Daily Archives: 23 一月, 2010

由於起義等同使用武力

以下地方,請土共快啲叫解放軍出兵清剿,因為太令人感到震驚:

循道衛理聯合教會青春起義09(好震驚,教會要喺青年人搞起義)

溫州網潮流起義(好震驚,有人搞溫州獨立)

GOD隨時為潮流起義(隨時起義你唔驚,好震驚)

中央天女網時尚起義(睇吓,中央電視台原來窩藏反革命分子,要搞起義,仲唔快啲叫解放軍剷平中央台?)

Short URL: http://wp.me/p7cGY-1J6

9 則迴響

Filed under 香港政治, 惡搞

亞視時事追擊:八十後青年


小弟一直好怕將自己上鏡嘅節目放在呢度,因為小弟面部及表情控制差勁,又不靚仔(坦白,在電視新聞,靚仔靚女是需要,因為這要顧及市容),而我唔係八達通代言人,我無謂將一啲視覺唔係太好嘅嘢放俾大家睇(唔計港台鏗鏘集果次真人示範WFC手勢),但呢次小弟放呢啲片段,當然唔係睇我點樣肌肉失調,而係睇點解,會出現Michael Chugani在1月20日南華早報所講的the smell of revolution。

幾位年青人,由周諾恆、黃天祐、謝冠東,甚至曾經被小弟重點炮轟的張思晉,都講得好清楚依家發生緊乜事,政府班官自己諗清楚,對話係需要,但社會系統化改革係必要。所以呢集時事追擊在廣東省播放時被屏蔽,因為講到尾問題係一個系統化社會改革問題。而政改,是開端,如果沒有一個健全的民主政制,小弟不知從何談起。

查實亞視早在去年十月左右,己經想探討第四代問題,他們是籌備了好一段時間,有時這類公共事務節目,是要經歷很多困阻的。

容小弟以禇簡寧(Michael Chugani的中文譯名)文章以下段落作結:

If that doesn’t scare you, it should. Donald Tsang Yam-kuen should be scared. Beijing should be scared. Our tycoons should be scared. All those tai-tais cruising upscale malls for designer handbags should be scared. Their husbands, who pay big bucks for those handbags but oppose even a modest minimum wage law for low-end workers, should be scared. Property developers who squeeze every last dime out of hard-pressed families should be scared. Bureaucrats in chauffeured cars who collude with these developers should be scared. Instead of asking what the hell is going on, we should ask how the hell we got to where we are.

Short URL: http://wp.me/p7cGY-1J2

後話:我對張思晉的睇法係,你知道依家年青人出咗乜問題,幾年無加過人工,但點解仲要幫民建聯?你有否撫心自問,民建聯中人除咗利用你外,真的會幫你嗎?

9 則迴響

Filed under 香港政治

點解呢班友可以喺禮賓府BBQ?

http://forum1.hkgolden.com/view.aspx?type=CA&message=2101156

小弟嘅家喺禮賓府附近,不過禮賓府晚晚門口都八名警察被當成保安咁用守住門口,所以對小弟嚟講,禮賓府只可遠觀之。

但係呢,點解呢班友可以威到喺禮賓府自出自入,如進無人之境?警方唔係女長毛出入就大大聲,呢班友可以喺禮賓府BBQ,咁發生緊乜事咁?

我想知道,我地公帑嚟維護嘅禮賓府,究竟實際俾啲人點用,可唔可以向各位解吓畫咁?

Short URL: http://wp.me/p7cGY-1J0

9 則迴響

Filed under 香港政治

未起義己龜縮

自 由 黨 決 定 不 參 與 「 五 區 請 辭 」 後 補 選
2010-01-23 HKT 18:22
自由黨主席劉健儀宣布不參加補選
自 由 黨 決 定 , 不 會 參 加 五 區 請 辭 後 的 補 選 。
自 由 黨 傍 晚 召 開 緊 急 會 議 , 主 席 劉 健 儀 會 後 表 示 , 由 於 公 民 黨 及 社 民 連 提 出 的 「 全 民 起 義 」 , 言 詞 激 烈 , 一 再 挑 戰 一 國 兩 制 的 底 線 , 相 信 理 性 的 市 民 不 會 支 持 , 而 且 「 起 義 」 的 字 眼 有 反 動 及 推 翻 政 府 的 意 味 , 自 由 黨 不 能 接 受 , 假 如 自 由 黨 參 與 補 選 , 有 機 會 被 外 界 扭 曲 為 自 由 黨 贊 同 有 關 的 起 動 活 動 , 因 此 不 會 派 人 參 選 。

土共最近個個都係喜劇演員,笑料不絕,令人噴飯。

之前政壇真心兄弟牙斬斬,講到實會選咁,點知社民連公民黨聯軍嚟招「全民起義」,北京立即龜縮,先老屈起義係武力推翻政權(仲要義都未起),然後立即變縮頭烏龜,急急被退選,未起義己龜縮,仲唔俾人恥笑到震。

