Monthly Archives: 十月 2009

真係成街都係花生

書中直指問責制破產

「危機出現 高官逃避」

【明報專訊】一度因維港巨星匯揹了黑鍋的盧維思,一直希望透過新書《No Minister & No, Minister》向外界全面交代當年維港巨星匯的「真相」。據了解,他在書中提供,共有6位當時的問責官員,包括前財政司長梁錦松、梁錦松下台後接任財政司長的現任政務司長唐英年、接替唐英年任工商及科技局長的現任財政司長曾俊華等身兼重建經濟活力策略小組成員,應對此事「負起部分責任」,其中4人非政務官出身。

「維港匯必重演」

在書中,盧維思明確指出,香港目前的高官問責制是行不通的(doesn’t work),促政府要改善這個制度。 他在書中說道﹕「我的遭遇已向所有公務員發出了一個清楚的信息——『當危機出現時,問責官員為逃避政治煎熬,將會離棄公務員』。」

他又相信,類似維港巨星匯的事件是會重演的,故此,他奉勸公務員今後與問責官員合作時,每事都要問清楚自己,是否已得到了相關的授權。

今年4月,盧維思接受報章訪問時,再次提及維港匯事件,他指出,由審計署、獨立調查小組進行的維港匯事件調查報告,對他所作的批評都是成立的,但兩份報告都混淆了投資推廣署在籌辦維港匯的角色。他指出,最初他收到政府指令時,該署其實是維港匯的「贊助人」,而不是與香港美商會合辦維港匯的角色。訪問中,盧維思埋怨事件中政府高層不願承擔,又提及在投資推廣署聯同美商會,為維港匯舉行記者會前,他曾致電當時的財政司長唐英年、工商及科技局長曾俊華及民政事務局長何志平等,希望他們一同出席,但他們沒有參加。

盧維思本書終於出街,看來香港真係成街都係花生。

小弟早在兩個月前,因一次偶然機會知道這本書出現,那時小弟在金鐘太古廣場某間Starbucks遇上盧維思,同一名記者吹水,那時寒暄之中知道盧維思將會出書,但估不到真的與維港巨星匯有關。

英裔高官素來都有寫回憶錄的習慣,而過往爆政府秘聞觸中Official Secret Act(今天香港正用OSA舊版),是引發過大風波,最經典一役是Spycatcher事件,前MI5官員Peter Wright大爆政府GCHQ、MI6等秘聞,結果引發新聞界、作者、政府之間大混戰,官司涉到英格蘭、澳洲等地,搞到一鑊泡。

盧維思回憶錄,有可能挑戰OSA,但亦要留意一點,這位華籍英裔官員(盧維思是中國公民來的,他有權選立法會直選議席,而他妻子正是黃麗君Fanny Wong,前南早政治記者以及蘋果評論版主管,也是協助曾蔭權的),他有能力和資格從政,而他也是曾蔭權系統的人,這次他出書大爆內幕,極有可能唐膠年要承受後果,整件事本身就充滿濃烈政治味道。

一街都係花生,好戲在後頭。

4 則迴響

Filed under 香港政治

羽田機場國際化

小弟這次東京之旅,並非像過往經成田機場入境,而是用內陸線用的羽田機場坐深宵飛機。現時羽田機場,己經有限度提供來往上海、首爾(漢城或漢陽)內陸機場,同香港、北京國際機場的服務,在2010羽田會啟用新的國際客運大樓,加強亞洲短途客用羽田。這情況一如,現時首爾一些短途國際客都是用金浦,而不是仁川國際一樣。

而根本原因,因為現時成田機場來往東京市中心要整整一小時以上,時間與東京飛往鄰近國家和城市行程相若,黐晒線,同埋有一點更重要,日本仲有好多人要坐內陸飛機駁來駁去,特別商務旅客。

無錯,日本子彈火車好發達,但日本羽田機場仍然要不斷擴建,因為新幹線服務能力始終有限,沒錯新幹線貫通主要城市,直至直達市區,但如果你公司間廠可能喺市郊某處,係唔係一架小型飛機喺羽田直駁更實際。

所以計我話,可能西鐵直駁內地,去到深圳機場,香港機場管理局收購深圳機場,令機管局變成類似紐約及新澤西州港口管理局之類物體,或者更實在。紐約人大概都明,邊個飛番嚟香港未用過新澤西州嘅紐瓦克自由機場(Newark Liberty)?

