Daily Archives: 11 三月, 2009

乜有無恥政府大賽的咩?

地球真係好危險,因為依家啲政府好似要爭健力士無恥紀錄咁,乜都做得出。

如果你覺得馬來西亞霹靂州政府同州議會秘書,千方百計偏幫國陣阻止民聯政府開會叫無恥,叫絕對唔夠香港立法會秘書處公然竄改會議紀錄更無恥。

立法會秘書處關於特首粗口事件新聞稿

咁仲成世界,如果會議紀錄可以光天化日竄改,香港仲有法治同一國兩制,隨時衰過在中國本土住,啲人為求政治目的,亂咁改官方文件,一如何可欣十三歲可以變十六歲一樣。

乜依家亞洲各國應對金融海嘯方法係鬥無恥,身為一介小民真係要申請移民火星至得。

4 則迴響

Filed under 香港政治

自作膠誰可救?

港交所在2007年對收市競價時段的諮詢報告
林忌:由雷曼到匯豐的真兇

在一些爛片中,成日都有奸角自己在森林自己整咗個陷阱,原本想裝人彈弓,點知呢,最後自己中伏,束手待擒,被人恥笑。在這次HSBC 3月9日大屠殺中,正上演爛成咁的情節。

成個收市競價時段的諮詢都係一場爛騷,留意上述文件的2007年的附錄一,大鑼大鼓支持的21份回應中,有四份係匯控的子公司,恒生證券有限公司、滙豐金融服務(亞洲)有限公司、滙豐投資管理(香港)有限公司同埋香港上海滙豐銀行有限公司,膠成咁仲有乜好講。

要堵塞收市競價時段的loophole,查實最有效方法係隨機收市,亦即可以在收市競價時段內任何時間,系統收刻收市對盤全無預警(基本上係由交易系統電腦程式,整一個亂數決定收市時間),咁樣要造市難度就大增,因為隨時會賭出事。至少你唔會搵部電腦,在16:09:30輸入一個搗亂賣盤,然後16:09:40輸入一個搗亂買盤,之後全世界無仇報,因為依家好多買賣盤都係程式盤,要做到咁精準的做市係無問題。(在大行,trader本身具備database programming的能力,係一個莫大優勢,可以利用大行本身在data feed上的優勢,自己用一個mathematical model去進行自動買賣,我相信立心要在競價時段屈機,寫個咁的program係做得到)

2009年的港交所諮詢結果

明明大部分人支持隨機收市,但港交所用埋啲硬膠理由,拒絕實行,只係限制波幅敷衍公眾,究竟邊個喺度搞鬼,依家HSBC肯定有份自作膠,咁膠法小股東係咪應該在考慮供股前,搵班HSBC膠到無朋友的management祭旗先講。

同埋都係果句,證監班友,想潛水潛到幾時?

1 則迴響

Filed under 香港政治, 財經

發少陣膠音當幫忙

政 治 助 理 伍 潔 鏇 說 工 作 有 滿 足 感
2009-03-11 HKT 11:30
政 府 去 年 委 任 9 名 政 治 助 理 , 協 助 司 局 長 工 作 。 其 中 上 任 半 年 的 財 經 事 務 及 庫 務 局 政 治 助 伍 潔 鏇 接 受 訪 問 時 說 , 上 任 1 個 月 即 爆 發 「 迷 債 事 件 」 , 以 往 在 投 資 銀 行 工 作 的 經 驗 , 正 好 協 助 上 司 及 同 事 了 解 迷 債 結 構 及 風 險 , 感 到 有 滿 足 感 。

香港出現呢挺恬不知恥嘅高薪政治助理,果然係一大災難。

唔好計雷曼迷債呢筆,她作為美林法律部在香港的主管,熟悉證券法例,咁無理由唔知由2007年港交所開始諮詢收市競價時段,到2009年3月9日HSBC大屠殺,有大量散戶明顯被人當人肉提款機嚟用的喎,她仲好意思借雷曼事件沾沾自喜,如果她咁叻,點解唔提醒傻強收市競價時段有問題,然後叫陳家強教授,向曾俊華提出,要求政府委任的六名港交所董事,停止有關硬膠措施。由港交所的董事會組成可以睇到,政府無理由任由散戶隨便被宰。

有些人真係一睇就知膠,小弟希望伍小姐,妳上鋪話新加坡公民可以隨時拎特區護照已經好膠,自己做唔到嘢仲大大聲,就只會被人恥笑。

註:根據香港交易所資料,港交所十三名董事中,有六名係財政司司長根據《證券及期貨條例》第77條委任,包括主席夏佳理,獨立非執行董事史美倫、方俠、鄭慕智、張建東和范鴻齡。

發表留言

Filed under 香港政治, 財經