Daily Archives: 8 一月, 2010

鄭耀棠膠完就到黃國健

工聯會應該改名做膠完會,因為膠人一件接一件表演,真係搞到花生又漲價。

今日高鐵又表決唔到,香港統監府一定勁唔高興,黃國健臨尾面色己經好難睇,點知會後向財委會秘書發洩,咁都得,最好笑係今次護住立法會職員果位,係長毛,黃國健呢鋪真係除咗恥笑佢,我地仲可以做乜咁?

不過膠完會同X建聯都膠埋一碟,果班友硬膠程度個個不相伯仲,查實叫中聯辦做香港統監府係抬舉佢,當年韓國統監伊藤博文話都係大政治家,救過中國維新派,亦係吞併朝鮮的鴿派(安仲根刺殺伊藤博文,反而加速日本吞併朝鮮),依家彭清華,除咗垃圾,又係乜?

7 則迴響

Filed under 香港政治

第二次拉布戰役

小弟相信,土共低估了群眾和泛民陣營的政治意志。

本來很多人對第二次拉布戰役不寄厚望,小弟甚至一早準備防暴裝備,準備吃警棍、催淚彈、胡椒噴霧,但最後,泛民議員,不論那一個黨派都奮戰到底,而政府因為太低估泛民政治意志,以為泛民議員不懂回帶術,唔做好功課,亦不備課,結果當然什麼問題都口啞啞,在香港拉布戰成功,除了政治意志,還需要一個膠到無朋友的政府。

土共很明顯怕戰場帶入五區公投戰,因此下周的拉布戰役,打到周五、六、日連開三天會,所以小弟必須忠告大家,仍有需要預備防暴裝備,小弟今天不怕做怪人,擺明車馬戴安全帽,是一種政治姿態,警察知道有不少人準備充足,亦不敢亂啟戰端,這只是戰略基本常識。

黃毓民會後說,有官員被感動,小弟不希望是緩兵之計,但小弟認為師法南韓的苦行,在中華文化為本社會是絕對有作用,就算用最馬其維利的方式去講,你會害怕意志堅定的敵人,因為你不知你的勝利值不值得換取。小弟認為,應該有更多人參與苦行,讓政府知道不宜硬碰,特別苦行這招傳入中國的話,共產黨遇上幾個馮正虎式對手,就肯定頭大如斗。要對手退兵的方法,莫過於以行動證明,你換取政治上的慘勝也是輸掉戰爭,那時政府見到棺材才會退兵。

劉細良未做官前,於2005年分析WTO之役的經典文章《群眾運動的邏輯-韓農的肢體劇場》己經講了第四代香港人的戰略邏輯,只不過香港政府請了劉細良都不聽他,他們自作自受不要怪人:

今次世貿部長會議,韓國農民多次與警方爆發肢體衝突,令香港人開始區分「暴力示威」與「肢體衝突」程度差異。暴力示威是製造最大混亂效果,以破壞社會秩序為主要目標,包括放火燒車、擲石攻擊商店、搶掠、以暴力對付警察,法國近期爆發種族暴亂便是這類型﹔另一類是有明確訴求,希望將群眾的政治或政策訴求通過示威放在社會議程上,再通過傳媒報道,引發社會大眾參與討論,這時肢體衝突變成了群眾運動的「劇場演出」。農民做Show要投入,要有激情,肢體衝突從新聞角度來看是充滿動感,可以成為翌日報道焦點,但即使是劇場演出,也要知道底線在哪裏,包括不能用攻擊性武器嚴重傷害對方身體,不能破壞社會秩序,攻擊其他人士。

Short URL: http://wp.me/p7cGY-1E6

27 則迴響

Filed under 香港政治

決戰一百二十分鐘

現時香港時間是晚上八時五十三分,未來一百二十分鐘,將會是決戰的關鍵一百二十分鐘。

對土共而言,陷入了一個戰略兩難,由於現時現場,亦即小弟身處的地方,官方在晚上八時公布有七千人,但有可能現時有可能有一萬人,如果土共在未來一百二十分鐘表決,由於現時群眾情緒非常高漲,血戰一觸即發。如果今晚拖到十點半無法表決,就有可能將這場惡戰,拖入五區公投決戰之中,土共極怕在公投決戰中打這著。

