咁鍾意老屈記者,點解仲要幫你報「國慶」

新 疆 稱 本 港 記 者 指 手 劃 腳 煽 動 鬧 事   NOW 及 無 綫 抗 議 捏 造 事 實
2009-09-08 HKT 22:38
周文泰在新疆烏魯木齊報道
新 疆 新 聞 辦 召 開 記 者 會 說 , 已 調 查 3 名 本 港 記 者 在 烏 魯 木 齊 採 訪 時 被 捕 及 毆 打 事 件 , 認 為 他 們 向 民 眾 指 手 劃 腳 , 有 煽 動 鬧 事 之 嫌 , 又 不 點 名 批 評 部 份 傳 媒 不 負 責 任 地 炒 作 , 發 表 極 不 負 責 任 的 言 論 。
NOW 新 聞 台 及 無 綫 電 視 都 發 表 聲 明 , 指 責 新 疆 新 聞 辦 的 講 法 與 事 實 不 乎 , 強 調 兩 台 的 記 者 和 攝 影 師 , 都 有 合 法 採 訪 證 。

乜嘢叫顛倒黑白,呢種就係,點只拉人打人唔駛本,連老屈人都唔駛本,明明新疆自己理虧在先,仲要大大聲惡人先告狀,老屈手持記者證嘅香港記者煽動。好多記者聽完,慶到上頭,真係想針筒、釘鞋呀,乜叉都擲過去俾新疆政府班白痴嘆吓。依家大家明白,點解漢人同維吾爾人,可以咁慶走晒上街示威,個政府白痴白爛成咁,俾我都上街喇。

「國慶」?好慶就有,嬲到要走去土耳其訂一百打鞋擲過去果種慶。免得報完更慶,所以小弟呼籲,今年十月一日,記者集體杯葛報導「國慶」。呢啲老屈人唔駛本嘅政府,十月一日佢地自己慶爆佢喇,記者唔去報免費又被老屈煽動國慶鬧事,然後打鑊更甘。

相關facebook group:
抗議香港記者被老屈,杯葛報導國慶活動facebook group

26 則迴響

Filed under 香港政治, 傳媒, 中國政治

26 responses to “咁鍾意老屈記者,點解仲要幫你報「國慶」

  1. Dick Ma

    其實現實一點, 如果班記者不用理會高層的指示, 佢地會敢唔採訪唔報導國慶?
    我也勸林忌不如比心機, 為黎緊的國哀日"贈慶"好過.

  2. 光林

    真係要贈慶就要快D組織啦, 而家已經9號, 無幾多日架咋……

    個人方面, 最少最少, 咩野人債國債我真係睬佢都有味, 唔水預我……

  3. martinoei 黃世澤

    To 光林

    我實唔買人民幣國債,人民幣一旦有乜冬瓜豆腐,衰過雷曼迷債。

  4. 完全支持。我預了那天會穿黑衣出外。

  5. Patrick Lanson

    你個提議幾好! 其實有冇記者/新聞組織提議過?
    香港新聞界齊齊(雖然冇咩可能)杯葛報導中共建立暴政60年!!
    我覺得尤其係CCTVB新聞部同now TV新聞台記者…要佢o地之後繼續留o係大陸做戰地記者, 採訪報導天安門軍隊步操等晚會(好似北韓咁)同活動…..內心一定不是味兒

  6. Dick Ma

    我還是反對杯葛…大家都"希望"步操晚會"順利"舉行, 如果萬中無一的發生"突發事件" 香港記者和香港人咪不能第一手得知, 到時咪浪費了花生蝕了底?

  7. johnson

    爛仔國家出產爛仔官員,說話都爛仔過人。

    60週年爛仔政權攪爛仔債券,祝大家好運。

    希望買債券不要變成收陀地,局港府磅水。

    祁求所有爛仔不得好死,阿門。

  8. 持書者

    我覺得罷報國慶唔係辦法, 反正香港既口舌報佔大多數.

