Monthly Archives: 十二月 2009

人民日報電子版的合理收費

人民日報電子版,由元旦開始收費,月費人民幣廿四元,小弟敢作一個調查,想大家評估一下人民日報電子版的合理收費

2 則迴響

Filed under 傳媒, 中國政治

真係拍案驚奇嘅奇案

今日睇到兩件事,奇過拍案驚奇,如果依家香港法律唔作出有效處理,膠案將會無日無之,結果可以令大家O晒嘴,真係又搶貴晒花生嘅價錢。

1. 有人嫖妓唔俾錢,結果係妓女同嫖客一齊被拉,因為個嫖客原來未滿十六歲,循例要拉咗位妓女,由於香港無跟Sexual Offences Act 2003,咁果位妓女實被人告非禮,但果位妓女又確實好無辜,因為果位嫖客真係擺明車馬食霸王餐,呢鋪真係審死官,全普通法司法管轄區都睇緊香港點判呢單奇案。

(果位嫖客仲好意思講嫖妓要俾錢架,真係十三歲都壞成咁,大個咗唔知點)

2. 《壹週刊》中環人語講,香港鄉村俱樂部研究緊,點樣俾Unmarried Partner適當地位共享會籍,因為香港無類似英國Civil Partnership的法例,亦不承認英籍人士依據英國法律得到的Civil Partnership的地位,大家都估到有好多外籍貴客,尤其金融同銀行界,點帶他的同性伴侶享用會籍的問題,但依家陷入一個法律多難:

a. 只承認同性Unmarried Partner可以享用有關設施,除咗被香港道德塔利班丙,仲可以觸犯《性別歧視條例》,被平機會煩。

b. 俾異性Unmarried Partner用,咁二奶咁又點,如果二奶都可以共享設施,大家諗吓會唔會搞出血案出嚟?

鼠王芬、蔡志森呢啲膠人反對香港搞Civil Partnership,膠事陸續有嚟,我寧願香港政府承認英籍人士嘅Civil Partnership,俾BN(O)或其他英籍持有人,喺香港英國使館搞呢家嘢,至少唔好搞到咁多民間機構,依家陷入法律兩難。香港法律唔應該為原教旨主義分子服務。

3 則迴響

Filed under 香港政治

年尾收爐

黃世澤:應民情速改革,防明年政治突變
繆美詩:零九紅人回顧

小弟與Rachel不同,在除夕這個時候,她會叫大家暫且不用擔心,雖然There’s something in it,而小弟這位做了十四年烏鴉嘴的傢伙(明年2010年,便是小弟時事評論生涯的第十五年),在就在除夕公然在《香港經濟日報》警告大家,小心明年中港的政治突變,差不多把我在博客講的大事勿用論,擺到上主流傳媒來討論。

事實上,年尾有很多因素,小弟沒有樂觀的理由,以往小弟對中國變亂的推測,都可能有捕風捉影成分,但現在是一堆基本因素擺在眼前,中國人對革命以及中共政權的看法,中國的經濟發展,維權運動與香港行動為本社運的互動等,2010年不爆大鑊,2011年也難保了,中國領導人不是大家想像中這樣聰明。

所以在年尾收爐的一刻,小弟還是苦口婆心,勸大家要小心為上,綁緊安全帶。我的回應是There’s some big troubles in it, please take care yourself。

後話:小弟有對2009年一些大事做回顧,不日會刊於《明報》世紀版。

5 則迴響

Filed under 香港政治, 中國政治

瓦希德病逝

印 尼 前 總 統 瓦 希 德 逝 世   享 年 69 歲
2009-12-30 HKT 22:59

印 尼 前 總 統 瓦 希 德 逝 世 , 享 年 69 歲 。
他 在 首 都 雅 加 達 一 間 醫 院 去 世 , 院 方 並 無 公 布 他 死 於 甚 麼 疾 病 。

瓦 希 德 在 1999 年 出 任 印 尼 第 4 任 總 統 , 被 視 為 溫 和 派 伊 斯 蘭 領 袖 , 積 極 推 動 民 主 。 他 祖 籍 福 建 , 有 華 人 血 統 , 任 內 推 行 多 元 化 政 策 , 不 再 歧 視 華 人 , 容 許 華 人 慶 祝 農 曆 新 年 。 不 過 他 上 任 不 足 兩 年 , 就 被 彈 劾 下 台 。 瓦 希 德 生 前 多 病 , 視 力 很 弱 , 幾 乎 失 明 , 不 單 患 上 糖 尿 病 , 亦 曾 經 中 風 。

