弊案滿天飛

林忌:邱騰華親弟未卜先知買舊工廠改建酒店

林忌呢篇文,係根據多位呢度讀者嘅線報,再經過邏輯分析寫出嚟,原來慳電膽都唔係最大嘅弊案,依家工廈改建竟然係更大嘅弊案,而基本上,有幾個問題,邱騰華必須解釋:

1. 喺推出工廈活化計劃果陣,佢有無申報同避席
2. 點解帝邦可以咁夠薑,喺去年3月28日,就向城規會申請將西環山市街嘅Sun’s building,用途由工廠大廈改為酒店
3. 點解帝邦依家可以時間啱啱好成咁,進軍經濟型酒店

其中一樣最得人驚,應該係帝邦異常狼胎嘅作風,小弟為咗公眾利益,私人倒貼咗一小筆喺土地註冊處到查冊,查到真係嚇咗一大跳

相關交易列表

以上Google Docs,係小弟根據七個單位,另加天台同地下業權查冊紀錄而整理,得出以下怪事

1. 所有單位都喺2008年1月16日完成收購,並且買落嚟,無一個例外。
2. FAR TALENT LIMITED呢間公司係由英屬處女島註冊公司擁有,如果唔係帝邦發展自己向傳媒爆,阿水都知佢係帝邦
3. 呢堆工廈收購溢價異常可怕,七樓的單位2007年以二百四十萬成交,FAR TALENT LIMITED在2008年1月16日以八百二十萬收購,一年升值四倍,發過豬頭。二零零二年以一百二十六萬成交的單位,FAR TALENT LIMITED在同一日竟然以一千五百萬成交!溢價咁勁,俾我都滯。
4. 更不可思議係,恆生銀行在同年2月28日,竟然夠膽照足來做按揭,工廈如果租唔出去,坐艇蝕息都蝕死,小弟想問,帝邦有乜把炮可以說服銀行按俾佢地?當然,帝邦應該會向恆生透露發展計劃,銀行至可以批准貸款,但城規會實批改為酒店用途架?

如果帝邦無內幕消息,係唔夠膽做呢類,巴貝利都無咁勇嘅投資,相信無人敢相信呢類賭神級投資。同埋由呢個不惜一切嘅收購可以睇到,如果唔係睇準咗內幕消息,正常收購呢類大廈嘅方法,應該係用幾年時間逐一擊破,無理由一夜之間九份業權全部超高溢價成交。

如果呢單唔係弊案,真係搵鬼信。

(正常嘅做法,係發展商低調過低調,可能用成幾間BVI公司暗中收購單位,而一般人唔會由Land Search或者Company Search搵到關聯,之後一到業權到九成左右,就迫果啲唔就範小業主強制拍賣業權,好似帝邦咁收購,唔係巴貝利式賭博又係乜?)

6 則迴響

Filed under 香港政治, 財經

6 responses to “弊案滿天飛

  1. 若一切屬實,都真係好離普。

  2. 飛蚊導彈

    問題是時間上不吻合

    零八年初應該還未有"活化工廠大廈"這個議題吧….
    就算發展局內部有討論,應該都沒去到擺上行政會議的地步….邱騰華又不是發展局的官員,他又從何得知這些計畫呢?

    還有兩點:

    1. 邱騰華弟弟邱騰達是帝邦執董,究竟他持有帝邦多少股份?對帝邦決策的影響力有多大?還是只是一個當舉手機器的受薪僱員?那些"內幕消息"的來源可能根本不是他.

    2.邱騰華弟弟邱騰達是帝邦執董,邱騰華與其關係如何?對其在帝邦的事業有多少理解?如果兩人關係生疏,邱騰華對其在帝邦的事業一無所知的話,邱騰華也沒有甚麼可以申報.

  3. 鐵甲人

    >> 零八年初應該還未有”活化工廠大廈”這個議題吧

    但問題喺外面有好多SMEs同藝團早政府偷步做咗好鬼耐。 所以外面一直有「合理期望」會合法化同規範化,所以未必可以把計劃宣佈日前後做分界線。

    >> 邱騰華弟弟邱騰達是帝邦執董

    看來帝邦似乎是BVI公司。 我估如果帝邦唔係咁高調主動獻身,邱騰達個名都未必會蒲出嚟。 同埋帝邦又唔係上市公司,做呢D私人交易又唔駛查fund source嘅,玩吓手邱騰達都係「人頭」,出d錢都未必係佢嘅錢,幕後大老板一般人根本未必會知…

  4. martinoei 黃世澤

    1. 你睇番明報溫哥華版報導,你覺得兩兄弟好生疏乎?

    2. 成件事最可疑係,由2008年1月16日急急腳申請,2008年5月批出規劃申請以來,新東大廈無動靜過,唔通抵押貸款唔駛還息?佢九份業權都押晒俾銀行喎。

  5. 自從共產黨來到之後香港越來越臭。曾蔭權初初上台時好多人以為佢好醒。點知仲衰過豬頭丙。

  6. 捕首

    共幹偷食,黨奴擋災。
    “英屬處女島註冊公司”後台是赤幫一員,得唔得?

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s