Daily Archives: 14 一月, 2010

李添勝與巾幗梟雄

【本報訊】近 400名電視廣播有限公司( TVB)員工昨傍晚發起「紅衣行動」,於將軍澳電視城外穿上紅色衣服示威,促請公司向員工派發一個月花紅及全體加薪最少 5%,王牌監製李添勝亦加入行列以示支持。有員工指公司底薪連超時補水月入不足一萬元,狠批公司出手凉薄。職員協會表示,若公司繼續漠視員工訴求,會將行動升級,甚或發起罷工。

CCTVB的劇集一向偏離現實,小弟都好奇怪,由李添勝監製的《巾幗梟雄》,差不多是香港革命的助燃劑,他怎樣編出來的,現在完全明白,當李添勝參與由職工盟發動的行動,以他的江湖地位,他明確告訴大家,《巾幗梟雄》的想法,正是他對社會的觀察,他巧妙以他江湖地位,以及過人敘事技巧,把他的「革命言論」透過電視播出,他現在只不過告訴大家他的想法,正是劇中的想法。

連黎耀祥和鄧萃雯都表明支持工業行動一方時,大家更看到一件事,《巾幗梟雄》沒變成一般CCTVB的電視劇,因為這電視劇罕有出現上至監製,下至演員都想法一致的情況,陳志雲還不知這世界發生什麼事。

陳志雲這類擦鞋仔,是戰勝不了李添勝這位香港電視黃金時代仍留這裡的元老。

延伸閱讀:
黃世澤:由命硬到柴九

Short URL: http://wp.me/p7cGY-1G0

後話:回顧李添勝的劇作,他素來以社會性強聞名,他其中一部名作正是《網中人》,他沒錯沒讀過大學,但他基層紮實的社會觀察,比劉兆佳這等學棍強太多。

看《蘋果》娛樂版,黃貫中同MC Jin一向想法清晰,在音樂中都知,但最估不到,周秀娜講的道理,比人紅了而corrupt的詹瑞文來得清楚得多,何必搏這一鋪?

7 則迴響

Filed under 香港政治, 傳媒

決戰前夜:自保三寶

防範警方無理襲擊時的三寶 #stopxrl

雖然未知明天會否有衝突,但由曾爵士的傲慢態度,保皇黨不惜動員群眾對著幹,以及群眾的憤怒反應,中環明天開始局勢詭異,不怕一萬,至怕萬一。因此,小弟故意列出這三大基本防禦裝備,在灣仔地鐵站A出口,大有商場後面的譚臣道一帶商店有售,不到一百元,但絕對可以保護自己。

1. 橙色的頭盔,是一般地盤用的貨色,主要防禦警棍扑頭。
2. 眼罩是3M公司用於處理化學液體工場用的那種,三十元一個,泳鏡也可以,小弟這個針對我這種有框眼鏡人士,主要防警察直向眼睛噴射胡椒噴霧同催淚氣體。
3. 口罩可以用3M N95,主要防催淚彈,但R95比N95有效,當然都貴唔少。

仲有,備有少量急救藥物,助己助人,當你見到班差佬同前差佬,喺差人嘅討論區,乜都講得出嘅時候,咁必須要做係保護自己。

Short URL: http://wp.me/p7cGY-1FW

2 則迴響

Filed under 香港政治

認真討論送劉迺強返火星

林忌:高鐵貴過登陸火星四倍

幾日前小弟講過,劉迺強覺得地球好危險,我建議送佢返火星。經林忌認真研究同討論後,發現香港人原來被人搵笨,只要起高鐵四分一嘅錢,就可以劉迺強成為中華民族嘅英雄,就係成為第一個被人送到火星嘅中國人(如果佢無外國護照嘅話)。

所以,明天立法會財委會唔應該通過高鐵興建案,就將呢筆錢嘅一半,送劉迺強、曾憲梓返火星,最多費時佢地寂寞,將馬力同鄔維庸嘅骨灰一併送到火星又點話,而太空船個名叫乃強一號,而火箭個名就叫憲梓一號,日後世世代代嘅香港人同中國人,一定記住佢地為中國殖民火星嘅偉大貢獻。

中國人先過美國人登陸火星,絕對係威風凜凜嘅事,劉生同曾生無理由推卻架,係咪?

