Daily Archives: 12 一月, 2010

梁振英同唐英年鬥硬膠

今日《信報》都算係奇景,練乙錚同埋鄭經翰兩條友圍住插梁振英,鄭經翰仲係上周追殺梁振英到依家。

唐英年唔適合做特首阿水都知,咁嘅膠人做特首,我會即刻飛去倫敦,真係無眼睇膠港。梁振英近排睇落正常少少,但係呢條友走數紀錄同巴貝利有得揮,今天練乙錚同鄭經翰正係插呢條友敢做唔敢認嘅走數行為,呢兩條友輪住做特首,香港唔玩完都難。

呢個亦係點解要孤注一擲玩公投決政制嘅原因,明知兩條硬膠做特首,俾你2017同2020普選又點,香港玩完咗喇,你住埋我果份喇。依家唔賭一鋪,大家聽收工喇。

Short URL: http://wp.me/p7cGY-1F2

發表留言

Filed under 香港政治

監躉前督察恐嚇人唔知衰

林忌:前高級督察恐嚇陳巧文分分鐘有BB

知法犯法本屬罪加一等,坐完監仲要唔知衰,仲要做埋啲涉嫌違法行為,以為自己好醒,就衰多幾錢重。

1. 唔理呢位李生能否強姦陳巧文,只要他的言論令陳巧文感到驚恐,不去作出她有權做嘅行為,己經足以構成刑事恐嚇。呢樣嘢,李生無理由唔知。

2. 正如林忌篇文所講,可以援引強姦快閃黨嘅案例,大街大巷話要強姦一個女人,呢啲你話會唔會構成有違公眾體統罪?至少我因為感到好不安,真係透過電郵報咗警,應該有唔少人,曾經向警方報案。

3. 喺李志輝被指妨礙司法公正果單砌生豬肉案中,李生之所以被加監同重判,裁判官指他損害市民對法治嘅信任,依家李生係變咗再犯,衰多一鑊大家如果真係上庭,個官會點睇單案。

如果陳巧文真係周五去報警,幾千人真係要陪住她去報,費時唔知發生乜事,小弟有朋友,因為被人煩到抽筋,要出入警局,果間警局正係曾經發生過強姦案果間警局,真係唔擔心就假,唔只擔心我朋友繼續被人煩,仲要擔心果啲差人會唔會兵賊難分,你話點會唔駛集體陪陳巧文報警。

Short URL: http://wp.me/p7cGY-1F0

5 則迴響

Filed under 香港政治

由學棍劉遵義到學棍徐立之

在中大學生報事件,當時劉遵義出警告信的行為,小弟極度不滿是不用說的,那時小弟還在中大校友評議會當常委,當然,我還當常委時,是不會出現常委會亂出聲明的事,始終我做事是分大小輕重,而前主席殷巧兒也是有資深而有骨氣的傳媒人,不像現任主席劉世鏞,把評議會常委矮化成不成樣子。

但估不到,在陳巧文還未被控襲警,身為中大校友的港大校長徐立之,己經急急要譴責陳巧文,簡直不知所謂,他還記得他是中大人嗎?

中大人有一個特色,就是視抗爭為必然,中大校友不少猛人搞抗爭搞得給政治部找麻煩,但歷屆中大校長,甚少像劉遵義這樣膠,諾貝爾物理學獎得主高錕教授,更是以寬容抗爭著名,他真的榮休前最後職務甚至是壹傳媒集團獨立非執行董事,就算大家有點不以為然的李國章,他有時都擋住一些外界政治壓力,不過劉遵義不是中大出身的人,大家對這個外人校長就有時都明白他不明中大文化之處。

但徐立之讀中大新亞時是什麼年代,那個是保釣的年代,爭取中文為法定語文的年代,不少抗爭便是中大發生,他碩士畢業後兩年,時值一九七六年,新亞書院更有九名校董反對校方改制決定請辭,以存骨氣,他現在竟然敢這樣對陳巧文,這根本是出賣中大精神,出賣新亞精神,連累一眾中大校友蒙羞,這罪名比劉遵義還要加一等,大家還不要忘記,港大其中一位校友正是策動武裝起義推翻大清帝國的中華民國國父孫中山,他既不能在中大校友前抬起頭做人,更愧對孫中山先生,與陳一諤一樣都是賣校求榮之徒,真的香港兩間大學的面子給他一次過丟乾淨了。