作為華裔印尼人的一分子,小弟對瓦希德病逝沉重哀悼,如果印尼駐港總領事館開放讓民眾簽弔念冊,小弟一定去簽。因為沒有瓦希德,沒有印尼結束種族歧視政策的一天。

瓦希德或許不是梅加瓦蒂長期為民主鬥爭,亦不像尤多約諾將軍具有卓越的管理能力,更不像蘇加諾將軍領導印尼人走向獨立,但瓦希德以印尼德高望重回教長老身份,承認自己有華裔血統,就令荷蘭人遺下的印華仇恨一夜瓦解,為國家的和解作出重大貢獻,沒有瓦希德的政策指引,就不可能有全部印尼出生華裔及其後代都是印尼原住民這項政策。而這位溫和的總統接替哈比比,亦令印尼民主化瓶頸過程,得到一位德高望重的守護者,對軍方由政變干政,改為放下戎裝,以文人身份參與民主選舉亦有舉足輕重的作用。

或容小弟這樣說,日後印尼的鈔票,其中一款面額應該印有瓦希德的頭像,紀念他對國家和解的努力和貢獻。

後話:若非荷蘭因素,印尼原住民對華裔抗拒應遠比馬來西亞馬來人少得多,因為印尼回教是鄭和下西洋時,隨中國明王朝武裝船隊帶去,華裔亦曾在印尼建國,亞洲第一個總統制民主國家蘭芳共和國便是這批人建立,所以華裔印尼人有些家住印尼數百年,他們除了華裔血統真的與中國沒有太大關連,有些回教長老本身有華裔血統亦懵然不知。而馬來西亞和印尼亞齊地區回教是阿拉伯人帶來,兩者習性不同可以理解得到。

查實印尼不是過去走了錯的方向,這個國家應該寬厚為懷為傲,在眾多回教國家中,少數有人參與二次大戰拯救猶太人工作,而獲得國際義人稱號的便是印尼,不過當時印尼仍然荷蘭領土,這兩位居於荷蘭冒死保護猶太人的印尼人,列入荷蘭名單內。另外兩個回教國家是土耳其和突尼斯。

發表留言

Filed under 南洋政治

神秘機構個小金庫年尾無錢?

曾 健 成 就 民 間 電 台 案 獲 准 延 至 明 年 2 月 交 罰 款
2009-12-30 HKT 16:46
民 間 電 台 早 前 被 裁 定 非 法 廣 播 , 其 中 一 名 被 告 曾 健 成 因 為 拒 絕 繳 交 12000 元 罰 款 , 早 上 被 警 方 帶 返 警 署 , 下 午 在 東 區 法 院 應 訊 。
曾 健 成 在 庭 上 表 示 , 堅 持 不 會 繳 交 罰 款 , 以 示 公 民 抗 命 , 又 表 示 要 參 加 元 旦 大 遊 行 , 以 及 母 親 因 病 入 院 , 裁 判 官 准 許 他 再 延 遲 一 個 月 繳 交 罰 款 , 但 需 要 在 明 年 2 月 1 日 前 繳 交 , 否 則 會 發 出 拘 捕 令 。

至 於 同 案 的 其 中 4 人 , 包 括 立 法 會 議 員 梁 國 雄 , 到 庭 旁 聽 後 被 警 方 帶 走 。

不嬲呢類案件,都唔駛曾健成、梁國雄真係俾罰款,因為江湖傳聞,有個機構好驚呢班友搏拉做咗烈士,反而上咗位。所以一向會神秘咁代交罰款,等你唔駛公民抗命。

不過依家搞到曾健成被人提堂咁大鑊,我諗果個神秘機構有人放假放傻咗唔記得做嘢,或者個小金庫炒股炒燶咗無錢找數,所以搞到有人爭啲求仁得仁。睇嚟呢鋪搞成咁,唔係阿牛長毛佢地頭痕,呢班友無乜所謂,似乎北京或者香港好快有戲睇,近排花生真係貴。

7 則迴響

Filed under 香港政治, 中國政治

有時候,old news is really exciting

搜狐:资料:2002年中央军委晋升上将 江泽民颁命令状

留意條URL,日子係2009年12月30日,搜狐今日無端端發出wow聞,回帶播番2002年江澤民升上將件事。大部分人貼潮聞,只會被人恥笑你嚟自潮洲,但新華網個系統透過搜狐來貼潮聞,就唔係搞潮洲新聞,呢次真係old news is really exciting。

因為中國官方發潮聞,好多時唔係因為手民之誤,或者有人為潮而潮,而係因為有太上皇復辟,而江澤民睇嚟真係想復辟,呢件事可以解釋到點解重判劉曉波,以及中國加緊對互聯網各式封鎖,簡單嚟講,這是老江風格。

但你估胡錦濤咁易俾老江復辟咩,似乎北京己經打緊一場江湖大風暴,大家食住花生之餘,睇住個太平門有無俾人鎖鬼咗。

發表留言

Filed under 中國政治

UK4Iran twitter轉播工作

Twitter UK4Iran hashtag

小弟現時在伊朗革命相關傳播工作上,同時參與兩個hashtag,一個是#cn4iran,主要將英文資訊譯成中文,另一個是#uk4iran,這是新的英國人協助伊朗的hashtag,表達英國人民對伊朗的支持。