    而且我都覺得報那個遊行都有d睇頭.
    因為今年個勢令我諗起壽西屍古.

  9. 邊有可能杯葛,採唔採訪又唔係記者自己決定。

  10. 庆他妈个头,折磨死了

  11. http://www.rfi.fr/actucn/articles/115/article_14728.asp
    五毛党无孔不入,特别是自称留学生的人,最令人反感

  12. 光林

    看政黨的反應, 只能歎句 “包袱決定立場"…..

    “立法會議員批評新疆指控記者是捏造事實

    2009-09-09 HKT 10:42

    有立法會議員批評新疆新聞辦回應有香港記者被扣留事件上捏造事實。

    民主黨主席何俊仁對新疆新聞辦昨日的回應,感到遺憾,記者在眾目睽睽下被粗暴對待,但現時當局反而冤枉記者,令公眾難以對執法部門有信心。

    他認為,當局必須公正處理,否則會對六十年國慶蒙上污點。公民黨的湯家驊亦指新聞辦不能只聽武警片面之詞。

    身兼全國人大代表的民建聯議員葉國謙亦表示,新聞辦的回應欠缺說服力,許多疑點仍未澄清,民建聯正考慮向中央領導人反映對事件的關注,希望保障傳媒有採訪自由以及獲公平對待。"

    再加一句: 葉國謙一句 “公平對待", 如果是與內地傳媒相比的話, 那…… 到這, 由得打從心裡打了個哆嗦, 更替現在在烏市戰場上打拼的記者們擔心……

  13. 光林

    更正最後一段:

    再加一句: 葉國謙一句 “公平對待”, 如果是與內地傳媒相比的話, 那…… 想到這, 不由得打從心裡打了個哆嗦, 更替現在在烏市戰場上打拼的記者們擔心……

  14. h

    雙十節搞大
    慶祝孫大師兄推翻專政

  15. h

    中共有大鋪癮
    成日潛意識唔記得同澳門香港臺灣排輩份
    佢地係最細嘅細佬
    所以唔想中國人記得辛亥至係真正嘅革命

  16. world traveler plus

    民建聯主席譚耀宗去信國家副主席習近平,希望徹查新疆烏魯木齊新聞辦,指武警毆打及拘留香港記者,是因為記者涉嫌煽動鬧市的指控。
    譚耀宗在信中表示,有關指控是一項嚴重罪名,必須要有充分證據,否則難以服眾。

    譚耀宗說,香港的有關記者及傳媒機構,堅持記者當時持有官方發出的採訪證,港人對事件非常關注,因此希望當局徹查,要求烏魯木齊市公布調查結果,以保障新聞從業員在內地依法採訪的自由及人身安全。

    用令一個觀點去睇,民建聯不經不覺已經進入第二round. 第一round 佢地同中聯辦反映,當日下晝新彊即刻換人,正當佢地落order 去造"成功爭取新彊換書記"之際,西北方傳來香港記者"煽動鬧事"之調查結論.

    而加佢地賭第二 round更大嘅,去信習近平. 唔知民建聯有第大勝算. 但你地有無覺得件事有D似特警成個鋪?

    如果習近平無表示,又或者講一的乜野和諧政策,而新彊當局唔洗收回言論,咁即話民建聯再輸多一round.

    民建聯夠唔夠膽賭第三round:去信胡温? 如果賭,即不服習近平決定. 要知道胡温之後,而共國仲存在,好可能習近平坐正. 民建聯夠唔夠膽逆未來老世意? 如果唔賭,即可以告知天下,而班自以為講同橋樑之輩,原來係無人so 佢地. 一定比香港人恥笑.

    ps:特警成上次攬上身個鋪,就黎十月十一月喇.特警, are you ready?

