Daily Archives: 八月 27, 2009

國台辦班友應該去青山驗吓

國 台 辦 堅 決 反 對 達 賴 訪 台   批 評 民 進 黨 破 壞 兩 岸 關 係
2009-08-27 HKT 21:56
黃思蘅報道
台 灣 的 馬 英 九 總 統 同 意 讓 西 藏 達 賴 喇 嘛 到 訪 , 國 台 辦 發 言 人 說 , 無 論 達 賴 以 甚 麼 形 式 和 身 份 去 台 灣 , 大 陸 都 堅 決 反 對 。
發 言 人 又 批 評 民 進 黨 一 些 人 策 劃 達 賴 訪 問 , 試 圖 破 壞 兩 岸 關 係 得 來 不 易 的 良 好 局 面 。

呢班友應該去青山驗腦,或者直入青山醫院算。

達賴喇嘛係中華民國承認的,現時西藏的十四世達賴喇嘛丹增嘉措係中華民國政府承認,如果馬英九拒絕發出自由地區簽證俾丹增嘉措,即係要馬英九承認台灣獨立?所以由法理而言,馬英九唔批簽證係傻仔,特別呢次係中華民國七個縣市的縣市長官式邀請,無可能唔批。所以國台辦除非係台灣共和國支持者,否則應該送去驗腦。

15 則迴響

Filed under 台灣政治, 中國政治

維基百科陷入十字路口

雖然wiki技術漸公認成其中一種優秀協作技術,維基百科亦越來越多人引用,但維基百科發展陷入十字路口,Jimmy Wales決定針對生者傳記,要較資深的編輯來把關,才可以讓新加的內容出街。

本來是好事來的,因為維基百科越來越像高登人口中的借刀場,只要有個別人玩膠打起編輯戰就夠搞出天下大亂,因此,德文和英文維基這樣搞,小弟不反對。

但中文維基,對不起,對一個自治能力近乎零,充斥著百無一用是書生這類「人肉金盾」的所謂資深編輯,小弟認為,不如乾脆解散中文維基的管理團隊,或由維基媒體基金會邀請香港和台灣(不要中國,香港和台灣的也要小心政治傾向)個別用戶空降維基管理團隊,否則就由得中文維基變成垃圾缸把,反正現在根本是一個大垃圾缸。在五毛黨完蛋,或維基媒體基金會決心趕走像百無一用是書生這類爛貨前,這是最好的處理方法。

1 則迴響

Filed under 討伐百無一用是書生

一係唔好賭,一係全部拎嚟一齊賭

本來想用高登文來寫這篇分析文章,但由於本博客女讀者不少,所以都係免了。

何俊仁提出一個我懷疑唔係何俊仁,而係另有高人提出的so hand方案,就係如果2012的方案過唔到,就一鋪晒冷要求政府解散立法會重新玩過。

以賭注而論,呢鋪乜狗屎垃圾都拎出嚟賭晒佢,何俊仁方案更狠,但實際更安全,因為唔似五席請辭有個暫時未解決到的土共偷雞loophole存在,而且為2012中途站方案保留周旋空間。所以我話,呢個方案係另有高人諗出嚟,唔係何俊仁一個人可以諗出咁的方案,同時拋曾蔭權、社民連同土共。

要《基本法》三分之二票數過的議案,點都會係重要議案,所以呢個法玩主要戰術目的,查實係防止2005年方案翻叮,因為一翻叮又被否決,就會觸及《基本法》重大議案被否決必須解散立法會的機制,到時就可以JR咗佢。當然小弟認為呢招唔夠毒,俾我係講都費時,你一翻叮就先否決再迫你解散議會,玩到你膠為止。

所以唔好只在五席請辭玩唔玩果度諗,基本原則係,玩到特膠政府膠到無朋友,就係好方法,唔好鬧邊個民主派錫唔錫身,呢啲留番俾土共,大家專心諗膠得架喇。

1 則迴響

Filed under 香港政治

無性傾向歧視條例就出事

繆美詩:兩個男人

劉德華在大馬外父喪禮一役後,無用男人的名號等緊佢,咁無情無義兼唔尊重大馬習俗的男人,日後點返大馬,我都想知。

不過,Rachel提出另一個問題,更合符公眾利益,呢個係性傾向歧視問題。

HSBC變性職員受歧視問題,由於呢單有精神科醫生報告支持,所以法律繞咗個彎,用《殘疾歧視條例》令平機會有法理基礎介入事件,因為香港無性傾向歧視條例,加上HSBC始終係英國銀行,在英國有唔少金融界猛人係同性戀,如果傳返英國,HSBC真係會好唔得閒,所以HSBC寧願俾錢幫佢搞專用廁所,都唔抗辯到底,因為單嘢傳返英國,一啲好處都無。

但如果唔係金融機構,出現歧視同性戀,或者類似變性人情況,咁可以點,特別香港有些極端教會,公然大講鼓吹性傾向歧視,甚至仇恨的言論,咁可以點收科?唔係每一單個案,都可以咁收科的喎。

所以在不影響宗教和言論自由前提下,性傾向歧視立法係遲早問題,因為成堆民事法理問題要處理。但可以肯定係,如果X光社之流頑抗到底,令法案流產的話,政府無理由幫呢班塔利班承擔政治後果。特別聯合國人權委員會,已經三催四請要政府就性傾向歧視立法,唔通要嚟鋪更硬膠,搞到香港蒙羞的個案,至諗住立法話?

2 則迴響

Filed under 香港政治, 財經