投番票俾甘乃威,連用選票表達我對甘乃威嘅權利都無有無搞錯?如果日後有土共議員因婚外情或召妓而被罷免,係唔係土共選民一樣無權用選票還他們心水候選人一個公道。

由此可見,梁美芬呢挺狗屎教授,用狗屎邏輯大搞輸打贏要嘅遊戲,己經搞到天下大亂嘅地步,正常嘅邏輯都搞到亂晒,但亂咁倒屎嘅人,十之八九唔會清理佢地留落嘅蘇州屎,否則都唔駛亂放狗屎罰款千五。咁梁美芬咁亂放狗屎法,我地又可能點對付佢呢?一係咁,如果搞出膠嚟,由梁美芬承擔所有訟費,並且提供四分一身家用嚟幫補高鐵開支,唔知她有無意見咁,我都係用佢嘅邏輯諗出嚟。

Short URL: http://wp.me/p7cGY-1Je

9 則迴響

Filed under 香港政治

香港打工仔多得梁美芬唔少

以教狗屎法律聞名的梁美芬,最近變咗真心教授,竟然為咗阻止公投戰發生,建議修改法律,禁止立法會議員辭職後,隨即透過補選角逐席位。

如果呢個邏輯work,全香港都禁止僱主解僱僱員後,隨即再度聘用,全香港金融界、以至中產生活多得你班搞政治第一,搞經濟第尾嘅粉腸唔少:

1. 香港金融界,好多banker嘅合約都係同人力資源公司簽,係一些特別傑出嘅,就會有需要辭咗同人力資源公司嘅合約,改為同銀行簽約做同一份嘢,咁梁美芬狗屎法律邏輯下,咁係唔係banker要同人力資源公司簽一世合約?

2. 都係金融界,金融界成日按市場變化,先resign之前份約,然後隨即簽另一份約,係同一僱主同一職位,咁梁美芬係咪禁止我地呢啲金融人按市場變化簽訂僱傭合約嘅權利?

3. 香港入境處係唔會俾印傭或菲傭連續七年簽證,一般你住得接近七年就要返歸,但好多僱主請開同一傭人,中途換人好唔方便,所以好多僱主都會先「炒人」或「辭職」,再聘任,咁你梁美芬又俾唔俾?

根本問題係,立法會議員嘅老闆係市民,市民鍾意用一億五千萬重新請返佢地係市民嘅權利,如果你班友為咗香港統監府(中聯辦)班無賴,亂改香港法律,全香港嘅經濟活動隨時被玩謝,你班功能組別友仔敢冒呢個險?你一係唔好改,一改唔該改晒香港嘅僱傭法律,我睇你班友點死。

六百幾億高鐵市民反對,你班友就堅持,一億幾補選大家無所謂,佢就亂咁嚟,講到底,保皇黨係佢嘅錢係佢嘅錢,市民嘅錢都係佢嘅錢,簡單嚟講,即係賊。正因為梁美芬係民賊,所以她教出乜法律大家心照。

Short URL: http://wp.me/p7cGY-1Jc

5 則迴響

Filed under 香港政治, 財經

特首唔好當香港人係蠢至得架


特 首 辦 跟 進 青 年 走 入 禮 賓 府 會 客 室 拍 照 事 件
2010-01-24 HKT 13:31

數 名 青 年 參 觀 禮 賓 府 後 , 將 禮 賓 府 內 拍 攝 的 相 片 上 載 社 交 網 站 facebook , 再 經 網 上 討 論 區 流 傳 。
相 片 中 數 名 青 年 在 禮 賓 府 會 客 室 、 廚 房 及 洗 手 間 內 拍 照 , 又 扮 演 行 政 長 官 曾 蔭 權 , 正 在 接 見 訪 客 的 情 形 。

行 政 長 官 辦 公 室 發 言 人 表 示 , 相 中 的 青 年 是 禮 賓 府 一 名 家 務 員 的 親 友 , 當 時 到 這 名 家 務 員 位 於 禮 賓 府 的 宿 舍 燒 烤 , 拍 下 有 關 照 片 。

發 言 人 表 示 , 行 政 長 官 曾 蔭 權 對 事 件 不 知 情 , 特 首 辦 正 了 解 事 件 。 發 言 人 又 強 調 , 禮 賓 府 屬 於 莊 嚴 的 地 方 , 所 有 訪 客 必 須 予 以 尊 重 。

特首唔係又諗住搵啲基層家務員食死貓算數嘛?

呢班友由衣著、行為、背景通通唔似係家務員家屬咁簡單,一係特首有意包庇特首辦當時個別高層嘅硬膠行為,當時特首辦主任係陳德霖,即係依家金管局局長,陳生做過啲乜呢,佢係唔係應該解吓畫。一係根本係特首接待某啲中國官員惹出嚟嘅蘇州屎,因為相中班敗家仔,好有中國太子黨味道。

我諗陳德霖,應該向公眾交代一下,佢當時搞緊乜,佢响委任政治助理同副局長件事嘅膠力,令小弟有合理懷疑,呢劑膠事同佢有關。

Short URL: http://wp.me/p7cGY-1Ja

17 則迴響

Filed under 香港政治