用六百億起高鐵,我諗收購深圳機場都可能仲有找。

7 則迴響

Filed under 香港政治

唔好搞出一鑊泡出嚟

繆美詩:蝸牛的權利

首先,博主現身處日本國東京公幹中,由於被酒店個internet搞到一鑊泡,依家至上到網,今天俾data roaming charge都俾到破產。

近日有政客鼓吹政府用公帑資助買樓,講真呢個建議真係黐晒線,之前小弟都鬧爆過一次,依家咁做就更危險,不過有炒高樓市之嫌,而且依家搞呢類資助,供款人的可持續供款能力係最弱,用簡單嘅財務學常識都估到之後可以膠到乜程度。特別依家好多人份工都唔穩陣,一大批人斷供唔單只係公帑找數,而係成個銀行系統出事,美國仲膠唔夠呀?所以Rachel嘅理據,好清楚。

但小弟喺點幫無殼蝸牛係有唔同睇法,如果用Rachel嘅增建公屋建議,副作用係居屋重臨人間,因為政府納稅人公帑唔可能支持大量興建公屋,以往政府係利用賣居屋賺到嘅利潤用嚟籌錢起公屋,如果用Rachel嘅建議,要喺用公帑建屋,以及重新引入居屋,引進第三個籌募經費可能性,一係將新嘅公屋商場出售或者要求領匯買入,一係政府要舉債,成件事可以複雜到好離譜。所以Rachel敢建議,但小弟就諗爆頭都諗唔到點減輕副作用。

一係小弟建議嘅做法,用現金津貼一般人喺私人市場租樓住,呢個做法好處係成件事執行起嚟最簡單,而行政程序安排得好,亦可以鼓勵業主租樓俾窮人,因為業主唔可能完全收唔到租,點都會收到政府提供果部分,杜絕「租霸」問題。但問題係,政府嘅津貼水平有可能未必追得上市場租金加幅,同埋有可能刺激租金上升。

不過,仲有一點,Rachel漏咗無提,依家置業變咗人權,因為有港媽問題,無樓唔駛結婚呢類荒謬事情係「置業變人權」的荒謬肇因,呢個己經涉及宏觀社會改革,仲大工程。

15 則迴響

Filed under 香港政治, 財經

鐵路航空系統大激鬥

南 航 : 高 鐵 將 威 脅 航 空 公 司 經 營
2009-10-28 HKT 16:13
南 方 航 空 董 事 長 司 獻 民 警 告 , 內 地 不 斷 擴 大 的 高 速 鐵 路 服 務 , 或 會 搶 奪 航 空 公 司 生 意 , 部 分 市 場 份 額 已 經 受 到 侵 蝕 。
司 獻 民 在 北 京 出 席 行 業 大 會 時 , 並 無 詳 述 所 受 影 響 的 程 度 , 只 強 調 高 路 有 更 好 的 安 全 紀 錄 、 票 價 更 低 , 而 且 更 舒 適 。

司 獻 民 促 請 政 府 提 供 減 稅 等 政 策 上 的 支 持 , 以 協 助 航 空 公 司 降 低 票 價 , 同 時 要 進 一 步 提 高 航 空 安 全 , 以 提 高 競 爭 力 。

中國航空安全麻麻唔駛講,但鐵路都唔係好好多。

南航呢鋪出口術出成就,好明顯喺中國全國交通策略問題上,鐵路部系統幕後老闆,同民航部門系統幕後老闆鬥上檯面,中國嘅權力鬥爭從來都係暗底鬥,好少咁明鬥或明要錢,依家擺明要錢成咁,真係好戲連場。隨時無喇喇國泰、港龍反對高鐵興建都唔出奇。

好戲在後頭,花生唔夠派。

7 則迴響

Filed under 中國政治

是把世代戰爭浮上水面的時候

黃世澤:化解世代矛盾 施政免陷殘局

由於篇幅問題,小弟通常會把涉及政治穩定系統問題的文章,交給《香港經濟日報》(像2000年LMF當紅的分析)或《新加坡聯合早報》(像2004年梁國雄現象),這次是小弟在四年後,再度就政治穩定系統問題發表看法。

