Daily Archives: 5 三月, 2009

請杯葛播道會賣旗活動

在本月7日,基督教播道會在全港舉行賣旗籌款,聲稱要為佢地的社會服務籌款。

但小弟認為,基督教播道會呢次籌款得來款項,很有可能用於宣揚他們的塔利班理念之上,所以在播道會未做到以下條件前,杯葛播道會的賣旗活動:

1. 蘇穎智牧師辭職
2. 播道會向公眾道歉
3. 播道會停止與X光社以及其他宗教極端組織合作
4. 停止在《家暴條例》和《淫審》堅持打壓人權的立場

如果播道會做唔到,小弟呼籲大家,叫身邊朋友一蚊都唔好捐,我地無必要資助塔利班危害社會。

8 則迴響

Filed under 宗教

當花旗跌破一美元時

似乎第二波金融海嘯,已經殺到埋身。

Bloomberg:Darth Wall Street Thwarting Debtors With Credit Swaps

通用汽車集團的核數師對通用汽車能否繼續營運感到質疑,福特汽車的CDS(Bloomberg已經將投資CDS嘅人稱呼為Darth,有睇過《星球大戰》知道果啲係乜)已經升到破產級數時,依家投資HSBC時,HSBC Balance Sheet上的美國消費信貸,作為投資者應該Write Down做零,因為福特、通用汽車破產,成班友諗住賭CDS刮番筆時,HSBC Balance Sheet明年再大幅減值幾乎係肯定。所以Citigroup今天的股價,一度跌破一美元,無咗SmithBarney之後,乜花旗仲有渣剩嘅咩?

Bloomberg: HBOS, RBS U.K. Deposits Fell; Government Banks Gained

最大鑊係以上消息,成班英國存戶將存款搬到全面國有化嘅存款機構,好似HSBC咁堅拒國有化嘅竟然被存戶懲罰,你話無天理都好,如果呢個趨勢蔓延落去,咁HSBC會在歐洲市場持續失血,一如依家好多香港人將HSBC存款搬到果啲借錢俾人唔負責任嘅財仔同細銀行一樣,結果就係HSBC隨時係供股都救唔番。仲想話二度供股,我怕到時真係英國政府要好似國有化RBS咁國有化HSBC。

香港散戶們,好戲依家至開始⋯⋯

2 則迴響

Filed under 財經

右腦睇股到左腦睇股

孫柏文:一注獨沽賣滙豐
林忌:混亂的銀行官僚

雖然在去年11月,小弟已經在這裡預測HSBC會供股,但事實上,最早有兩位右腦人話俾大家聽,HSBC有問題,一位係財經人孫柏文,佢在2007年7月叫人一注獨沽賣HSBC,被人鬧到死,但在2008年1月到價,成班友仲係圍剿佢,但依家證明孫生預測全中,如果在2007年聽孫生講,你今次成功走甩。

另一位係唔研究財經的林忌,林忌係「硬膠驅動」去睇市,在2006年見到間公司運作硬膠到決定唔投資,在2008年1月再警告全世界HSBC唔應該買,成班茂利照去,結果依家死狀係點,大家睇到。

左腦係邏輯、數據,右腦係直覺、創意,金手指係右腦的產品(否則點可能用高登語言來睇市),林忌係右腦人唔駛講,佢地會睇到一些我地左腦人一時三刻未必睇到的問題,特別係宏觀問題,因為左腦人太重數據,好容易迷失於戰術範疇的東西。而右腦人正係可以捕捉到Black Swan果些人,大家明點解我會拎Leona對HSBC供股的評論出嚟講的原因。

無錯,唔可以純用數據睇股,不過右腦睇股要係有直覺同創意,呢樣嘢,唔係人人有,係天生。好似我咁,我係無右腦的天份,呢樣嘢係無得講。

1 則迴響

Filed under 財經

用常識來看HSBC供股吧

黃雅麗:Je ne sais finance

不計小弟提及的Pierre Barge Strategy,用HSBC供股同BN(O)平權綁埋嚟玩外,對HSBC供股問題,查實用直覺同常識都知道應該供定唔供。

Leona那條簡單問題問得好,我有咁多Cash,點解要供股,用在其他用途唔好?