現時當權的香港人,特別學術界,學棍當道,全部沒有五四年代那種傳統學統,相反五四年代的精神真的在香港第四代人身上傳承,個個為權為利什麼都不理,還稱什麼學者?有好朋友問小弟,為何棄學從商,從商還可保持良心,從學恐怕出賣起來比從商不堪好幾倍。

Short URL: http://wp.me/p7cGY-1EX

12 則迴響

Filed under 香港政治, 中文大學

又嚟香港一定duck

曾 德 成 重 申 香 港 有 能 力 申 辦 亞 運
2010-01-12 HKT 19:08
民 政 事 務 局 局 長 曾 德 成 表 示 , 本 港 對 申 辦 亞 運 積 極 , 現 正 等 待 港 協 暨 奧 委 會 正 式 提 出 申 請 。
他 說 , 政 府 之 後 會 進 行 全 面 評 估 , 會 採 取 務 實 態 度 , 作 出 一 個 理 性 決 定 。 曾 德 成 重 申 , 香 港 有 能 力 申 辦 亞 運 。

上次仲膠唔夠,你估大家唔記得「香港一定得」果句膠句,依家又申辦亞運,傻的嗎?

香港啲公帑,就係俾啲膠人係咁亂用,大家交稅用嚟起膠鐵,搞膠運,大家甘心嗎?

又係時候回帶,黃貫中同LMF嘅《香港一定得》。膠夠,周五實要圍立法會,阻止班膠人亂咁駛錢。

Short URL: http://wp.me/p7cGY-1EV

7 則迴響

Filed under 香港政治

一單香港高鐵弊案有可能KO全台灣嘅弊案

http://gzexpress.heroku.com/c/540

高鐵造價六百六十九億,如果把這筆錢給陳水扁一家貪污,可以給三百九十一次 !

就算陳水扁真係有弊案,香港高鐵可以俾阿扁一家貪弊三百九十一次,你話阿扁果啲弊案係世紀弊案?咁依家立法會搞緊果啲,我想問係乜嚟?

香港高鐵撥款過咗後,唔好再話香港比台灣清廉,講都無人信。

Short URL: http://wp.me/p7cGY-1ES

7 則迴響

Filed under 香港政治

究竟香港警察討論區同警隊高層有乜關係?

香港警察討論區管理團隊介紹

以我對《警察通例》以及CSR嘅理解,如果滄海一笑發表要脅強姦陳巧文言論諗住走數,睇嚟無咁易。

1. 根據《警察通例》以及CSR 520-525,警隊人員係唔可以隨便發表言論,但呢度多位板主係現役警員,百分之八十五會員係現役或退役警員,其中廖潔明更係真人露相,呢班友拎咗CSR 520-525條豁免未?

2. 根據一般慣例,工會代表一般可以獲CSR豁免,好似廖潔明本人應該無乜問題,警隊內部刊物,由部門出版(例如《警聲》)或者工會內部通訊都可以豁免,但呢個唔係工會,亦唔係工會搞手搞嘅網站,憑乜拎到豁免,非常奇怪。

3. 呢個網站請嘉賓果度,亦令人懷疑佢地嘅政治立場,凌劍剛除咗係退役警員,亦係匯燃致富嘅成員,更加代表匯燃致富出選區議員,大家都知呢度當匯燃致富係納粹黨嚟打,如果個網站連凌劍剛都係特邀嘉賓,咁唔怪得有滄海一笑呢啲近乎SS嘅言論出現,係得納粹黨可以講呢啲違法言論仲唔知醜。

小弟認為,呢個討論區非常值得懷疑,唔該李少光同鄧竟成交代一下,呢個討論區咁多警察會員,甚至有人胡說八道,拎晒Clearance未,否則有多幾件差佬或退役差佬,發表一啲膠到無朋友嘅言論,到時警隊睇吓仲剩幾多公信力。

Short URL: http://wp.me/p7cGY-1EN

Update: 根據偵探頭腦遠遠勁過警察部超級電腦嘅高登起底組的搜查,搵到以下嘅post

http://www.pcchk.com/thread-25292-1-1.html

滄海一笑真身係李志輝,前高級督察,我想問佢退休前守開邊個環頭咁?我諗好多女市民,都應該好驚。

不過,以下可能係線索:

元朗反黑組高級督察李志輝及兩名偵緝警長黃汝麟及歐陽儒,砌生豬肉妨礙司法公正判囚兩年及十八個月。

13 則迴響

Filed under 香港政治