Daily Archives: 9 一月, 2010

唔好當呢段片講笑

freeman剪接真係掂,不過如果大家唔關注一吓陳巧文事件,真係會搞出呢挺膠事出嚟。

延伸閱讀:

陳巧文:非常感謝大家

Short URL: http://wp.me/p7cGY-1Ew

2 則迴響

Filed under 香港政治

鄭汝樺呀,可唔可以俾政府個錦上路方案我睇睇?

呢段片段,最緊要係睇頭五分鐘,呢五分鐘有乜好睇:

1. 睇《AM730》老總馮振超點樣全程恥笑邱誠武,果句有糧出,無鏡出真係金句。
2. 更重要係,鄭汝樺曾經向一眾傳媒高層,披露過一份政府版錦上路方案,但幾個鐘後又唔俾傳媒披露,究竟背後有乜耐人尋味嘅秘密?

最緊要係,市民好想知政府個錦上路方案至批撥款喎?唔知可唔可以1月15日唔開會,俾全世界知道政府個錦上路方案先開會?呢條膠鐵,越來越似一單貪污案,一定要跟到底。

Short URL: http://wp.me/p7cGY-1Et

(小弟歡迎各路深喉提交文件,小弟一定保持爆料者機密。)

4 則迴響

Filed under 香港政治

如果貴子弟參與社運,你應該看孤軍雄心

小弟不止一次講《孤軍雄心》(The Patriot)這套片,上次是表明小弟的武夫精神,這次是為一些第二代人,有子女屬於第四代香港人,參與社運,你應該怎參與而寫。因為陳巧文被捕事件,應該有些家長會因怕子女被捕,所以不讓他們參與。小弟會勸這些家長,看看《孤軍雄心》。

《孤軍雄心》的男主角Benjamin Martin雖然是虛構人物,但編劇設計時是參照美國獨立戰爭歷史,和個別真實人物事跡來設計,否則一早給美國人嚴重修理。《孤軍雄心》中由Mel Gibson飾演的Benjamin Martin,是戰爭英雄,本來想告老歸田,怎料他的兒子參與美國獨立戰爭,與英國對抗,還為家中惹來麻煩。Benjamin Martin最初也阻止子女參與美國獨立戰爭,但後來他是他也參與美國獨立戰爭,而且還是一名出色的將領。

Benjamin Martin為何會參與戰爭?因為你不搞政治,在一個硬膠政權下,政治都會搞你,難道你認為你不理政治,就可以平安生活嗎?有可能你飲了三聚氰胺奶生腎石,亦可能因為你不知得罪那位膠官招來橫禍,或者你有層樓,但某天給大財團看中,然後用盡不法手段迫你接受低價賠償。那時你才參戰?誰幫你?華裔印尼人對此感受相當深,猶太人對此亦感受極深,但總不能要以進毒氣室或妻離子散作代價才醒覺。

若日後我有子女參與這類抗爭,我不會反對,甚至像Benjamin Martin般參與其中,只有政治清明,才可能平靜退休。

發表留言

Filed under 香港政治

香港版民主香腸

民主香腸香港版 #stopxrl

在昨天皇后像廣場的集會中,小弟認為最聰明的一點,正是引進了源自台灣的「民主香腸」,這次是菜園村以及不少社區企業的美食。

小弟在2000年觀察台灣總統大選時,對民進黨陳水扁的造勢大會,最有印象不只是有如演唱會的節目安排,還有是非常多的台式小食攤檔,而且是北部、中部、南部的美食都有齊,在那次大選,小弟雖然台北、基隆兩地跑透透,但仍然肥了五磅,小弟要肥五磅是很難一回事,而能增肥的關鍵,正是民主香腸。

民主香腸是台灣民進黨各項活動的奇景,而這些攤檔對維持抗爭能量很有幫助,在台灣參與政治活動,是不用顧慮要否去吃晚飯的問題,長期抗爭不用顧慮糧食補給,因為現場的小食正是當中精要之一。而這些小食,又與民進黨的本土議題很緊扣,因為是地道得不得了的本省人小食,這有相輔相成之效,昨天的菜園村客家鹹湯㘣,熱辣辣不用說,又能合符菜園村的主題,少見的聰明做法。

至於警察也吃一份,是不是方便便衣監視,也不一定,事實上,中環皇后像廣場一帶實屬無啖好食之區,若非軍裝警員不方便,在寒風之下,這些熱食實屬一大誘惑。

下周的抗爭應該維持這安排,小弟甚至認為支聯會的活動,七一遊行都應該想辦法讓攤販有機會營生。至少小弟有為食朋友對我說,她下周會來因為要吃這些特色小食,香港吃東西太悶了。(小弟這位朋友是街頭美食擁躉)

Short URL: http://wp.me/p7cGY-1En

5 則迴響

Filed under 香港政治

國民黨三仗全北!

第7屆立法委員桃園縣第2選舉區、臺中縣第3選舉區、臺東縣選舉區缺額補選得票數(●為當選人)

桃園縣二選區
1 陳麗玲 國民黨 36989
2 彭添富 無黨籍 1760
3 郭榮宗 民進黨 53633
台中縣三選區
1 余文欽 國民黨 51776
2 簡肇棟 民進黨 63335
台東縣
1 洪銘堅 無黨籍 2482
2 賴坤成 民進黨 23190
3 鄺麗貞 國民黨 21215

上述圖表引述自台灣《自由時報》

國民黨三場補選都膠到無朋友,其中台東縣民進黨贏過都贏埋,代表乜?