比起講咗一大堆理由都係廢話,又扮醒的中產股膠(係,香港有好多股膠),Leona呢篇乾淨俐落。

3 則迴響

Filed under 財經

馬來西亞會否走向大革命?

當今大馬中文版:法记者藉警察文件揭杀蒙女内情

依家蒙古女郎炸屍案,內情已經不只純粹C4納吉包了二奶不想找數那麼簡單,而是涉及西班牙、法國和馬來西亞一宗軍火交易,有人明知蒙古女郎懷有身孕都要無人性殺人滅口。

由炸屍案到霹靂州憲政危機,大家可以想像納吉正式擔任首相後,他會用什麼無恥手段來管治馬來西亞。

但納吉不幸的是,馬來西亞遇上了金融海嘯,他自以為聰明的胡作非為,如果安華不儘早更易聯邦政權的話,結果很可能不堪設想。最大可能是,C4納吉太硬膠,馬來西亞民眾忍無可忍,革命了結。

不要說沒可能,C4納吉的膠力小弟不敢低估。

1 則迴響

Filed under 南洋政治

爭取英籍平權的策略上三個面向

雖然大家對BICB Amendment 98的前途看法不同,但相信大部分在這裡的人都同意,需要在現階段加強壓力,確保BN(O)平權最後得到實現。小弟提出策略上的三個面向,其中兩部分需要由BritishHongKong這個團體代為執行,儘管本人對這組織其中一名成員Noble Sham(柊)公開表示不信任,小弟仍會呼籲大家捐錢,因為其餘在英國和歐陸成員仍需要執行,而另一個面向,需要同時持有HSBC供股權的BN(O)持有人執行。

1. 現時準備以司法覆核作為後盾,雖然英國打官司貴到不得了,但如果已經表明會進行司法覆核,英國政府未膠到像HKSAR政府咁,唔見棺材唔流眼淚,到BICB以至之後ISB討價還價有幫助,傾向打官司這個方法的,請把支持BHK加入歐洲人權組織,以及打官司的錢,去這裡捐:

http://www.britishhongkong.com/main/donate/charts/

2. 另一個面向是保持政治游說,除了Lord Avebury,小弟認為,現時在英國的人,應該立即登記做選民,以及儘早約見你所屬選區House of Commons的議員,要求他們提出對BN(O)有利的修訂案,而不想自己做,可以捐錢給BritishHongKong,由他們去做。

3. 小弟必須讚HSBC的是,HSBC一直極力避免政府國有化,而HSBC可以不被國有化的本錢,正是香港股東們的誓死支持,香港人替英國納稅人慳錢,但英國一點回報都沒有是講唔通,所以小弟打算提出No Citizenship, No HSBC的計劃,如果工黨政府拒絕恢復香港人的英國公民身份,你做初一,我做十五,杯葛HSBC供股,狂沽HSBC,反正都膠硬。呢個策略,小弟稱為Pierre Berge策略,係將HSBC供股政治化,這又如何?

大家可以考慮各自可以做的策略面向。

17 則迴響

Filed under 英國與歐洲

政治酬庸重要過窮人上網

多 名 議 員 要 求 綜 援 兒 童 可 獲 上 網 津 貼
2009-03-05 HKT 12:10
在 立 法 會 一 個 委 員 會 上 , 多 名 議 員 要 求 將 學 童 上 網 費 , 列 為 綜 援 兒 童 的 津 貼 項 目 之 一 。
議 員 梁 家 傑 認 為 , 現 時 學 童 要 在 網 上 學 習 及 做 功 課 , 上 網 費 已 成 為 家 庭 的 基 本 開 支 , 但 不 少 綜 援 家 庭 無 法 支 付 這 筆 開 支 , 影 響 兒 童 學 習 。

不 過 , 勞 工 及 福 利 局 首 席 助 理 秘 書 長 張 岱 楨 認 為 , 綜 援 計 劃 照 顧 受 助 人 的 基 本 生 活 需 要 , 上 網 費 屬 學 習 開 支 。 一 個 4 人 綜 援 家 庭 , 每 月 平 均 領 取 綜 援 金 9920 元 , 已 較 最 低 20% 收 入 組 別 的 四 人 非 綜 援 家 庭 月 入 為 高 。

