Daily Archives: 20 一月, 2010

林超英決戰林鄭月娥

林超英在博客中公開的意見書

在未知尖沙咀巴士總站會否演變成一場大惡鬥時,在古洞新發展區,古洞村看來會變成另一個菜園村,將是保衛的對象,與此同時,在興建落馬洲支線前,曾經被野蠻新界原居民要脅要毀滅的塱原濕地,似乎政府與新界鄉民有私下協議,打算要搞成什麼綜合發展區。引起天文台前台長林超英的注意,他用前政府官員對公共行政的認識,寫了意見書回應政府,隨時一個古洞發展區,會搞成一個不知如何收科的大頭佛。

由林鄭月娥打算讓公共空間這條款放寬,任由地產商胡來後,大家可以看到,現在這政府完全屈服於地產商淫威下,而塱原在二零零一年時才辛苦捍衛下來,現在政府當大家失了憶又來打塱原主意,豈知連獨立媒體的人都未出手,林超英己經先行開炮,與發展局局長林鄭月娥對著幹。林超英可是前政府高級官員,他比公共專業聯盟還要難對付太多。

由此可以見到,政府在規劃問題上,要滿足胃口無限大的地產商只會越來越難,而林鄭月娥有否有能力應付林超英這類熟悉政府運作的高班對手,小弟有懷疑。

Short URL: http://wp.me/p7cGY-1Ia

7 則迴響

Filed under 香港政治

咁嘅水準嘅區議員真係火都嚟

你老母,成功爭取新半山行人電梯做區議會常設事項都要吹到咁大,證明張翼雄正廢柴

如果你以為X建聯嘅區議員硬膠,我同你講,只要係土共議員,話知你係半山區一樣可以膠到令人吐血。

依家唔係張翼雄成功爭取新半山行人扶手電梯,而係只係講,佢成功爭取將呢個item,定期喺區議會上傾,仲要區議會根本係無實權嘅。咁張翼雄想將自己功績吹到大一大,定係想承認佢自己根本係無能嘅廢柴,叫大家下屆唔駛選佢咁?

土共出品,邊度都一樣。

Short URL: http://wp.me/p7cGY-1I8

3 則迴響

Filed under 羅便臣怪談, 香港政治

中國攻擊Twitter?

在最近一小時,Twitter出現bad gateway現象,暫時仍未能恢復通訊服務。

適逢今天中國宣判周勇軍,加上在1月16日中環大戰中,twitter在向示威者提供資訊的表現,小弟有理由相信,中國有可能派出大量黑客攻擊twitter,以除後患。

這看twitter何時恢復服務,但這可以反映,中國共產黨這個政權,虛怯到什麼程度。

Short URL: http://wp.me/p7cGY-1I5

5 則迴響

Filed under 香港政治

如果全香港人都唱呢首歌果陣

我諗你個政府準備收工,雖然呢首歌係贈俾老董,但我諗依家對住班功能組別同土共廢柴仲應景

Short URL: http://wp.me/p7cGY-1I3

4 則迴響

Filed under 香港政治

連明光社都出兵討伐你,東方新地等收工

對於2010年1月19日出版的632期東方新地,以「80後女神 陳巧文晒籮示威」為題,於封面及內頁報導陳巧文私生活及從窗外窺探她家居內的情況,以長鏡頭拍攝當事人在家中的私生活,並以文字批評她於住所內的衣著及私生活,沒有尊重當事人的私隱,本社表示強烈不滿。
根據由香港記者協會、香港新聞行政人員協會、香港新聞工作者聯會及香港攝影記者協會共同制定的《新聞從業員專業操守守則》,新聞工作者雖然有其言論自由,並以公眾利益為依歸,但亦「應尊重個人名譽和私隱。在未經當事人同意,採訪及報道其私生活時,應具合理理由,適當處理,避免侵擾個人私隱。」(守則第4條);「傳媒報道公眾人物的個人行為或資料時,須有合理理由。」(守則第4條第2節)
我們實在看不到當事人在家中的衣著習慣和市民的公眾利益或知情權有任何的關係,但該雜誌卻以此卑劣的偷拍手法,並配以負面的評論,將當事人的私隱公開給公眾,為的只想以偷拍、揭秘形式的報導手法推高銷量,罔顧對當事人及有關人士所造成的傷害。
如市民大眾對該報導亦感到不滿,可向該雜誌、私隱專員公署、影視處及報業評議會等相關組織投訴:
東方新地
電話: 2960 3504
傳真: 2960 5701
電郵地址:os@newmediagroup.com.hk
個人資料私隱專員公署
查詢電話: 2827 2827
傳真: 2877 7026
電郵地址: enquiry@pcpd.org.hk
投訴表格: http://www.pcpd.org.hk/chinese/contact/files/complaint_chi.pdf
影視處
電話: 2676 7676
傳真: 2827 2893
電郵地址: nrs@tela.gov.hk
香港報業評議會秘書處
電話: 2570 4677
傳真: 2570 4977
電子郵件: enquiry@presscouncil.org.hk
網址: http://presscouncil.org.hk

明光社大部分時間都係一個膠到極點的組織,但呢次明光社罕有地做得啱,小弟呼籲各位這次響應明光社,投訴東方新地投訴到收工為止。

不過呢,果次阿嬌被偷拍事件中,果啲大大聲嘅婦團,點解唔見佢地出聲嘅?明光社都出咗兵,你地無理由唔出兵架?