Short URL: http://wp.me/p7cGY-1FT

4 則迴響

Filed under 香港政治

曾爵士當人民無到

反 高 鐵 青 年 對 曾 蔭 權 不 願 直 接 對 話 感 失 望
2010-01-14 HKT 17:50
正 在 立 法 會 外 參 與 反 高 鐵 「 斷 食 」 行 動 的 80 後 反 高 鐵 青 年 成 員 陳 景 輝 表 示 , 現 時 是 行 政 長 官 曾 蔭 權 與 他 們 對 話 的 最 適 合 時 機 , 他 又 對 曾 蔭 權 到 立 法 會 出 席 答 問 大 會 , 仍 不 願 意 與 他 們 見 面 , 表 示 失 望 。
陳 景 輝 說 , 一 班 青 年 已 「 斷 食 」 接 近 48 小 時 , 身 體 十 分 虛 弱 , 情 緒 並 不 高 漲 , 只 希 望 能 夠 與 行 政 長 官 直 接 對 話 。

他 認 為 , 曾 蔭 權 已 掌 握 與 青 年 溝 通 的 問 題 所 在 , 只 是 不 願 面 對 。

曾 蔭 權 : 政 府 不 承 認 任 何 形 式 公 投 結 果
2010-01-14 HKT 18:10

行 政 長 官 曾 蔭 權 表 示 , 基 本 法 下 沒 有 公 投 制 度 , 因 此 政 府 不 會 承 認 任 何 形 式 的 公 投 結 果 。
另 外 , 曾 蔭 權 亦 提 到 , 上 月 述 職 時 總 理 溫 家 寶 提 到 的 深 層 次 矛 盾 , 是 指 香 港 經 濟 轉 型 問 題 。

Rachel最愛在專欄中,拎「視民意如浮雲」呢句爛gag抽曾爵士水,某程度,今天兩單新聞都反映曾爵士真正問題,唔係視民意如浮雲,係當人民無到。

我話之你公投係諮詢性公投,變相公投都好,無法律約束力又點,佢就係民意,政府可以唔理民意嚟施政咩?唔同立法會外嘅年青人對話,更係傲慢嘅表現,正如長毛講,你駛乜搞咁多嘢,班人都喺外面,咪見吓佢地囉。曾蔭權嘅傲慢,令我諗起一九八九年果陣,領導人拒見學生嘅傲慢和不知所謂,後來學運點解惡化到咁,就係呢挺傲慢。

佢當人民無到,咁我地更加要重視番自己,喺公投以及明天包圍立法會,等呢條友知道乜嘢叫做膠,呢個世界,唔係乜叉都可以當浮雲。

延伸閱讀:
繆美詩:改變!

Short URL: http://wp.me/p7cGY-1FR

5 則迴響

Filed under 香港政治

再打鐵膠

http://hkitalk.net/HKiTalk2/redirect.php?tid=469858&goto=newpost#newpost

我講過會針對iTalk嘅鐵膠嚟打,因為鐵膠呢種人實在映衰鐵路迷,依家再嚟一啲膠論:

1.你知唔知公共專案聯盟o既建議錯漏百出?

2.高鐵列車係西九去福田都係14分鐘,
係紅磡開出o既KTT, 14分鐘唔知去到大學未呢?
如果KTT只係慢CRH少少, 係廣深路段就唔會比人趕落慢線啦

呢位區麗芝個腦出咗事乎?

1. 公共專業聯盟個建議如果係錯漏百出嘅,政府你班鐵膠俾啲證據我睇,政府成日話起鐵路橋好難,夠起條隧道經米埔過福田難?

高鐵工程或令米埔水位降

文思慧今日會向環諮會提交廣深港環評不足的文章,要求該會環評小組認真審視是否通過報告。她引述環評的「水文地質報告」部分,指報告承認「隧道工程可能引致地下水不受控,湧入挖掘中的工地」,因而有地下水位下降的風險;地下水位下降,會引起上層土壤沉降,及破壞地面建築及設施。

仲未計大角咀一帶,果啲以碎石為主嘅土質,對香港填海史有啲認知,都會估到下面係炸山炸出嚟嘅碎石地,我想問點用六百幾億挖條合符高鐵嚴格要求嘅隧道?單係米埔果塊沼澤地,足以隨時令高鐵爛尾收場,呢班鐵膠要記住,米埔係《拉姆薩爾公約》保護嘅沼澤地,係國際公約嚟,香港唔准走數。