小弟希望在港英國國民,積極參與uk4iran的工作,如果香港的英國國民本身都不熱衷參與英國有關事務,要爭取平權的難度真的不少,至少難令英國一般人認識到,原來BNA真的如此不公,畢竟不是每一個英國公民,都像小弟這類經過BN(HK)A 1997申請程序折磨,又經歷過中國、英國、印尼三國政府爭相走數的盛況。

國籍並不是一本護照這麼簡單,這還包含你的國家認同在內。(所以我叫土共拎BN(O)、加國護照果些,唔該退鬼晒呢啲外籍)

1 則迴響

Filed under 英國與歐洲

IT界政改論壇

HKCS報名網頁

日期:2010年1月6日
時間:18:15登記,18:30至2030
地點:金鐘道95號統一中心8樓
嘉賓:林公公,IT膠人譚偉豪

各位,記得去報名,無果堆supporting organization會籍都唔緊要,你係IT人就得。大家識點做,呢個係玩膠嘅時候。

唔係IT界都唔緊要,係應該對林公公,IT膠人呢啲令香港蒙羞嘅人還以顏色。

小弟將會以電腦公司東主身份出席(咁我係電腦公司老闆嘛)。

發表留言

Filed under 香港政治, 中國政治

SCMP又裁員

《 南 華 早 報 》 重 組 架 構   部 分 員 工 被 裁
2009-12-29 HKT 18:54
《 南 華 早 報 》 重 組 架 構 , 涉 及 採 訪 、 編 輯 、 設 計 及 副 編 四 種 職 位 , 大 約 30 名 員 工 被 裁 , 亦 有 職 員 被 調 職 。
員 工 消 息 透 露 , 被 裁 的 包 括 兩 名 港 聞 記 者 , 兩 人 工 作 年 資 約 7 至 8 年 。 另 外 , 中 國 版 及 商 業 版 亦 有 人 被 裁 。

總 編 輯 致 員 工 的 內 部 信 件 提 到 , 重 組 是 為 了 改 善 編 採 運 作 , 對 於 要 裁 員 感 到 遺 憾 。

SCMP原本己經無乜人做嘢,個個都做到嘔白泡,Reporter、Sub-editor又裁,我想問,郭家係咪認為南早班友係萬能?

同埋,小弟懷疑呢次南早裁員,唔係無廣告(雖然香港經濟的確出咗問題),而係兩樣嘢:

1. 近年SCMP好興由中文傳媒挖人過去做,因為年資長嘅英文記者人工貴,乘機縮皮。(自從SCMP發現中文部嘅友可以做埋英文報紙嘅嘢後,就出現呢個現象)
2. 依家新嚟班友係澳洲幫,係咪趕走部分華裔員工,順便換啲聽澳洲佬話嘅上場。

SCMP真係裁員有如食飯,不過鋪鋪裁完都膠膠地,但無計喇,HK Standard唔爭氣,香港無份英文報紙夠SCMP鬥,結果做開英文傳媒嘅,就繼續好無奈做freelance或者轉去中文做。因為次次裁員過後,又發現生產力唔夠,又走去搵番啲舊臣做freelance以日薪制形式幫住手,成日都係咁,真係睇到慣。

7 則迴響

Filed under 香港政治, 傳媒

霧鎖南洋

這套充滿麗的電視劇集味道的電視劇,正是新加坡建國廿五時,新加坡廣播局製作的《霧鎖南洋》。充滿麗的電視味道不令人奇怪,因為這套劇的推手正是梁立人,這也是梁立人對人世間僅有的貢獻之一。

《霧鎖南洋》主題曲的歌詞,大家應該意識到當中的政治味道。這是利用電視這媒介,掃除中共對南洋影響的手段。

南洋之所以這麼多人上中共的當,因為當時南洋的老一輩很多未能揮別唐山,視南洋為家鄉,在一九八四年時,只有三批南洋人堅決以南洋為家,一批是馬來西亞反馬共的華裔,一批是新加坡受英語教育的華裔,一批是被趕到香港的少數華裔印尼人,很多講華語的,仍然未能揮別中國,他們一天未意識到他們不是中國人,中共仍能在南洋搞風搞雨,再有一批人不必要地受騙,畢竟不能次次都動用《內部安全法》(Internal Security Act)。

《霧鎖南洋》由賣豬仔的祖宗歷史講起,講到人民行動黨與中共的鬥爭,以及新馬分家,要利用電視劇這手段,明確告知新加坡人,我們己經揮別唐山,新加坡才是新家鄉。

上世紀八十年代是南洋華裔歷史的分界線,在這時候,受英語教育那批人的脫中意識漸成南洋主流,南洋抗拒中國的泛民族沙文主義,而一九八九年,相當大批在港華裔印尼人亦選擇與中國決裂,中共才停止在東南亞動輒用民族沙文主義,取而代之,是與馬來西亞國陣政權這類惡棍合作。

後話:為何中共痛恨《大江大海一九四九》,因為龍應台這本書,作用與《霧鎖南洋》相若,小弟作為深綠中人為何不打《大江大海一九四九》一書,因為新加坡有成功利用祖宗歷史脫中國化的經驗。

5 則迴響

Filed under 南洋政治, 文化批判