Short URL: http://wp.me/p7cGY-1I0

3 則迴響

Filed under 香港政治, 傳媒

邱騰華出賣市民安全

邱騰華稱不能隨便公布「死火」原因 (港聞)
2010-01-20 (13:26)

環境局局長邱騰華表示,關注近日多宗的士及小巴出現「死火」的投訴,機電署已成立專案小組調查,並會加強與業界溝通。

對於立法會議員指事件已發生多時,促請政府盡快公布調查結果。邱騰華回應,當局正循氣站、氣槍等多方面作抽驗,現階段不能隨便公布出現「死火」的原因,因為涉及責任問題。

邱騰華重申,當局除了繼續調查之外,也會加強監察石油氣氣站,不定期進行抽查,要求供應商加強定期清洗氣缸。

邱騰華書面答覆的新聞公報

點解唔可以公布死火原因?因為中石化就唔駛公布原因呀?

依家好明顯,邱騰華係一位,為咗升官不擇手段,連市民安全都唔理嘅局長,大佬,香港有幾多人坐石油氣的士同小巴,死火問題係涉及眾多市民嘅人命安全,咁都唔駛公布原因,咁仲成世界?

香港有呢班咁嘅鬼卒,你每日都係朝早出街前,祈禱又好,求神拜佛都好,求上蒼保祐香港,政府擺明唔負責任。

Short URL: http://wp.me/p7cGY-1HW

發表留言

Filed under 香港政治

左生你仲訓緊覺?

小弟一向都相信左丁山(香樹輝)嘅人格,不過,佢今日撐高鐵篇文《誰在睡覺》,睇完之後真係笑咗。睇嚟依家仲訓緊覺果位係左丁山。

喺美國,Amtrek長期虧蝕,因為美國唔係無客運火車,甚至有高速火車(行走波士頓-紐約-華府嘅Acela Express,最高走240km/h),但係大多數美國人都係喺高速公路揸車,或者坐內陸飛機,Acela Express近年多咗客,因為美國反恐措施去到煩同膠嘅地步,坐華府、波士頓、紐約呢幾個拉登目標城市登機反恐檢查查到傻咗,所以唔少商務旅客至選擇坐Acela Express節省時間,但唔係因為佢特別快,而係本來紐約呢啲城市入到市中心都塞車塞到傻,只係咁解。大部分州份同城市,火車唔係用嚟運化學品、原油,就係鐵路線被拆改為捷運系統一部分(典型例子係洛杉磯近市中心果堆火車線,被改成捷運線)。你會唔會同化學品、原油等用埋同一條線?

美國永遠一係唔搞,一搞就搞最top,唔最top都有番咁上下斤兩嘅國家,你睇美國搞足球事業就知,依家美國唔著力搞HSR嘅原因(雖然奧巴馬下令搞若干條),因為美國如果真係搞,係大力發展磁浮,磁浮幹線有成五百幾公里時速,咁真係對美國交通幹線運力有幫助。

點解我問左丁山係咪訓緊覺,因為佢永遠都時空錯亂,當好多國家想來香港學中國文化果陣,佢就支持膠樽義將中大教學語言由中文改為英文,當全世界講緊一係唔好搞,一搞搞磁浮火車果陣,佢就話美國人唔搞高速鐵路訓緊覺,一如二次大戰果陣,波蘭仲講緊佢嘅騎兵,比德國強大太多,但人地德國坦克師一到咪秒殺波蘭囉,就係咁簡單。

左生不如公開吓佢公司盤數,有幾多嚟自中大、港鐵咁樣呢?

Short URL: http://wp.me/p7cGY-1HU

9 則迴響

Filed under 香港政治

國保所為

喺116事件後,之後先被揭出,有人扮示威者向黃宜弘擲膠水樽,以及警方訛稱有人擲玻璃樽事件,然後又有好戲量爆竊案,以及陳淑莊辦事處刑毀案,之後中區警區指揮官趙慧賢又被延遲升官,連串問題看似毫無關係,但小弟看,這與香港統監府(中聯辦)在港的惡劣統治有關。

1. 在中國有國保和國安兩個層面,國安一般是處理外敵入侵問題,而國安甚少公然做出倒屎行為,因為一被篤爆就邊度都唔駛去。但隸屬公安的國保大隊唔同,喺中國,搵人打維權人士,搵黑社會恐嚇維權分子,甚至搵便衣人員扮示威者,製造藉口拉人呢啲污糟嘢全部係國保大隊所為,依家幾單同116事件有關嘅疑案,都似係國保中人嘅手法,香港統監府係咪有本身嘅國保大隊,甚至警方都侷住要同呢啲友仔合作,好值得關注。小弟之前估警隊會否重組政治部(Special Branch),但依家睇唔會,因為老共無法控制香港人為本嘅警隊,同埋警隊有相當英國人高層,信唔過。

2. 在場嘅警察主要都係中區警區以及港島總區為主(防暴警察頭盔清楚寫住EU HKI),而在場警官頂住保皇黨壓力,拒絕116清場要求,會否影響中區警區指揮官趙慧賢升遷嘅決定值得關注,如果我地唔知警隊高層力撐保皇黨,警隊亂放胡椒噴霧係抵鬧(事實上都係要做刑事調查,因為犯咗法),但依家知道保皇黨過份到呢個程度,除咗胡椒噴霧果筆,我認為警隊本身己經非常專業同竭盡全力。咁大家要關注警隊港島同中區警區高層會否受政治壓力,特別嚟自統監府嘅政治壓力,今次趙慧賢未有升做助理警務處長,令人有所懷疑,香港警權自主係一定要守住,我怕係統監府乘勢要求安插佢地嘅人,或者一啲擺明港賊嘅友仔入去。一如大韓帝國滅亡果陣,軍部大臣根本係同日本合作嘅人,後來仲位居日本陸軍中將。

近日政局詭秘,自不待言。

Short URL: http://wp.me/p7cGY-1HR

發表留言

Filed under 香港政治