Daily Archives: 2 九月, 2009

香港版司法危機?

當由電視機聽到李國能提早退休的消息時,小弟腦裡想到是香港第二次司法危機這幾個字。

任何獨裁政權要胡來前,第一件事要做一定是破壞司法獨立,大家看馬來西亞的司法危機便知,而1999年人大胡亂釋法,肯定是香港第一次司法危機,開啟了人大常委任意而目的法紀釋法的先河。還好,李國能還是首席法官,他仍能維持大多數終審法院判決水準不墮。而做得這級大法官,甚少提早退休,在美國,最高法院大法官是做到死那一刻。

因此,小弟對李國能突然提早退休,充滿大量疑問和憂慮,到底李國能退休,有否受到北京壓力,而接任李國能的人,又是怎樣的貨色?搞得不好,香港司法危機可能現在便來個大爆發,後果非同小可,直接威脅香港金融中心地位,以及你我每一個人在香港的基本權利。

這件事,不驚就假。

20 則迴響

Filed under 香港政治

再度肚懶李先知

《明報》的李先知,可以講係一個不肚懶他,他就會繼續發膠音愚弄公眾,小弟正問班硬膠官員去咗邊時,甘乃威每個月只係𢭃幾萬蚊人工,人工低過政府班膠人,他盡議員職責搞掂灣仔爆水管時果陣,大家睇李先知講乜?

不過,官員明言,水務署安排上的急轉彎,正是要告訴一眾過度「政治抽水」的政客﹕抽水不可抽得太盡。

抽水?不做嘢的議員一個都無鬧,但做嘢果個就鬧佢抽水太盡,咁小弟想問李先知,咁議員應該知乜,乜議員做嘢唔係公眾期望嚟嘅咩?

仲有,點解政府唔理政治中立,叫晒X建聯班福佳過嚟,X建聯自己唔做嘢,係佢地抵死,依家呢個政府原來為X建聯服務,咁點解我要交稅呢?

呢啲茂利,霸住個地盤發膠音,係應該持續肚懶,繼續鬧爆。

2 則迴響

Filed under 肚懶李先知, 香港政治, 傳媒

連擺骨灰的地方都要排大隊

約 300 名 市 民 青 松 觀 外 輪 候 購 買 骨 灰 龕 位
2009-09-02 HKT 09:54

青松觀推出骨灰龕位,引來大批市民排隊購買 (黃凱宜攝)
約 200 至 300 名 市 民 , 在 屯 門 青 松 觀 排 隊 , 輪 候 購 買 骨 灰 龕 位 。
青 松 觀 推 出 1000 個 骨 灰 龕 位 , 昨 日 起 以 先 到 先 得 形 式 出 售 , 但 突 然 改 為 抽 簽 方 式 進 行 , 部 分 連 日 通 宵 排 隊 的 市 民 , 不 滿 形 式 改 變 , 堅 持 在 門 外 輪 候 , 亦 有 市 民 陸 續 到 場 排 隊 。

青 松 觀 發 出 廣 播 , 表 示 由 於 已 改 變 出 售 方 式 , 呼 籲 市 民 不 要 再 排 隊 , 警 方 則 派 員 維 持 秩 序 。

真係奇景,不過亦不令人意外,因為香港地少人多的程度去到,死人靈位居然要在工廠大廈出現。特別有一點要注意,爭香港的骨灰位的,不只現居香港的人,還有很多移民了海外,但想落葉歸根的上一代。

當然有人可能問,點解唔推廣樹葬。康文署管理樹木管到一鑊泡,大家敢咩?連樹葬用果棵樹都可以唔出聲就鏟,你敢就奇。

商台:市民投訴食環署涉不當將樹葬植物鏟走

3 則迴響

Filed under 香港政治