他 又 說 , 多 個 部 門 , 包 括 康 文 署 的 圖 書 館 , 下 月 會 將 服 務 時 間 延 長 , 方 便 市 民 上 網 。 專 業 團 體 及 社 區 組 織 合 作 設 立 的 地 區 數 碼 中 心 試 點 計 劃 , 上 月 正 式 開 展 , 為 貧 窮 家 庭 的 青 少 年 及 有 需 要 人 士 , 提 供 資 訊 科 技 及 上 網 服 務 。

上述言論,除了代表張岱楨係汽水愛好者,鍾意飲9up汽水外,亦代表了,政府要搞政治酬庸重要過真係幫綜援人士:

1. 依家CTI HKBN, HGC和PCCW爭到要死,人均Broadband費應該唔會增加好多政府開支,審批綜援的人手都係fixed cost。

2. 但果啲地區數碼中心,養住一班NGO,以及成日扮晒要解決數碼隔膜,事實上拎政治籌碼的iProA中人,呢個至係最重要嘅潛台詞。果啲地區數碼中心費用高(要買設備,養technical人員,全部係錢),但照顧的人又唔係咁多。

簡單來講,政治酬庸重要過窮人上網,that’s all。

至於Internet係唔係基本需要,問教育局局長孫明揚,依家教育改革後,屋企無internet點做功課。所以Victor Cheng(成日扮晒評論員監察員的VC),咪被我在facebook公開鬧爆。

11 則迴響

Filed under 香港政治

搵呢班友去禁毒真係收得工

禁 毒 常 務 委 員 會 : 日 後 會 小 心 挑 選 歌 星 藝 人
2009-03-05 HKT 10:03
有 曾 參 與 政 府 禁 毒 宣 傳 的 本 地 歌 手 涉 嫌 藏 毒 被 捕 , 禁 毒 常 務 委 員 會 禁 毒 教 育 及 宣 傳 小 組 委 員 會 主 席 龐 愛 蘭 表 示 , 日 後 會 更 小 心 挑 選 活 動 的 表 演 嘉 賓 。
她 表 示 , 邀 請 歌 星 藝 人 時 , 除 了 會 考 慮 他 們 的 形 象 是 否 健 康 , 亦 會 在 行 內 了 解 他 們 的 操 守 , 她 又 說 , 即 使 要 求 歌 星 及 藝 人 在 參 與 活 動 前 簽 承 諾 書 , 承 諾 不 吸 毒 , 也 很 難 百 分 百 保 證 他 們 不 會 吸 毒 。

龐 愛 蘭 表 示 , 由 於 歌 星 及 藝 人 能 夠 吸 引 青 年 人 , 方 便 宣 揚 禁 毒 訊 息 , 因 此 日 後 很 難 不 請 他 們 擔 任 表 演 嘉 賓 。

在其他國家,好少搵演藝界人士宣傳禁毒,一方面很難保證他們的操守,另一方面,他們的宣傳功用真的有嗎?用了很大的錢,換番個吉返嚟,唔驚被刁民好似我咁鬧爆?對付大麻呢類非成癮類毒品,可能學荷蘭咁合法化咗佢仲簡單直接,合法咗除咗吸引旅遊業,反正因為無咗好奇,荷蘭人對大麻無乜興趣(基本上,荷蘭食大麻的人,來自其他歐盟國家)。

查實港英政府以往搵明星宣傳政策,唔係佢地真係work,係一方面唔駛孭鑊,另一方面係籠絡呢班友,同委任劉皇發做行政會議成員目的係一樣:政治酬庸。龐愛蘭話方便宣揚禁毒訊息,證明佢唔識政治,亦零創意,正如Rachel講,去到人人呆的地步,咁請龐藥劑師早日收工,返藥房繼續配藥。

延伸閱讀:
繆美詩:宣傳零創意

3 則迴響

Filed under 香港政治