譚耀宗算盤是速戰速決,因為土共和功能組別議員極怕公投遭遇戰,但政府看來另一個盤算,總之大家留意Twitter和blog的最新更新。

這一役,比2003年7月1日後凶險太多。

Short URL: http://wp.me/p7cGY-1E4

3 則迴響

Filed under 香港政治

現時在超過五千人在皇后像廣場

2010年1月8日包圍立法會實況

2010年1月8日香港時間1840,皇后像廣場外的實況

20100108001

請各位繼續前來聲援,或在Twitter圍觀。以上的安全帽,是小弟特別來的防範差佬亂嚟用。

Short URL: http://wp.me/p7cGY-1E1

發表留言

Filed under 香港政治

偉大的曲線

唔駛講咁多,大家喺立法會外見,鎖定Twitter #stopxrl的hashtag。

3 則迴響

Filed under 香港政治

梁振英倒念九陰真經

記憶所及,抬棺材示威,梁國雄是始創者,當年大概是1998年,梁國雄和一兩個追隨者,在回歸紀念日抬棺材上街抗議。和今年元旦日中聯辦門口的情比較,形勢有了變化﹕一是今年的人更多;二是參加示威的年輕人比梁國雄更激。

2004年立法會選舉,梁國雄首次當選,當時社會上有人不明所以,將梁國雄現象說成是「選民貪玩」。4年後,梁國雄和其他4名社民連候選人參選,奪得全港分區選舉的10%選票、立法會的3個議席。

政治學是一門科學,用科學理論分析和歸納,可以解釋現象,同時可以做準確預測﹕在某些條件具備的情下,就會出現某種現象。而且條件和現象的因果關係,可以不斷重複。這就是科學,自然科學和社會科學,都是這個道理。香港社會近年的變化、政治和社會事務的激化,我們要客觀和科學地分析。

以上似曾相識,好似係小弟寫過嘅論點,係摘自今日梁振英喺《明報》筆陣嘅專欄文章,當然小弟絕對唔會做梁振英做文膽,但由佢近日對世代論嘅研究,同埋今日佢寫嘅嘢,前面我引果段明抄《梁國雄現象》,後面引果段明抄小弟果套張五常兵法,係得小弟不斷強調準確推測可能性(唔係預測,forecast同prediction係好有分別,一用英文就清清楚楚),甚至稱呼勞永樂做勞永樂醫生嘅寫法(呢個係南洋寫法嚟,睇過《聯合早報》我寫過啲文就知呢挺做法係南洋做法嚟),好明顯佢本人同佢嘅文膽,係有研究小弟嘅整盤思路,然後諗住歸為己用。

小弟只係教過兩個人寫時事評論,其中一位本身己經無喺傳媒做,而且果位無喺傳媒發表文章嘅「弟子」,政見激進程度同小弟係不相伯仲,我亦知她無幫梁振英。小弟寫咗接近十五年時事評論,推斷世代之爭會爆大鑊亦好,推斷組織時代終結都好,小弟除咗係社會科學學者,仲有一個前提,小弟任何推斷、作為最終目標,係為香港建立一套民主制度,捍衛香港人的自主,這自主包括香港有權選擇獨立而寫。一如馬奇維利,好多人睇佢寫The Prince(《君王論》),只係練馬奇維利果套純粹戰略考量嘅表面功夫,但十之八九都無睇Discourses on Livy,佢相信共和政制嘅核心諗法,結果人人以為馬奇維利係魔鬼,而練一套唔練另一套嘅結果,就係成棚人倒念九陰真經,走火入魔。歷史上真正叫馬奇維利主義者,可能得戴高樂將軍、邱吉爾呢啲二次大戰世代嘅英雄,或者台灣嘅李登輝(李登輝呢個人比大家想像中複雜n倍,佢如果無一套終極政治信仰,係建立唔到今日嘅台灣)。

我希望梁振英係佢自己都由一個盲從中共獨裁嘅人,變成一個真心相信民主政制,推動香港建立民主解決問題嘅人,如果諗住借用小弟一啲推斷幫佢建功立業嘅話,小弟無乜意思變成戴高樂將軍翻版,戴高樂將軍當年提出閃電戰,法國人唔理,反而德國軍官個個拎去研究,最後用嚟打番法國轉頭。如果會變成呢個結果,小弟日後寫時事評論真係要諗得清清楚楚,政治上有人倒念九陰真經,特別當權嘅,對大家無乜著數,大家亦唔好被梁振英條友近日做得比唐膠年好少少而迷惑咗。正如今天大班喺《信報》專欄講,佢有種嘅就辭行政會議職務,去五區公投同泛民候選人對戰。但我睇唔到,佢有呢個膽識。

11 則迴響

Filed under 香港政治