  17. martinoei 黃世澤

    點解政壇近排多咗咁多巴貝利或者「賭鬼」

  18. world traveler plus

    自由黨去信溫家寶要求徹查記者被毆事件
    2009-09-09HKT16:45
    自由黨下午於立法會門外,向在場傳媒派發公開信。他們對於昨日新疆新聞辦就本港記者的言論,感到驚訝及失望,並會去信國務院總理溫家寶,要求他親自徹查今次事件。

    又多一名賭徒. 自由黨同民建聯之分別在於後者成日sell佢地可直達中央.

    睇落兩過政黨之間好似無夾定. 但係而家兩黨去信中央已經揚左出黎,除非中共向香港嘅線眼有心整蠱習近平,如果唔係,應該有人同佢講自由黨已經去信溫家寶.等佢夾定口供回應兩黨回信.

    用正常邏輯去冧,習近平大可以唔回民建聯,成件事交由溫家寶答.

  19. 光林

    巴咩貝利丫, 直接D講, 抽水囉.

    睇埋民記致習近平書, 我只見到有條友指天篤地, 曰: “要砌都要交足戲丫唔該……"

    全文就唔照登啦, 只睇呢段……
    “…指控涉嫌煽動鬧事是一項極之嚴重的罪名,必須要有充分的證據。而且,香港記者堅持當時持有官方發出的採訪證… 烏市新聞辦作出如此指控,必須公開調查所得的證據,否則,肯定難以服眾。…"

    (point out一點, 他們只是 “引述" 香港記者 “堅持" 如此, 在此事上概無立場矣)

    另外, 睇埋後面, 覺得班友似要教班大官點做野咁, 俾我收到封信, 連交俾溫總都費事, 直接投籃之餘, 仲要送多一抹痰涎, 再加一句: “老子還要你這崽子來教?!"

  20. 刘小明

    炮打司令部
    ——我的一张大字报

      全港第一张支持香港传媒的大字报和现在新闻台评论员的评论,写得何等好啊!请同志们重读这一篇大字报和这篇评论。可是在十多天里,从中央到地方的某些领导同志,却反其道而行之,站在反动的新闻自由立场,实行官僚阶级专政,将报道轰轰烈烈的新疆动乱打下去,颠倒是非,混淆黑白,围剿香港传媒,压制不同意见,实行白色恐怖,自以为得意,长官僚阶级的威风,灭新闻自由的志气,又何其毒也!联系到2008年的西藏事件和今年初的新疆事件的错误倾向,岂不是可以发人深省的吗?

    毛小明

    二OO九年九月九日

    P。S。希望没有给河蟹掉

  21. 引用通告: Global Voices Online » Hong Kong: Journalists accused of incitement

  22. 刘小明

    大家想不想重阳去扫墓?
    去纪念中国新闻自由之死。。。

  23. world traveler plus

    to: 刘小明
    共黨亡黨時,可能會是中國新聞自由復活之時.

    期待復活節吧.

  24. Joel

    Martin兄,可以惡搞一下紐約時報的Thomas Friedman呢篇亂讚老共,要美國政治學中國的文章嗎?

    http://www.nytimes.com/2009/09/09/opinion/09friedman.html?_r=1

  25. world traveler plus

    又有人賭, 今次賭徒唔係用乜乜黨名義黎賭,係用佢自己名譽作賭注

    梁振英:相信內地政府願聆聽香港社會意見
    2009-09-13HKT16:24
    香港新聞行政人員協會就本港記者在新疆採訪,遇到執法人員拘查事件,舉行研討會。
    出席的全國政協常委梁振英表示,內陸省市官員的執法文化和手法,與香港不同,香港各界有需要討論記者在內地採訪時,會面對的問題,以及如何保障人身安全。他又表示,相信內地政府願意聆聽香港社會的意見,並落實執行。

    協會又與中大合作,日前用電話訪問620位市民,78%表示,不相信新疆當局指本港記者煽動鬧事的說法,相信的只有3%。

    如果共產黨一d聲氣都無,又或者領導人重複返之前新彊官方說話,睇你梁振英點樣參加下届特首選舉?!

  26. Hi

    How are you?

    What do you like doing in your spare times

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s