Daily Archives: 十二月 14, 2009

民進黨能站起來的原因

今天新聞我覺得 這篇最有趣,「五年級F4」每個我都認識,還有曾密切合作過,我雖然不一定欣賞年輕人的某些工作方法,但他們的創新想法卻每每讓我驚豔,也讓我學到很多」台灣前行政院長,台北縣長蘇貞昌律師
聯合報:綠營F4接班 戰鬥團隊隱然成形

以上小弟是引用,蘇貞昌在facebook上,介紹《聯合報》對綠營F4的報導時,所下的一句評語。

雖然五年級生也不算年輕,全部約在1965至1970年左右出生的人,但可以看到為何民進黨會可以復原得這麼快,蔡英文願放手給年青人去闖去試,有不少更是陳水扁年代己經是新聞局長等級數的官員,何曾像甘乃威一樣,實幹幹了n年好不容易才選立法會,然後又要給一群土共給他批鬥。而其他的天王,亦欣賞年輕人,甚至公開表示要學習年青人,這何曾在香港泛民身上見到這種品質。小弟見過對年青人如此推心置腹,暫時只有余若薇可與之相比。

除了這些五年級生,與第四代香港人同代,民進黨還有Freddy、楊蕙如等戰將,把中共同藍營玩到人仰馬翻的熱比婭訪台事件,在我們華裔印尼人反共老手凌鋒林保華外,還有正是Freddy出手去請熱比婭,老少合攻結果玩到藍營全部謝掉,而Freddy由於本身有藍轉綠的背景,所以他的戰略方向和針對性,是有他一套。這也是小弟對民進黨還看好於其他政黨的原因,民進黨願意給年青人機會保證了他們的生機。藍營試問有幾多機會給年青一代去拼,去由他們主導打一場大仗?

香港泛民常說要學習台灣,但十個有九個只學台灣的皮毛,有哪一個願意虛心去了解台灣政治?

3 則迴響

Filed under 香港政治, 台灣政治

再論組織時代的終結

Galileo:年輕人反高鐵,爭政治自主

Galileo在《經濟日報》今天的文章,己經講得好清楚,現時年青人沒有組織下,如何他們自己搞自己的群眾運動,走自己的路。

一如小弟在2003年8月寫《組織時代的終結》所言,社運無組織化,是IT年代的必然,因為組織的存在歸根究底是一個成本問題,當IT令信息和動員成本大降時,為何還要組織?所以如果有社運人打算搞什麼「八十後」組織,想話代表八十後的人,小弟只能用政治自殺來形容這種行為。現時的年青人,想參與抗爭就參與抗爭,不用擇日。

現時當政的人,還不知世界變成怎樣的話,他們被時代淘汰是必然,現在己是坦克的年代,還投放騎兵來對抗坦克,這種蠢過隻豬嘅行為,波蘭在二次大戰時試過,結果大家有目共睹。

組織時代的終結,同時代表世代交替的開始,但似乎香港有太多人狀況外。

3 則迴響

Filed under 香港政治

中國亂block互聯網block到亂籠

今早不少喺中國嘅新加坡人投訴,佢地連《聯合早報》都睇唔到,十之八九係防火長城作怪,有啲人仲問係唔係我又喺《聯合早報》發表惹火文章搞出嚟。當然我近排少寫《聯合早報》,我寫《自由時報》遠多於《聯合早報》。但近排係唔係有惹火文章,最後惹出GFW,我可以好肯定講:係。

薄智躍:中國民主化是兩岸統一的最佳途徑

呢篇由新加坡國立大學學者寫嘅文章,絕對係踩中近排己經相當虛怯嘅中共條尾,因為呢篇文章認為中國民主化至統一到中國,又提出將台灣民進黨變成中國民進黨呢個理念,真係攞咗共產黨條命。國民黨重返中國雖然都可能取得政權,但可能民進黨對共產黨威脅大好多,因為民進黨同共產黨都係農村包圍城市嘅黨,如果真係民進黨登陸中國,恐怕民進黨喺好多農村地區會狂風掃落葉咁贏得政權。就算城市地區,都可能係國民黨,或一個嚟自香港嘅泛民政黨爭逐,幾時到共產黨?由《聯合早報》都封,可以見到中共絕對不會開放香港普選。

