Daily Archives: 十二月 9, 2009

郝龍斌,你呢鋪真係膠到無朋友

膠到上報己經好膠,應該有相當機會拎每月之星,如果好似藍田果位同塊鐵板一夜纏綿嘅男士咁,上報上到西方傳媒,咁應該攞硬每月之星。如果膠到好似台北市長郝龍斌咁,連美國嘅電視節目都要恥笑佢嘅,佢應該可以做全年之星候選人,同高登Admin、腦魔二世以及陶國能,甚至劉爵士果位嘅膠人一決高下。對蘋果動新聞開罰咁膠嘅事都做得出,真係除咗膠到無朋友,無乜好講。

不過,台北市民如果唔想日後出去,因呢位市長而被恥笑嘅話,係時候考慮一吓綠營裡面一啲無咁膠嘅人。陳水扁做市長就令台北地位大升,馬英九做市長都尚算可以,郝龍斌膠成咁,我真係原本對佢有少少期望,依家都要no comment⋯⋯

後話:如果有一日,香港嘅電視台可以整「每日一膠」電視版,由林忌操刀去每日挑選膠人嚟恥笑,好似MSNBC呢個節目咁,香港會好少好多怨氣,不過土共同呂智偉呢挺人,應該好唔得閒。今日立法會辯論甘乃威個動議,果啲膠到出汁嘅言論,都應該勁精彩,不過等CCTVB玩完先。

1 則迴響

Filed under 香港政治, 傳媒, 台灣政治, 惡搞

呢班土共:八卦新聞好精神,民生事務理得你

立 會 否 決 終 止 譴 責 甘 乃 威 議 案   交 由 委 員 會 調 查
2009-12-09 HKT 17:38

立 法 會 否 決 終 止 譴 責 民 主 黨 議 員 甘 乃 威 的 議 案 , 將 成 立 調 查 委 員 會 , 調 查 甘 乃 威 。
終 止 譴 責 議 案 未 能 獲 兩 部 份 在 席 議 員 通 過 , 其 中 功 能 組 別 有 4 票 贊 成 、 15 票 反 對 、 9 票 棄 權 , 直 選 議 員 方 面 , 有 10 票 贊 成 、 7 票 反 對 , 10 票 棄 權 。

提 出 終 止 譴 責 的 謝 偉 俊 表 示 , 認 為 立 法 會 調 查 甘 乃 威 是 浪 費 資 源 , 可 以 有 很 多 渠 道 找 出 事 件 真 相 , 但 立 法 會 不 是 適 當 的 渠 道 。

支持譴責動議呢班土共,我可以講,全部都係福佳嚟,甘乃威同王麗珠呢單有被告無原告嘅事就咁醒神去查,但香港大把問題,由高鐵六百幾億無厘頭撥款,到中電竟然可以加電費,到近日港交所容許中國會計師簽H股核數報告事件,全部無人理。

H股核數報告事件一定比甘乃威事件重要好多,除咗涉及大批會計師嘅飯碗,仲有一點好重要,係港交所又一次好似U盤事件咁,求其做吓諮詢,就好急咁將一啲重大政策推出嚟,完全當小股民係死嘅。依家H股要香港會計師行核數,正如鐵甲人同苦瓜兄講,仲要香港果面搵人負責,新政策後有H股或中國公司出咗事,搵阿水負責呀?係唔係好似U盤件事咁,有人搞出膠嚟又唔駛負責,諗住脫逃咁。

呢件事除咗證明陳茂波係失職議員(或失責議員),同時亦證明依家香港班土共全部都係飯桶嚟,送晒去將軍澳填海就差唔多。一月一日之後,果啲中國會計師核數嘅公司,你買埋我果份。

5 則迴響

Filed under 香港政治, 財經

Uncut edition

黃世澤:以史為鑑:香港如何面對現時的政制僵局(未刪節版)

小弟很少在archive載入未經編輯的未刪節版,一般是載入己刊登版本,理由是因為編輯通常編輯都有一定道理。但《明報》這篇文,小弟選擇將uncut edition載入archive,以及將會出版三本政論結集的第三本《他山之石》之中。這不是《明報》總編輯張健波要求刪節沒道理,因為刪節也是我自己做,而是因為沒報館會刊載3600字的巨型文章,2000字是報館行規所限,是沒有辦法。

這篇文章之所以長得如此嚴重,因為涉及很多英國歷史的解說,小弟屬於英治年代讀西史的一群,一般人,特別中文中學學生讀西史,通常走中國、日本等東亞史那條路,但小弟當年是讀英國GCSE的教科書(全英文的),走了讀英國及歐洲史那條路,當年英國憲政改革如何先於奧匈帝國首相梅特湟(Klemens Wenzel, Prince von Metternich)搞出維也納會議體制崩潰,自行把自身荒謬之處逐步改善,令英國免於陷入大革命漩渦中,這是很令人印象深刻。所以小弟這位Earl Grey Tea的粉絲,將格雷當年的做法仔細無遺寫一次出來。而沒有充足解說,小弟恐怕沒有英國史根柢的,未必明白當中發展。

事實上,這篇文章亦解釋了,為何我會支持五區公投,因為政府乜都唔做,連格雷勳爵當年扭盡六壬玩殘保守派一著都不做,通常一個膠到無朋友嘅政制長期僵持的結果係革命,所謂的法國之路。大家認為走上法國之路好好玩麼?法國係一個離奇國家,一個罷工罷市罷課,RER亂到九彩,但仍然可以運作良好的國家,不是每個國家都有這個條件這樣玩。世上,只有一個法蘭西。

2 則迴響

Filed under 英國與歐洲, 香港政治, 傳媒