查實上述看法,有睇這裡都不會陌生,這文章的架構基礎是源自《由命硬到柴九》,以及《世代戰爭與長命百歲》,再來一個集大成,甚至這篇是Rachel專欄中《長命百歲》那篇文的系統化回應來的。

在今年六月六日寫《由命硬到柴九》時,查實己經推算到香港要來場大風暴,小弟不是由大政治事件來推算宏觀政治形勢,而是微觀由每一個人的生活,像砌圖般把圖像砌回來。而黃仁宇對「大歷史」的分析,由2000年開始一直被小弟借用來作為分析社會穩定問題的工具,而《關係千萬重》用孟子的「寡人好色、寡人好勇、寡人好貨」來分析社會矛盾後,就更能分析問題,用廣東話講係,大部分人生不外乎要威、要錢、要異性,好可能佢地唔知政治係點運作,但當錢、威、同異性都搞到一鑊泡果陣,佢地人生嘅不滿就會演化成革命力量。小弟都係一個人,好明白呢種心理。

港男港女問題、四代香港人矛盾、民主派內部大佬政治嘅衝突、柴九興起等等,呢啲砌落七零八落嘅砌起嚟,正係香港社會出現總崩潰嘅圖畫,而如果香港社會唔公開討論呢個問題,正如林忌喺今年六月講,就真係會出現「諸神的黃昏」,無數復仇狂魔不負責毀滅社會。

查實政府知唔知,過去十幾年個社會可能己經爛到好難再救落去?

12 則迴響

Filed under 香港政治

敗家二世祖

南華blog對霍震霆呢位二世祖嘅控訴

小弟不是十分熱心嘅球迷,但南華亞洲足協盃嘅賽事,小弟都動心過想睇,因為南華始終係香港嘅足球隊,幾難得香港可以爭啲入到決賽至得架。

如果俾著英格蘭(唔係英國,英國隊係一拆為四嘅)足總遇到執法不公,我諗一早嘈到拆天,問題係霍震霆呢條友,喺立法會唔做嘢,喺足總一樣唔做嘢,佢死人霸住咁多個位嚟把鬼呀。佢霸位就識,但論對足球同公共事務嘅熱心,佢遠遠比唔上霍英東,佢咁樣真係敗壞家聲,衰過做敗晒家產嘅二世祖,因為佢依家係家族名聲都敗埋。

霍震霆,你有無諗過如果唔想做,退位讓賢俾真係有心搞好足運嘅人咁?

(霍震霆、黃宜弘呢對土共二世祖孖寶,正係功能組別廢除嘅理由,無功能組別,點可能俾呢啲當議會係睡房嘅友仔做議員,浪費我地嘅公帑?)

3 則迴響

Filed under 香港政治

曾蔭權似乎仲未知膠字點寫

曾 蔭 權 指 近 日 指 責 屬 無 中 生 有 惡 意 中 傷
2009-10-27 HKT 12:31

行 政 長 官 曾 蔭 權 在 行 政 會 議 之 後 會 見 傳 媒 , 主 動 回 應 近 日 質 疑 他 誠 信 的 報 道 。
曾 蔭 權 指 出 , 有 關 質 疑 是 無 中 生 有 , 惡 意 中 傷 , 有 關 行 為 近 日 有 變 本 加 厲 的 趨 勢 , 在 毫 無 事 實 根 據 的 情 況 下 , 作 出 肆 意 攻 擊 , 意 圖 削 弱 對 政 府 的 信 任 , 他 對 此 深 表 遺 憾 , 並 有 必 要 作 出 澄 清 , 以 正 視 聽 。

小弟勸曾蔭權,得閒多啲上網,感受一吓民情依家係點先好發膠音。

當依家有人簡直用柴九果句反你檯,打倒牛鬼蛇神呢啲煽動性口號叫人包圍禮賓府,你發膠音只會令件事更膠。

俾我係曾蔭權,我會揮淚斬騰華,自保要緊。

4 則迴響

Filed under 香港政治