Daily Archives: 29 三月, 2009

土共準備同曾蔭權攬住一齊死?

相當矚目的大圍選區補選戰已經結束,不單投票率出乎意料到高,接近一半,而且這次會戰亦成為了,泛民主派在區議會選舉的首仗勝利,以下係選舉結果

民主黨梁永雄 2820票
民建聯袁貴才 2301票
自由黨李躍輝 790票

一方面這次反映出,自由黨的票根本不太受中聯辦控制,才造成足足790票的流失,土共出動到香港研究協會做民調就照輸,證明中聯辦的指揮組織越來越不靈光,口投民建聯,票投民主派效應仍然存在。但另一方面,這次高投票率亦反映出,香港不少人對特區政府的荒謬管治憤怒到頂點,所以已經不管誰能做地區工作,總之出來投票目的就是投議,這也是社民連近日連番「粗口攻勢」戰略合理性所在。

如果稍後舉行的灣仔鵝頸會戰,出現類近的結果,咁土共就準備同曾蔭權攬住一齊死,因為不論土共和政府如何令傳媒歪曲真相也好,客觀事實不為主觀意志所轉移,那今年七一遊行隨時再度出現二零零三年般的大爆發。

5 則迴響

Filed under 香港政治

異常高的大圍投票率

沙 田 區 議 會 大 圍 選 區 補 選 投 票 率 49.02%
2009-03-29 HKT 23:24
沙 田 區 議 會 大 圍 選 區 補 選 , 晚 上 十 時 半 投 票 結 束 時 , 選 區 內 12,164 名 已 登 記 選 民 中 共 有 5,963 人 投 了 票 , 投 票 率 為 49.02% 。

如果呢鋪係泛民(民主黨)大勝嘅話,咁呢鋪土共同曾蔭權喺七一準備睇好戲,咁將會舉行的港島鵝頸之戰就更有睇頭。

各位朋友,買定花生。

發表留言

Filed under 香港政治

小心抽錯水

張宏艷:反對講粗口!

小弟素來很尊重張宏艷寫有關日本文化的文章,不過她這篇博客文章失準到呢,大概她連整件事的來龍去脈,以至她要批評什麼都未搞清楚,貿然出兵,結果就是抽錯水打錯仗。

就基本論點而言,小弟都反對在任何場合,講侮辱女性的粗口,廣東粗口不少涉及性器官,本身有性騷擾之嫌,但先檢視一下一些基本事實。在議事堂上,講過粗言穢語的四個人,包括行政長官曾蔭權、政務司司長(或屎務政司長)唐英年、九龍西直選議員黃毓民教授、新界東直選議員梁國雄,他們講的言論:

1. 曾蔭權:狗up,呢個根本係粗口諧音,係用了廣東粗口五大字,亦即男性性器官。
2. 唐英年:條條fing,個條字,都係指男性性器官
3. 黃毓民:基於娛樂版慣常用法,臭四係指脾氣臭的人,娛記過往封鄭秀文做臭四,依家封謝安琪做臭四,疑點利益歸於被告,他沒有講粗口的明顯嫌疑,除非張宏艷指娛記改粗口花名,但如果係咁,淫審一早做咗嘢。
4. 梁國雄:仆街同性器官無關,根本連粗口都唔係,只係粗俗詞語。

換言之,張宏艷唔係要指責社民連中人,而是應該要求行政長官和政務司司長向全香港女性道歉,因為他們兩人侮辱女性。究竟張宏艷,你想講乜呢?

作為新聞人,雖然小弟有時候都會未搞清事實,打錯了人,不過在大多數時候,都會儘量把事實搞清楚才會出手批評。張前主播這篇文章,實在令不少人失望。

2 則迴響

Filed under 香港政治

中國走向天神村化

青 海 西 寧 派 出 所 被 醉 酒 群 眾 搗 亂 2 公 安 受 傷 送 院
2009-03-29 HKT 18:30
蔡敬雯報道
青 海 省 西 寧 市 公 安 處 理 居 民 糾 紛 時 , 派 出 所 先 後 兩 次 遭 襲 擊 破 壞 , 兩 名 警 員 受 傷 送 院 , 7 人 被 扣 查 。
事 發 在 昨 晚 , 警 員 接 報 , 兩 名 醉 酒 人 士 毆 打 投 訴 房 屋 漏 水 的 鄰 居 , 警 員 把 雙 方 當 事 人 帶 到 派 出 所 。 醉 酒 一 方 鬧 事 , 先 後 兩 次 糾 集 70 幾 人 到 派 出 所 搗 亂 , 打 傷 兩 名 警 員 , 派 出 所 部 份 設 施 被 毀 。

呢挺情節同《IQ博士》天神村差唔多的情節,已經在今個月,先後在海南同青海省發生,當中國人可以膽大到隨時為了小事,去公安局晒馬果陣,代表中國各地政府剩下的威信所餘無幾,一旦有事控制能力會越來越低,膠到極點。

小弟並不認為,這種硬膠局面,可以維持一段長時間,繼續食花生。

發表留言

Filed under 中國政治

十五人爭一席?乜鬥膠有獎咩?

獨立新聞在線:15人参选创选举新记录

我以為果次陳太對葉劉果次決戰,連蕭思江呢類膠人都出嚟搞局,八人爭一席已經好膠(仲未計李慨俠同陳乙東兩件極品,不過佢地出師都未出到,已經被選管會KO咗),點知馬來西亞推到一個硬膠新頂點,武吉士南卯的國會議席,十五人爭一席,十三位獨立候選人,果十三位人兄參選的目的都唔知做乜。

乜鬥硬膠有獎嘅咩?我今年生日真係食花生都食到飽。

1 則迴響

Filed under 南洋政治

我們低估了尼泊爾裔社會的憤怒

dsc00787
五千人遊行至政府總部,要求當局委任獨立調查委員會,調查何文田槍擊案的真相。

當好多香港人(唔計小弟呢挺少數族裔,或Rachel等少數明事理的人),以為何文田槍擊案死者係抵死時,尼泊爾人社區好明顯唔係咁睇,否則唔會成幾千個尼泊爾人,衝上政府總部,要求當局指派獨立調查委員會進行調查。

首先,警方有無好似融樂會所講,蓄意spin傳媒以求逃避日後死因庭的聆訊已經一大疑問,而更大疑問係,依家係警察投訴科自己查自己,公信力比英國2005年的槍擊事件中,展開獨立調查的獨立IPCC更不如,加上小弟相信,少數族裔受到歧視的情況,有可能是相當普遍,換言之,這件事香港警方處理不當,隨時觸發種族關係緊張。

香港人也是應該檢討,我們常罵英、美白種人種族歧視的同時,我們到底又好他們多少?

dsc00804
女長毛製作的示威標語牌,是整個遊行最有創意的標語牌

3 則迴響

Filed under 香港政治