近日真心言論太多,多到處理唔晒,恐怕笑到肚痛笑料都未完。

Short URL: http://wp.me/p7cGY-1IY

22 則迴響

Filed under 香港政治

MaD係乜嚟架

MaD 2010é��å¹�禮å°�æ�¼ä¸�é»�å��æ�¼è�µæ¶�å��é�¢è��è¡�ï¼�ç�±è²... on Twitpic

呢個貨櫃箱大家唔知係乜,正如大家談論財政司司長昨天會見「八十後」(查實係一群叫MaD模嘅人),然後有高登人聽咗MaD全會個名笑咗一樣,作為呢個活動嘅主謀之一,係時候再解釋吓發生緊乜事。因為知道TED係乜,或者有睇開Leona這雙手非常小,或者對呢個活動有啲概念,但好多人可能對呢個活動無概念,派膠之前不妨聽吓我講搞緊乜。

MaD係Make a difference的簡寫,查實係一堆活動的統稱,包括咗:
1. 每年一度嘅MaD全會
2. 創不同大獎
3. MaD Show
4. MaD模選舉

仲有唔少臨時亂入嘅活動,因為MaD抱持一個「吸星大法」嘅原則,符合我地宗旨嘅活動都會吸納其中,而我地幾位主謀,以至日後MaD嘅主事人,都會無厘頭亂入一啲嘢出嚟,好似之前旺角個Talk,以至曾俊華會見班「八十後」,全部都係亂入搞出嚟,但MaD全會同創不同大獎係走唔甩。

而昨天曾俊華主持開幕,喺22日至24日舉行叫MaD全會
MaD 2010全會簡介

個全會喺七十二個鐘,有高手嘅talk,係國際頂級嘅高級,例如今日講設計嘅前田約翰(John Maeda),係羅德島設計學院院長,他今日講設計要左右腦並重,同埋創意領袖唔好怕犯錯,都係講得好好。有唔同嘅Workshop,以及喺城市挑戰同冒險活動。呢啲安排目標只得一個:就係由唔同高手嘅經驗同分享,俾大家有信心去信一樣嘢,路唔係只得好多第二代講果條單一道路,呢啲唔係吹水可以做得到。

明天閉幕日,我地會公布創不同大獎嘅詳情,呢個係一個比賽,無玩MaD 2010全會嘅高登巴打,都可以考慮嘅,但我可以講,你地諗到夠創意嘅計劃,有機會得到十萬蚊獎金。我對呢度唔係讀者嘅創意,並不會懷疑。

亦由於我地嘅Make a difference嘅信念,所以我地一向都無有怕,好似開幕禮,主辦者香港當代文化中心主席黃英琦,她係敢當住財政司司長面,喺開幕致辭肯定反高鐵活動。而MaD模公開喺傳媒鬧爆政府,我地係唔會反對或干涉,因為大會精神唔諗住培養一班思想一式一樣嘅人。呢個亦都同政府近排突然關注八十後無乜關係,因為呢個活動早喺一年前就開始籌劃。

最後要講我地幾位主謀,我地幾位主謀,包括小弟在內全屬老人家,今年第一屆由我地去發動,但之後會係點,係由你地年青一代去決定,我地幾位老人家會慢慢喺後面從旁協助,例如做打雜。MaD最好一年mad過一年就係。如果各位有乜突然諗到嘅諗頭,你想去做,不妨同小弟或者大會講,我諗有啲嘢,係可以由不可能變成可能。

Short URL: http://wp.me/p7cGY-1IT

4 則迴響

Filed under MaD 2010

土共論公投越來越像笑話

譚 惠 珠 稱 應 限 制 議 員 以 不 合 理 原 因 請 辭 參 加 補 選
2010-01-23 HKT 09:46
基 本 法 委 員 會 委 員 譚 惠 珠 說 , 贊 成 修 改 立 法 會 條 例 , 限 制 議 員 辭 職 。
譚 惠 珠 說 , 議 員 可 以 基 於 疾 病 或 家 庭 理 由 請 辭 , 但 如 果 因 為 太 不 合 理 或 不 合 法 的 理 由 辭 職 , 應 有 所 限 制 , 例 如 議 員 隨 意 辭 職 應 否 重 回 立 法 會 服 務 。 她 說 , 議 員 對 公 眾 及 健 康 的 建 制 運 作 負 有 責 任 , 如 果 隨 意 辭 職 進 行 補 選 , 會 浪 費 大 量 公 帑 。

公 民 黨 黨 魁 余 若 薇 說 , 五 位 議 員 並 非 輕 易 辭 職 。 她 說 , 法 律 保 障 了 市 民 參 與 選 舉 及 被 選 權 , 不 應 由 立 法 會 或 政 府 因 為 政 治 理 由 加 以 限 制 , 她 又 認 為 , 修 例 禁 止 議 員 辭 職 是 奇 怪 的 講 法 。

公投簡單而言,是一個鬥大遊戲,看看誰怕誰,無種就會輸掉,有種就可以留下,規則相當簡單。民主黨便是勇氣不足,輸掉第一仗。

而小弟以為民主黨膠的時候,很不幸這個世界一膠還比一膠硬,民主黨硬膠,土共更硬膠,由譚惠珠對梁美芬,通通不知在發什麼音,不是以理據服人,純粹玩四人幫式上綱上線遊戲。而土共內部對出戰與否完全是十五十六,進退失據,陷入一個戰略困局,本來磨拳擦掌,但現在連出戰也不敢。

Short URL: http://wp.me/p7cGY-1IQ

17 則迴響

Filed under 香港政治