Daily Archives: 11 一月, 2010

劉迺強好懷念火星

劉迺強嘅膠文,小弟不嬲係膠都費時俾,睇都唔會睇,因為浪費地球資源,唔明點解呢件廢件點解未送去堆填。

今天佢喺《信報》篇文嘅標題,令我恍然大悟點解:

火星撞地球及其教訓

好明顯佢係火星人,否則點知火星曾經撞過地球,而我地唔知嘅,而佢既然唔係地球人,葬喺地球對生態未免太有危害,搞到成區都係劉迺強咁嘅款嘅生物,真係衰過生化危機。

所以,小弟建議,中國嘅太空計劃應加速上馬,一係咁,如果唔駛起高鐵,香港人唔介意捐一百億出嚟,資助中國太空計劃,其中一項係送晒劉迺強、曾憲梓呢堆宇宙人返火星。佢地咁懷念火星,就費時佢地影響中國嘅國家安全,呢件事比高鐵更加重要。

Short URL: http://wp.me/p7cGY-1EK

7 則迴響

Filed under 香港政治, 傳媒

土共最叻就係施壓

知唔知點解,李柱銘寫篇文都可以被屈施壓,原來,土共最叻係亂咁施壓,秘書都唔放過。大家睇到土共係乜質素。

黃國健同潘佩璆醫生,話佢走狗都侮辱咗狗。

Short URL: http://wp.me/p7cGY-1EI

5 則迴響

Filed under 香港政治

我地要集體做個好市民

由於我部Macbook差不多夠鐘(雖然後來發現又係條RAM瓜咗老襯,但為免夜長夢多,都係換機實際),今日成日都無乜點update個blog,唔好意思。

林忌有個好偉大嘅建議,叫大家集體去提供陳巧文資料又好,報案告差佬又好,做個良好市民提供資料也好,總之1月15日一炮過去,小弟拍掌贊成,理由:

1. 節省公帑,費時市民去唔同差館做,免得被人話浪費警力,不如一炮過集體做。
2. 喺1月15日,政府反正部署大量警力喺港島,與其喺條街食西北風,不如喺office度落口供。
3. 呢次係一次良好示範,政府成日宣傳話要做良好市民,提供資料俾警方,呢次大家咪去做囉。

至於陪同報警或者去差館提供罪案資料得唔得?梗係得,大家睇以上呢張圖,梗係你有理由要去陪朋友去差館,大家睇睇,呢位叫滄海一粟嘅前警官,竟然敢喺警察嘅討論區話,如果佢嚟盤陳巧文,陳巧文就會有BB,大家諗吓有人意圖進行乜嘢罪案?唔怪得之前旺角警署竟然有女報案人喺認人室被差佬強姦果單案,係唔係唔少差佬做慣呢家嘢咁?雖然,小弟相信大部分香港警察係正直守法嘅,但為咗安全起見,越多人陪報案、投案、提供資料乜都好,越安全。

Short URL: http://wp.me/p7cGY-1EG

延伸閱讀:
林忌:香港警察變袁木鐵證

4 則迴響

Filed under 香港政治