城大評議會中人想做六四幫兇就去吧

在奧地利、德國、比利時、捷克、列支敦士登、盧森堡、波蘭、羅馬尼亞否認猶太大屠殺(Holocaust Denial)是刑事罪行，可以被判監。原來很簡單，猶太大屠殺根本是反人類的罪行，連猶太大屠殺都可以否認，還有什麼更過份的反人類言論講不出。

小弟認為，有必要就否認六四事件立法，任何人否認六四屠殺，或認為殺人有理，一律列作刑事罪行。因為六四用軍隊屠殺手無寸鐵人民，已經是明顯反人類行為，試下有日本右翼人渣否認南京大屠殺，睇大家有乜反應？

獨立媒體：城大評議會阻撓《六四特刊》於維園派發 稱等於支持「平反六四」

大學時已經人渣到這個程度，長大後做政客豈不是為了鎮壓人民無惡不作，那還成世界？隨時會搞出香港版波爾布特出來，為防止這種情況，小弟認為必需將有份投反對票和棄權票的所有人等清單公諸於眾，日後六四平反後，儘速就否認六四言論刑事化立法，並且對這些人採取行動。

還有，必須留意港大那位親共學生會會長，這個人如有任何否認六四言論或行動，必須強硬對付。

我建議很多連愛國和支持平反六四關係未搞清楚的人，好好看《讀愛》原著一次，德國可以戰後反省，日本和中國不能，原因在於德國人對一些人性價值的堅持，不會因父母的言論放棄。

裁員與風險對沖

在2002年2月，小弟在鰂魚涌經歷了人生第一次裁員，SCMP.com結束香港版《PC Home》，《PC Home》有關的人馬全部裁掉，小弟當時未完全離開SCMP Group，要等到Channelhome亦關門大吉，《招職》由另一批人馬接手，小弟才算在工作上離開SCMP Group。（但小弟仍然手持有效的SCMP作者特約合約，囧）

當小弟被SCMP裁掉時，剛剛小弟開始供樓，為免供不到樓構成問題，就索性當自己是一間公司，而這間公司有兩門業務，一門業務是與經濟周期相反，一門業務或技能是與經濟周期掛鈎，有餘力時就發展第三門業務，第三門業務就只是輔助收入。像時事評論、學術研究是與經濟周期相反的業務，而一些商業研究服務是與經濟周期掛鈎，這個blog的廣告，以至自己的書籍出版是第三門業務。小弟就是這樣搞風險平衡，得以一路做《成報》之餘，也不被綁死而安然度過沙士難關。

不要當自己是賣身給老闆的打工仔，要當成自己是精打細算的老闆，老闆之所以欺負員工，因為他們靠搵笨而生存。所以，各位如果在blog上加上Google Adsense廣告，在金融海嘯下小弟不反對，有空就請click一click其他人blog上的廣告，當是金融海嘯下幫一幫人好了，正所謂助人自助是也。

終歸是TD-SCDMA信心問題

「大行紛唱淡 中移挫逾5%
2009-03-21
(綜合報道)(星島日報報道)中移動（941）前日派發去年度成績表，純利達一千一百二十八億元人民幣符預期，雖然昨日公布二月份新增用戶止跌回升，但市場仍憂慮中移動高增長期已過，競爭有加劇之勢；而坐擁一千八百億元淨現金仍不增派息，更令投資者失望，昨日被多家大行唱淡，並以近全日低位收市。

由於市場憂慮中移動高增長期已過，多家證券行都看淡中移動，高盛及德銀發表報告認為，有調低中移動業務數據預測壓力，高盛更將中移動目標價由七十元降低至六十八元，高盛所指中移動派息率只有四成三，較市場預期少，而未來的資本開支又較預期多，加上TD-SCDMA未來三年只會有約三千萬客，較工信部預測三年有五千萬客的目標低，加上競爭加劇，令中移動今年手機補貼大增至一百二十億元人民幣」

我可以咁講，如果中移動依家拎到係WCDMA牌照，我諗班大行係唔會咁唱衰中移動。

如果中移動手持係WCDMA牌照，單係手機補貼都未必要大增到一百二十億人民幣咁多，依家Sony Ericsson第一季稅前虧損成3.4億歐元，中國3G市場睇起嚟夠大，至少可以消化部分存貨，Sony Ericsson一定係其中一間手機生產商同你搏老命在中國擲走過氣型號，分分鐘就係成堆存貨在中國傾銷，當各大手機商要傾銷存貨果陣，咁手機補貼已經減咗好多。之後各大基建設備商，又會好平咁推出俾現有中移動網絡用的升級設備，資本開支亦都會低好多，依家TD-SCDMA係新技術，手機供應商少，亦不會同你減價，之後果堆設備又係新嘢，一定又貴而且唔少騎呢嘢，而且咁多民工失業，Prepaid客仔又會無咗一堆，中移動不減派息都唔得。

所以講嚟講去，中移動股價的戰略關鍵係TD-SCDMA能否成功，大家投資中移動唔係諗住在一個中國土炮技術上落注嘛。賭新技術的前途，就係高風險投資，可以發過豬頭，可以慘過地底泥，除非你好有信心，否則遠離中移動係為你嘅身家著想。

至於中國聯通，因為中國聯通班管理層過往一路有膠力，大家睇聯通在香港竟然選廢到無倫的3(2G)都知得個膠字，我個人唔睇好中國，唔會投資中國聯通，但就算睇好，你都最好上深圳親身領略中國聯通啲服務掂唔掂先。

特膠政府膠到上聯合國

香港蘋果日報：拆 尖 沙 嘴 巴 士 總 站 鬧 上 聯 合 國 論 壇

特膠政府班膠官，肯定唔知巴士迷同保育人士結合嘅力量，足夠玩到你謝。上鋪皇后碼頭事件唔知教訓，如果堅持要拆尖沙咀巴士總站就實聽膠鋪勁。

唔計保育角度，就由交通大戰略角度，拆尖沙咀巴士總站益地產商呢個決定，都係膠到震。

依家在中環同灣仔北嘅人，過海係比較多選擇，就係因為天星碼頭，坐天星去尖沙咀，唔只係去尖沙咀，依家由尖沙咀碼頭開出嘅1A係有人坐，唔單只比較平，而且坐船唔塞車兼有位坐，就係一大優點。依家天星載客量係552人（世星可以去到762人），繁忙時間6分鐘一班，一小時可以載到5520人，灣仔航線同中環航線已經有11000人的運輸力，如果無巴士接駁，用唔到盡呢11000人的運輸力，依家港鐵已經變成沙甸魚，乜特膠政府係賣沙甸魚罐頭嘅咩？

要解決九龍和香港之間通勤的運輸力作戰問題，渡輪服務是不可或缺嘅一環，因為維港不會塞車，在相比較下，這也是一個可以考慮的提升運輸力方案。但要乘客選擇渡輪，渡輪與巴士之間的接駁配合，例如在尖沙咀碼頭加設特快線總站或落客站等就很重要。可惜，將人當一盤盤桔嚟運嘅運吉署，除非立例規定，運吉署所有高官不准擁有私家車，否則都不可能令他們解決問題。