Daily Archives: 2 一月, 2010

詳評希魔撞正殺人狂:語言篇

小弟講過會寫《希魔撞正殺人狂》中玩語言的部分,不過一直有太多議題積壓寫不出來,但這次倒是迫著寫出來,因為小弟有位好朋友,打算去煲碟,那該把這部分寫出來。

希魔撞正殺人狂最好玩的其中一段,是Hugo Stiglitz(這個角色名字本身係玩膠,呢個名本來係一名B級片名人的名,所以大家睇套片一開頭嘅字幕,係「特別介紹」,玩爛片味玩到盡),Bridget von Hammersmark,Wilhelm Wicki一行去某間酒吧會合,點知就遇正幾位德國SS,因為呢班友當中有人德文口音出咗破綻,最後就搞到大槍戰收場,成棚SS同英美聯軍都死鬼晒(正常昆奴天倫式情節),後來Hammersmark逃難中漏咗隻鞋,被Landa將軍發現咗,亦為之後戲院大戰中Hammersmark未出手就已經被鍊死佈下伏線。

大家或者唔明,點解德文口音有破綻會搞到咁大鑊,但如果你同過德國人相處,你明呢節查實係好現實。

德國係一個既分裂又統一嘅國家,分裂就係德意志本土原本係N咁多個公國組織成(呢個亦係德國高速公路一定免費嘅原因,德意志關稅同盟出現前,你喺各地關卡俾關稅,同中國依家各省果啲公路收費站一樣咁膠,所以德國人最憎公路收費),後來拿破崙呢個法國佬掃平咗神聖羅馬帝國果堆膠到無朋友嘅嘢,至為德國喺普魯士旗幟下統一打好基礎。所以,不同地方德文無論口音,定用字特色,都係各有各,好易睇得出,巴伐利亞、波恩、柏林度度都唔同。

但亦由於德文發音獨特嘅特色,好多英文好嘅人學德文,都會將英文,特別美式英文的口音混入其中而不自覺,結果好容易被篤爆。像小弟一位朋友,儘管她己在德國讀過書,一般人聽她講德文不覺其美國口音,但小弟一聽便聽出:點解妳有美國口音的?不是小弟讀過德文,而是小弟有限印尼文基礎,知道有些音不應在德語系出現。問題便在這裡。一如廣東話,連小弟在香港長大都難免因印尼話影響,帶有口音,香港人同德國人一樣,是裝不來,因為口音和獨特文化體系緣故。所以成場槍戰嘅觸發點,正是有人講咗有美國口音嘅德文,出事果位軍官,話係奧地利人,但移民咗美國,德國文化呢家嘢,出咗德語系國家就變味。

所以酒吧大戰那段口水多過茶,歐陸派會知道笑點在哪,但香港人不明白,小弟不奇怪,一如Mr. Bean Holiday那些荒謬情節, 會在法國現實發生(RER亂飛站,是歐洲人都中伏,不要說Mr. Bean這類英國人),這是文化隔膜問題了。

3 則迴響

Filed under 英國與歐洲

十月圍城預告片:最好看是韓國版

雖然《十月圍城》是香港電影,但估不到,預告片剪得最好看,最能展現片中的張力,是韓國版。當然,片中核心對白那句「欲得文明之幸福,先必經文明之痛苦,這痛苦就叫革命」,仍只在香港版出現。但韓國版剪得好,是毫無疑問,由這剪輯可以看到韓國人如何把韓國獨立史和民主運動史對他們的影響,以及文化悲情,投注在他們對中國革命的詮釋。

當然,核心對白出現在香港版預告片的原因,因為香港正是現實《十月圍城》的戰場,由Twitter世界到皇后大道西,元旦當天不是上演《十月圍城》那是什麼?

後話:除了今天的北韓,擺明是中國共產政權的傀儡政府外,今天南韓,亦即大韓民國,查實亦在中國成立,大韓民國臨時政府是大韓帝國被日本吞併後,1919年4月13日於中國上海市成立,並在二次大戰時,隨中華民國政府多次遷都,而大韓民國臨時政府期間,中華民國政府一直提供大量協助,直至日本投降,才將政府遷回漢城(首爾),中華民國與大韓民國兩者不只國名類近,而且兩者有著密切關係,今天大韓民國臨時政府在上海舊址,仍是韓國的政治聖地。中華民國,才是朝鮮半島的真正朋友,中華人民共和國是無可疑問的入侵者。

有看近日中國網民的討論,中國內部是不是有史密夫在暗助民主運動,不言而喻。

發表留言

Filed under 文化批判, 中國政治

中石化係咪應該交代佢地搞緊乜?

【本報訊】新年伊始,全港昨日有近千部的士離奇集體死火,的士業人士指肇事的士曾在中石化旗下元朗、馬鞍山及觀塘等五個專用加氣站加氣,的士慢駛行車入彎時會突然死火,其中馬鞍山一家的士公司更有 80多部的士先後死火。中石化檢查系統後,強調所售石油氣無問題,機電署表示會跟進事件,有汽車工程師則懷疑事件與石油氣曾遭污染有關。

我唔係揸的士,小弟亦無呢個天份(小弟有位朋友,成日聲稱搵唔到食就轉行揸的士),但係中石化嘅氣站有問題,唔係第一日有的士司機同我投訴。

喺2008年夏天,已經有的士司機同小弟講,中石化喺西環水街個氣站,成日入氣唔夠稱,搞到佢地明知水街氣站比較平都唔敢入去入氣,亦係搞到灣仔馬師道氣站塞死晒的士嘅原因,因為柴灣煤氣公司易高氣站貴,咁唯有去灣仔入。呢件事,小弟搵過立法會議員跟進,但無乜人理。

雖然中石化香港聲稱用英國油(石油氣係英國石油,汽油係英荷合資的蜆殼),但佢地點管理啲油站真係天曉得,中石化係咪交代一下佢地搞緊乜,如果香港日日成街的士擺街,或者搞到個別氣站塞到阿媽都唔認得,全香港交通有可能俾中石化玩死。更何況高登已經有人投訴,佢地俾私家車啲油都有問題,我真係唔知香港有幾多車係俾中石化玩死。

Short URL:http://wp.me/p7cGY-1CL

5 則迴響

Filed under 香港政治