Daily Archives: 6 一月, 2010

邱誠武,你都係辭咗份工吧

轉載: 晚上七點半消息:邱誠武臨陣退縮唔上now的phone in節目今日中午now時事全方位的職工來電,說明早的phonein時段想找我和邱誠武一辯,我諗起梁啟智在城市論壇一役打得咁漂亮,正是珠玉在前,但此時此刻,要找另一個較熟書的涉事人也比較困難,於是就答應了。原來打算做足準備兼發散消息請大家phone in撐場,誰知七點多致電now問phonein電話時,職員說邱誠武剛剛決定不去節目了,原因不明。如此副局長,唉。但now正搵另一位撐高鐵人士出場,請大家幫幫手,明早九點半至十點半睇now時事全方位,並phone in1833298

呢鋪都算係史上最膠脫逃事件,林瑞麟七點幾話,副局長同局長助理呢,係為未來直選鋪路嘅,點知邱誠武話口未完,就見到朱凱迪都脫逃。

依家邱副局變咗乜,果啲黑社會大佬,牙斬斬話要出嚟開片,就知遇正個強少少,就即刻縮沙果啲友仔,咁樣仲駛出嚟行咩,你都係辭咗份工吧,否則日日俾人笑到面都黃。係都學《神探福爾摩斯》,喺船廠果役,福爾摩斯對住高佢幾個頭嘅大隻佬,佢拎隻鎚仔,人地拎住個大鎚,佢至少都擲個鎚響人地心口度。

真係膠人成街都係。

Short URL: http://wp.me/p7cGY-1DB

2 則迴響

Filed under 香港政治

周五包圍立法會一些要注意的事

由於1月8日通過硬膠高鐵六百幾億倒落鹹水海預算機會好大,而到時群眾反應亦唔知會點,呢度有小弟一啲忠告,大家記到就記:

1. 保持你手上嘅數碼器材足夠電力,可以拍攝當時情況,小弟相信警察亂嚟機會極大。

2. 呢一次,警方出動胡椒噴霧或者催淚彈嘅機會唔可以排除,大家要準備定應對胡椒噴霧同催淚彈嘅方案。例如帶備一樽水,準備洗眼。

3. 如果諗住成棚人包圍立法會到底,例如通宵,準備足夠禦寒衣物,以及高熱量食物,甚至作出紮營準備。

Short URL: http://wp.me/p7cGY-1Dz

26 則迴響

Filed under 香港政治

鄭耀棠公開走數事件

今日香港嘅膠事又係多到處理唔到,先講一單膠到無朋友嘅事先,今次個主角係鄭耀棠。

鄭 耀 棠 否 認 曾 說 衝 擊 中 聯 辦 震 驚 中 央
2010-01-06 HKT 16:29
身 兼 行 政 會 議 成 員 的 港 區 全 國 人 大 代 表 鄭 耀 棠 早 上 上 出 席 電 台 節 目 後 表 示 , 元 旦 遊 行 有 示 威 者 衝 擊 中 聯 辦 , 會 令 中 央 震 驚 , 但 他 在 下 午 的 記 者 會 否 認 自 己 曾 用 「 震 驚 」 的 字 眼 。
他 說 自 己 並 無 與 中 央 有 關 人 士 溝 通 , 但 他 個 人 評 估 , 中 央 會 有 疑 慮 。 他 呼 籲 市 民 不 要 過 激 , 以 為 這 樣 做 可 以 令 中 央 讓 步 , 這 只 會 是 零 結 果 。

身 兼 政 制 向 前 走 大 聯 盟 召 集 人 的 鄭 耀 棠 又 說 , 大 聯 盟 星 期 五 會 在 報 章 刊 登 廣 告 , 翌 日 會 舉 行 諮 詢 會 , 本 月 24 日 在 浸 大 發 起 論 壇 , 討 論 政 改 諮 詢 文 件 。

假傳完聖旨驚被人「跨省追捕」,所以即刻走數唔認自己講過,你當香港人全部係傻仔咩。

香港電台新聞部官方片段

正所謂有片有真相,句嘢明明白白佢講過,一係佢思覺失調,如果係思覺失調,就應該搵醫管局熱線,一係佢認咗假傳聖旨,之後中南海諸公會否問斬,就佢自己至知。

但走數走數咁核突,佢好意思做行政會議成員,應該留低段片,然後好好用嚟日後恥笑佢。

Short URL: http://wp.me/p7cGY-1Du

俾多段片,等佢化咗灰都走唔到數

9 則迴響

Filed under 香港政治

彭清華,關你叉事呀?

彭 清 華 ﹕ 過 激 手 段 表 達 訴 求 不 符 合 市 民 期 望
2010-01-06 HKT 15:10
中 聯 辦 主 任 彭 清 華 回 應 元 旦 遊 行 , 有 請 願 人 士 衝 擊 中 聯 辦 的 事 件 , 他 說 , 尊 重 市 民 以 不 同 方 式 表 達 意 見 和 訴 求 , 希 望 他 們 表 達 的 方 式 在 理 性 、 平 和 的 氣 氛 中 進 行 , 如 果 在 過 程 中 發 生 一 些 過 激 的 手 段 , 並 不 符 合 市 民 的 期 望 。
彭 清 華 希 望 , 香 港 社 會 能 夠 就 日 後 重 大 的 政 治 、 經 濟 和 民 生 問 題 , 進 行 理 性 討 論 。

我擒日至喺《蘋果日報》話香港中聯辦變咗《乙巳保護條約》後嘅韓國統監府,果然彭清華今日至上水發膠音,你中聯辦班友越權干政,香港人仲未同你計數,仲好意思發音。

香港人叫溫和,唔知彭清華知唔知當年韓國人點對付韓國統監?我諗,佢應該問問韓國人,邊位叫安重根。

後話:班同中聯辦合作嘅土共,唔好以為無人同你地算賬,韓國人喺研究同分類韓賊上面係勁有系統,只係輸俾追德國納粹九條街嘅猶太人,韓國有乙巳五賊、庚戍國賊、丁未七賊(雖然當中有重複,其中李完用三件事都有份,堪稱賊王),喺盧武鉉年代仲成立咗個韓賊委員會,公布咗個日治年代同日本人合作嘅韓賊名單。如果班土共再咁落去,我諗遲早會有人整份港賊名單,例如邊啲人贊成一九九九年人大釋法,邊啲人堅持保留功能組別等等,小弟近排開始介紹韓國史唔係亂嚟。

Short URL: http://wp.me/p7cGY-1Dr

12 則迴響

Filed under 香港政治