KTT果個簡直係膠論中嘅膠論,小弟坐過台灣高鐵(新幹線700T)好多次,要體驗台灣高鐵嘅速度,係要揀班次搭,一般揀台北-板橋-台中-左營(高雄)嘅車嚟搭,只有呢啲班次可以做到個半小時由台北去到高雄,比飛機仲快,因為一如任何陸路交通,都需要相當距離加速,個速度係2.0km/h/s,台灣高鐵都要喺過咗板橋站之後至叫可以去盡全速,如果你係坐停桃園果啲車,仲要過咗桃園站至見識到新幹線700系嘅威力,因為北部幾個縣市嘅距離太近,唔似中南部隔得疏有得發揮。依家KTT加速度係3.6km/h/s,營運速度係160km/h,如果唔係站站停問題,喺珠三角地區站比較密,KTT唔見得真係咁差喎。如果港鐵開條西九經西鐵路線駁龍華嘅快速鐵路,隨時比呢條硬膠高鐵有得做。

武廣高鐵係用ICE-3為本嘅和諧號列車,睇嚟駛入香港嘅好大機會都係ICE-3,今日有睇陳雲篇文都知,ICE系列嘅車喺德國得兩段行全速,陳雲篇文講得好清楚:

聯邦鐵路局派發小冊,詳細解釋快車運行之原委:ICE不追求最高的速度,而是最適宜(optimal)的速度,以符合能源效率及維修設備的成本效益。ICE比法國的TGV火車或日本的子彈火車,要慢得多,卻較為節省電力和維修成本;減速和煞車的時候,磨擦的能量,回收到貯電箱,在加速的時候回饋予引擎。初搭ICE火車的時候,在法蘭克福至富爾達的一段長路,司機逐漸加速,以開玩笑的語調向乘客宣布,車速已達每小時三百公里,乘客也報以一笑。之後,火車便減回平速了。
整個ICE鐵路網中,列車只可以在兩段高速路線上達到時速三百公里最高運行速度,其餘都是平速行車。ICE與法國TGV、日本新幹線或中國的高鐵系統的構思截然不同。後者集中於高速運行,務求縮短首都與其他大城市的交通時間。

我唔知中國人點用ICE系嘅車,但如果要做到減速能力回收貯電箱,係逐漸加速嘅話,咁我想問高鐵將喺香港段有幾快?ICE既然喺德國都係共用路軌,點解唔用共用方案,集中火力解決福田至錦上路之間嘅問題,搵自己嚟搞?

所以我話鐵膠,有幾多真係真心,有心咁愛護鐵路,定係為咗自己對列車嘅迷戀,就不斷亂講廿四?小弟喺台灣都係坐高鐵出入,甚至台北去桃園機場我都係坐高鐵駁巴士,小弟長期有耳水不平衡問題,坐長途巴士實在痛苦,但唔代表要支持政府呢挺膠到無朋友嘅高鐵方案。

小弟做一次文抄公,以陳雲今日篇文以下段落,嚟總結一吓鐵膠支持高鐵果種病態:

要人家用此等耐性來乘搭特快車,其心態猶如經營迪士尼過山車﹕遊客排隊個多小時,就是貪圖四五分鐘的刺激車程。這也許是高鐵的賣點吧:「高鐵,值得你期待,值得你享受,值得你手拖行李,苦行、呆立二十多分鐘來乘坐。即使節省不了多少時間,甚至要你繞個大彎路,即使飛機更快更便宜,高鐵也值得你乘坐的。你看,高速之下,連水杯也放得穩定。」如此宣傳,是幽默還是倒米?然而,一月五日,經濟局局長鄭汝樺上武漢搭高鐵,那副宣傳口吻如出一轍。即使說,高鐵不是有效率的運輸工具,而是體驗消費(experience economy),有如迪士尼過山車,並無實際用處,但為了過高速的癮,也是值得花費兩千多元搭一程的啊(假如並無車費補貼)。

大家明白小弟不認是巴士迷和鐵路迷嘅原因,因為社會人士對呢班友嘅諗法心中有數。

Short URL: http://wp.me/p7cGY-1FM

8 則迴響

Filed under 香港政治

警方己經正式落簿調查有前警務人員恐嚇陳巧文案

今朝收到商業罪案調查科,科技罪案組一名姓葉高級督察嘅電話,話單案己經積極調查緊,而個RN Number係RN 10000284。

我睇警察係唔係好似葉Sir咁講,係會公正處理呢件事。但如果各位要做好市民,向警方提供資料,可以跟呢個RN Number提供。

Short URL: http://wp.me/p7cGY-1FH

後話:根據《警察通例》21-07有以下規定:

21-07 處理投訴人/證人的舉報並錄取其個人資料
單位在接獲由報案人親身或以電話、傳真、電郵或函件方式作出的任何舉報後,在適當情況下,須立即輸入通用資訊系統內,不可耽延,且不可將其記於任何非正式 的登記冊或散頁上。

所以,係一定要有報案簿號碼,下鋪報警一定問佢拎,而根據《警察通例》21-05

21-05 警區接獲刑事紀錄科轉介的投訴/資料後須採取的行動
因接獲投訴信或罪案資料而進行的調查結束後,調查人員須把結果以書面告 知報案人(如得知其身分)。

單案查成點,你身為報案人係有權問,所以我實會跟進呢單嘢。

發表留言

Filed under 香港政治

連個發債建議都講到亂晒籠

2010年1月14日
學者倡高鐵發債消政治爭拗

廣深港高鐵高達六百六十八億元的建造費備受爭議,其財務細節卻未見仔細探討。本報為讀者拆解高鐵賬目,今天先探討撥款細節。

反高鐵示威者憂慮,高鐵上馬令庫房壓力增、民生特別是扶貧項目會減少。政府向本報表示,一旦立法會通過,六百六十八億元巨額將全數由隸屬財政儲備的「基本工程儲備基金」撥出。有學者質疑,政府為何不仿傚當年以發債方式為「五隧一橋」融資,從而減低儲備撥款帶來的爭議。

有時真係好驚呢班所謂財經學者,因為香港做學者,好多係無實務操作經驗,如果用「五隧一橋」模式嚟發,利息貴到hihi,我真係唔知係乜發債方案嚟。

所謂「五隧一橋」模式,係財政司司長法團拎高鐵本身資產,成立一間有限公司作擔保嚟發債,問題點解當初五條政府隧道加一條青馬橋發債會成功,因為呢五隧一橋本身係有穩定嘅正現金流,所以成個五隧一橋嘅credit rating以及coupon嘅定立,係依據港府嘅信貸評級,再加上五隧一橋嘅收入同風險計出嚟,因為咁樣至有機構投資者長期購入,變成接近government bond嘅優質資產。

但依家我想問,連政府都認為財政上不可行,喺國際上鮮有財政可行例子嘅高鐵,佢嘅收入點可能用嚟擔保?除非政府額外追加其他資產或特別安排做擔保,否則個bond嘅credit rating會好難睇,而個coupon亦都會相當高,結果係吸引一班鍾意賭CDS或者Junk Bond嘅鱷魚嚟玩,製造金融隱患。喺近排杜拜同歐盟國家嘅主權債券被人賭CDS賭到興烚烚果陣,香港政府單以高鐵資產,以港府財政儲備擔保發債,係製造一個賭場俾自己,如果我係Bond檯班鱷魚,政府高鐵用咗成四分一財儲加再上未來仲係無底深潭,嚟多一兩劑唔知有無錢賺嘅硬膠基建,又話籌辦亞運,就己經可以著手定立賭香港CDS衝擊金融市場嘅計劃,搵準時機就搵一大筆。

所以政府唯一合理嘅發債方法,係政府將高鐵資產注入九廣鐵路有限公司,然後用九廣鐵路有限公司嘅credit rating,再加上東西鐵、輕鐵嘅資產同埋收入嚟發債,可以靜靜雞依家先發債,但市場人士唔係傻嘅,一定會問高鐵會否影響九廣鐵路有限公司東鐵線嘅總收入,包括會否造成港鐵公司削減支付服務營運費嘅壓力,最後一定影響KCRC嘅credit rating同發債成本,所以政府係唔敢發債,就算KCRC出個new issue,都要對高鐵盤數和盤托出,到依家港府都未俾財委會有關文件(財委會果堆文件,係唔會合符香港證監同美國證監嘅要求),你話點可能發債?發條毛咩?

補充俾反高鐵人士:石禮謙同時係九鐵董事局成員,雖然呢劑嘢係港鐵興建同有營運權,但如果高鐵注入九鐵入面,係有多一重利益衝突,絕對應該避嫌,唔係declare咗interest可以脫逃,因為政府撥款絕對影響九鐵嘅營運。

Short URL: http://wp.me/p7cGY-1FA

後話:多謝讀者提供,話俾大家聽乜叫低質素鐵膠

鐵膠之所以係鐵膠,因為佢地只係要建條「夢想鐵路」,公帑運用、環保乜叉都唔理,我可以講,周五出嚟撐政府,肯定有唔少呢類「電車膠」。

15 則迴響

Filed under 香港政治, 財經