首先,國民黨依家叩頭政策叩得太離譜,幾時中華民國變咗大韓帝國嘅翻版,ECFA簽完真係遲啲變咗《乙巳保護條約》之類嘅福佳條約。如果依家藍營諗住叩中國頭可以贏到2012年大選,發夢請早,ECFA唔駛公投,唔該即刻送去焚化爐燒咗佢。

另一方面,國民黨啲候選人亦都膠得太離譜,台東嘅前縣長鄺麗貞以硬膠聞名於台灣,鍾意浪費公帑外訪唔駛講,台灣水災果陣佢仲好意思外訪,亦因為她太膠,國民黨唔敢搵她競逐縣長連任,咁諗住立委都守得住卦,結果就係連立委呢仗都膠埋。而且呢三仗中,有兩仗,即係桃園同台中兩仗,都係因為國民黨賄選有人當選無效搞出嚟嘅大頭佛,如果我係台灣人,你估我將唔將呢張票投俾綠營?

國民黨三仗全輸係抵佢死,依家睇馬英九同愛新覺羅溥聰識唔識反省吓。

Short URL: http://wp.me/p7cGY-1El

後話:睇《明報》台灣選舉新聞,真係信佢一成雙目失明:

對於這次補選,紐則勳分析,國民黨應可贏台東縣席位,台中縣因國民黨候選人知名度不夠,而民進黨的簡肇棟是前任立委,後者贏面較大。「3席立委補選中,桃園是勝負指標。」桃園縣一向是藍營天下,朱立倫05年競選縣長連任時曾大勝對手18萬票,但去年底縣市長選舉時,國民黨榮譽主席吳伯雄兒子吳志揚僅以不到5萬票險勝,使得今次補選形成拉鋸戰。

事實係,桃園縣國民黨都睇嚟會輸到甩褲,連《自由時報》都報國民黨在台中、桃園苦戰,台東縣打平手戰,但小弟事前諗係,只要有鄺麗貞,綠營想輸都難。

4 則迴響

Filed under 台灣政治

政府走數多過食飯,點信佢呀?

呂 大 樂 : 年 輕 人 要 與 建 制 建 立 互 信
2010-01-09 HKT 11:35
立 法 會 昨 日 第 二 次 審 議 高 鐵 撥 款 , 有 大 批 市 民 在 立 法 會 外 聚 集 , 包 括 80 後 青 年 。 有 出 席 昨 日 集 會 的 香 港 大 學 比 較 文 學 系 助 理 教 授 司 徒 薇 認 為 , 年 輕 人 的 參 與 對 社 會 有 正 面 影 響 。
司 徒 薇 出 席 一 個 電 台 節 目 時 表 示 , 這 批 年 輕 人 關 心 社 會 , 有 獨 立 的 批 判 能 力 , 每 次 參 與 社 會 運 動 , 都 能 累 積 經 驗 。

出 席 同 一 個 節 目 的 香 港 大 學 社 會 系 教 授 呂 大 樂 表 示 , 在 過 去 的 政 治 運 動 上 , 都 有 一 個 時 刻 要 和 建 制 談 判 , 他 認 為 年 輕 人 不 可 以 過 份 政 治 潔 癖 , 要 與 建 制 建 立 互 信 。

呂大樂呢鋪係膠咗。

膠咗喺邊度,無錯,係要同建制談判,但任何談判,唔理商業談判定政治談判都係,最重要嘅前提係對方唔會走數,如果對方個個都係巴貝利咁嘅款,一開始立心走數,大家傾條毛咩。

問題係:點保證特膠政府唔走數,你教吓我,我真係唔曉。

Short URL: http://wp.me/p7cGY-1Ei

(陶國能同巴貝利係唔同,陶生係對自己嘅賭注太有信心,不幸輸咗之後走數,巴貝利係落注果刻己經打算走數,政府正係呢種走數人士,你仲信佢真係你傻仔。)

11 則迴響

Filed under 香港政治

這次是但男絕對能夠代表我

是旦男聲援陳巧文 #ChanHauMan #0101hk #stopxrl

李少光無恥到,中國公安明明越境執法,仍然拒絕拘捕有關中國公安非法入境,以及綁架兩條香港的刑事罪行,手無綁雞之力的陳巧文,就告她兩條襲警罪,什麼道理?還有天理麼?

由今天開始,沒有香港警察,只有特膠公安。

Short URL: http://wp.me/p7cGY-1Eg

陳巧文己獲保釋,以下是各路人馬聲援的情況。

陳巧文保釋後接受傳媒採訪 #ChanHauMan #0101hk #stopxrl

10 則迴響

Filed under 香港政治

政府你黐咗線呀?拉陳巧文

由於昨天體力消耗太勁,本來想訓到好晏至起身(明天仲有MaD talk,下周五仲有連戰三天),點知今天一點幾被電話吵醒,聽到消息,話陳巧文因襲警罪被拘捕,依家成班友喺中區警署(即係軍器廠街警察總部)會聲援陳巧文,可能小弟都要儘快動身去到警署。

政府如果想香港暴動,即管真係落charge,我可以講,第四代香港人係無領袖,呢班膠人得閒睇吓V for Vendetta。以下係V for Vendetta結局,人人都是V,這就是己經來臨嘅未來。

補記:最後炸毀國會大廈果段用嘅柴可夫斯基《1812》果段,恰好是《1812》中,響起教堂鐘聲,象徵法國軍隊被俄國軍隊被擊敗一段,這段配樂是極有意思。

22 則迴響

Filed under 香港政治