近排中共亂封網己經去到官迫民反嘅地步,BT又封、VeryCD又封,果啲煲劇嘅人都要學點樣突破封鎖,真係官迫民反,民不得不反,遲早大家認為個網封咗都無所謂,因為人人上網用Tor,話之你GFW,邊鬼個得閒理。

4 則迴響

Filed under 中國政治

陳德霖係得個吹字嘅金管局長

陳 德 霖 : 亞 洲 金 融 穩 定 頭 號 風 險 是 資 產 泡 沫 而 非 通 脹
2009-12-14 HKT 10:51
金 管 局 總 裁 陳 德 霖 認 為 , 金 融 穩 定 的 頭 號 風 險 是 資 產 泡 沫 而 非 通 脹 , 認 為 要 正 視 資 產 泡 沫 帶 來 的 傷 害 , 因 為 泡 沫 形 成 後 , 要 抑 制 將 會 很 困 難 。
他 表 示 , 由 於 全 球 極 度 寬 鬆 貨 幣 政 策 及 資 產 大 量 流 入 , 香 港 存 在 資 產 泡 沫 的 風 險 不 低 , 但 本 港 不 能 隨 便 加 息 , 因 一 旦 加 息 , 可 能 會 引 入 更 多 熱 錢 , 結 果 適 得 其 反 。

陳 德 霖 表 示 , 要 避 免 承 受 爆 破 的 傷 害 , 最 好 的 方 法 是 防 止 泡 沫 膨 脹 , 早 期 作 出 判 斷 , 並 採 取 適 當 措 施 。

早喺陳德霖未上任果陣,小弟己經對呢條友無信心,一個可以將副局長同局長助理任命搞到一鑊泡嘅人,係唔會有真才實學處理有可能出現嘅金融危機。而依家,陳德霖呢番言論,更印證呢一點。

無錯,比起其他西方國家嘅中央銀行行長,金管局手上嘅調控工具唔多,但任志剛仲掌實權嘅年代,至少會做啲唔打得都睇得嘅措施,防止問題惡化,而唔係吹啲我呢條盲毛都識吹嘅嘢。咁多熱錢喺個銀行系統,除咗資產泡沫,最大劑係呢筆錢係狙擊股市嘅資本,依家有大量平到嘔嘅閒資,足以狙擊到中國同香港嘅企業死咁滯,呢個至係問題。如果呢筆錢最終變成樓、股、匯全方位攻擊嘅資本,大家諗吓中國同香港會點?

當然,依家收緊樓按都係無用,因為正係熱錢多,好多樓係現金全數支付咁買,按揭都無借過,收緊樓按只會係令用家買唔到樓,對炒家一啲作用都無。依家金管局係咪應該睇一睇,如果有人玩全方位攻擊,任七招頂唔頂得住。唔好諗住又玩公帑入市呢招,依家六千幾億港紙,接近成千億美金熱錢入咗香港,再加上相當嘅槓桿效應,我唔認為官鱷再大戰,官府有子彈去打,隨時賭埋中國嘅外匯儲備,都未必撲到火。

中國同香港撞正呢啲不學無術嘅友仔做金管局局長,真係天滅中共。如果有人再嚟玩嘢,果個己經唔係傳說中嘅丁蟹,或者聽落好勁嘅索羅斯。好多人話西方國家喺金融海嘯一役重傷,中國班官唔記得係,西方班友財技高你幾班,佢借你班高幹用嚟洗嘅黑錢,用嚟打你兼鑿你一筆都仲得。

1 則迴響

Filed under 香港政治, 財經