Daily Archives: 5 九月, 2009

棄卒保帥有屁用

烏魯木齊搞到咁大鑊,結果烏魯木齊市委書記栗智被人炒咗,但成個城市嘅公敵王樂泉,仍然老神在在做佢嘅黨委書記。

呢次可以反映出,王樂泉嘅後台好鬼強硬,唔係一時三刻話可以踢呢條茂利出街。但係只係炒栗智,而唔炒王樂泉,後果可以好鬼嚴重。因為呢次被中國民眾睇到,中國政府根本無誠意解決新疆問題。小弟怕且日後漢人出嚟抗議,唔會抗議吓咁碎料就算。依家已經有漢人學維吾爾人帶大刀自衛,咁下鋪會係點,係咪搞到好似《古惑仔》洪興對東英咁的情節?雙方拎住成堆刀互劈劈到血流成河,連公安武警都照劈可也,一鑊泡收場?

棄卒保帥係唔會保住個帥,要棄都唔該棄隻車先,依家栗智連車都唔係,班友當人係弱智嘅結果,大家等睇戲。

10 則迴響

Filed under 中國政治

香港政府變成騙徒政府?

朱凱迪:環保騙術

我發現香港最大寶藥黨,原來係香港政府環保局局長邱騰華。

當佢講到膠袋稅何等拯救地球時(仲要有青山病人樂意附和),堆填區幾咁唔夠位時,原來香港政府一路破壞緊香港嘅農地,協助吹捧一些中國唔知work唔work的地產項目,仲要不斷興建新的跨境道路,令大量不跟香港交通規則,無香港第三保,用緊中國不明來歷污染地球汽油的中國車輛進入香港,原來佢講嘅環保根本係呃人,真正的環境破壞,政府就靜靜雞做緊。

所以班環保塔利班,青山病人同埋政府全部都係同一幫騙子,一如邱騰華可以一路講環保,一路坐住佢架3200cc的福士車,譚凱邦講完環保,就坐的士去日出康城派單張。呢班福佳,仲衰過網上橫行的尼日利亞騙徒。

1 則迴響

Filed under 香港政治