Daily Archives: 九月 3, 2009

令老共崩盤的骨牌在東突厥

烏魯木齊今天成棚漢人出來示威,因為官府拉個用注射器亂咁拮人嘅黐線佬都拉唔到,人人自危,仲點住人。

大家都知,中國不嬲有膠人,用疑似有愛滋病血的注射器亂咁拮人嘅古怪罪案,一般係打劫居多,呢類犯人係公安都驚,因為班「疑住愛滋病人」,棚牙都係生化武器,佢地出嚟咬公安都好得人驚。而新疆接近中亞細亞果堆七國咁亂嘅地方,恐怖分子用生化針筒亂咁舞都已經好鬼嚇人。仲要依家係,連犯係邊個都唔知,總之係漢人中招多(維吾爾人多數有大刀在身,遇上呢挺賊佬,隨時一刀了斷),所以引發呢次事件。

依家唔係漢維衝突的結果,而係漢人已經覺醒,認為政府無能就要出身,話之佢XYZ,散步都費時,政府拉人都唔會驚,如果呢股風氣傳到中原地區,你話中國政府仲有乜心情慶祝「六十周年」國哀。

以為老共千秋萬世呀?發夢喇,土共,你就應該移民去喜馬拉雅星。

5 則迴響

Filed under 中國政治

政府用公帑請五毛黨呀?

以上的文件,係某位匿名人士向小弟提供,政府果個互聯網大使計劃,幾時變咗係養五毛黨嚟促進就業咁?

作為IT業界人士,本來互聯網大使如果真係請基層IT人,咁小弟都算數,但依家點解係政府透過青協俾錢工聯會的屬會去搞,又要佢地去睇年青人點用互聯網,仲唔係用嚟養五毛黨,香港政府幾時濫用公帑到呢個地步,咁我地交稿嚟把叉呀?

小弟呼籲,各位如果知道互聯網大使進一步計劃,同小弟聯絡。

3 則迴響

Filed under 香港政治

再談李國能退休的疑慮

繆美詩:李國能

Rachel以一個局外人身份看這件事,她不像小弟在大學時代,算是讀過點法律。但連一個一般市民,都認為李國能的理由解不過去,小弟的「司法危機」憂慮查實自不待言。

現時要看,李國能繼任人是誰。但在御用大律師、資深大律師和法官中,又不是議員又可以合符資格,大家有心找找香港大律師公會Bar List來看,查實不是太多。因為法官甚少由事務律師轉過去,主要事務律師沒有高等法院和終審法院發言權,他們處理訴訟經驗不足以去做,而很多御用大律師或資深大律師,不計做了議員那批,不少都有做開高院暫委法官或特委法官的職務,不是一點審判經驗也沒有。

現時唯一可以做,是金晴火眼,看著委任李國能接班人的過程如何。

後話:若論英國殖民年代,最陰濕的一件事,並非什麼殖民地炸彈,而是在等同英國GCE/GCSE的香港中學會考和香港高級程度會考,沒有引進法律這一科。在英國,中五都有法律可以選修。一如陳巧文在英國讀書時,會考有戲劇考,這科當然香港又沒有。法律不單是思維訓練,而且對公民更有充權(Empowerment)作用,一些簡單的官司,至少英國人讀過GCE/GCSE O Level或A Level法律,知道基本法律原理,司法系統運作,甚至遇上一些民事官司可以自己搞掂。英國人不在香港中學教育引進戲劇和法律兩科,英國文化核心精髓沒了很多。

13 則迴響

Filed under 香港政治