Daily Archives: 3 三月, 2009

HSBC供股與英籍平權

小弟要講明,呢個唔係負責任的戰略,但如果成班友為HSBC築成血肉長城,有咁的unintended consequence,小弟覺得可以考慮一下。

因為照現時睇英國的HSBC股東好多可以拋售供股權,甚至離場唔玩,但成棚香港人築成血肉長城守衛HSBC,如果最後結果係香港註冊股東,或香港英籍股東主力支持供股,而英國的HSBC股東拋售股票或拒絕供股,在BICB討論中可唔可以證明香港人竭盡所能避免英國最大私營銀行被國有化的命運,對英國經濟有極大的貢獻,要求英國政府歸還三百萬英籍人士權利作補償。

這是很初步的看法,但小弟認為這戰略可以一試。只要HSBC供股的認購結果一出就可以出手,小弟相信最終香港股東接受供股的佔多數。

1 則迴響

Filed under 英國與歐洲

有啲事似乎應該搞清楚

呢鑊關楚耀、衛詩藏毒斷正,肯定轟動全港,不過仲有好多問題,似乎係絕對要搞個清楚明白至得:

1. 點解關楚耀可以叻到可以由香港帶大麻去日本食嘅?我想問海關緝毒呢方面係咪食咗屎,定係要call call ICAC咁?

2. 如果關楚耀同衛詩可以去日本隊草咁大膽,咁娛樂圈濫藥情況嚴重應該唔似係傳聞,咁陳冠希同女星影果堆相,唔知係唔係神智清醒果陣同意拍攝?

3. 究竟政府請班藝人宣傳禁毒果陣,知唔知佢地平日做乜?

真係呢排花生缺貨,多多都唔夠。

18 則迴響

Filed under 香港政治

李少光,唔該你留意下明星濫藥問題先

關 楚 耀 和 衛 詩 在 東 京 涉 嫌 藏 毒 被 捕
2009-03-03 HKT 14:32
本 港 歌 手 關 楚 耀 和 女 歌 手 衛 詩 在 東 京 涉 嫌 藏 有 大 麻 , 被 警 方 拘 捕 。
日 本 傳 媒 報 道 , 25 歲 加 拿 大 籍 的 關 楚 耀 和 26 歲 英 國 籍 的 衛 詩 , 上 星 期 二 凌 晨 1 時 許 , 在 東 京 涉 谷 涉 嫌 隨 身 攜 帶 大 麻 被 捕 。 東 京 警 方 調 查 一 宗 企 圖 扒 竊 案 , 在 檢 查 關 楚 耀 的 物 品 時 , 發 現 煙 草 內 藏 有 大 麻 。

報 道 又 說 , 關 楚 耀 供 稱 , 大 麻 是 從 香 港 帶 來 。 衛 詩 則 聲 稱 , 不 知 道 煙 草 內 有 大 麻 。

小弟依家未知關楚耀同衛詩係唔係清白,假設係清白先,但香港娛樂界濫藥問題嚴重,就連小弟呢個只係工作關係,同娛樂界有少少關係嘅人都知,咁我想問,李少光有無決心同能力處理呢個問題?明星可以濫藥嘅話,仲要衛詩同關楚耀,去年至出席過港府嘅喺北區搞嘅禁毒活動,小弟真係有少少明,點解上水官中有果件咁膠嘅販毒事件。

香港電台新聞稿:「禁毒滅罪耀北區2008」籲青年抗毒害建陽光校園

1 則迴響

Filed under 香港政治

香港郵政私有化?

郵 政 署 長 稱 未 聞 政 府 有 意 出 售 香 港 郵 政
2009-03-03 HKT 11:20
署 理 香 港 郵 政 署 長 陳 猶 烽 表 示 , 香 港 郵 政 未 收 到 政 府 有 意 出 售 資 產 的 消 息 , 不 過 他 補 充 說 , 什 麼 事 情 也 有 可 能 。
剛 公 佈 的 預 算 案 在 中 期 財 政 展 望 中 , 預 期 3 年 後 出 售 政 府 資 產 收 入 將 會 增 加 , 有 學 者 認 為 , 長 遠 而 言 郵 政 及 水 務 亦 可 能 被 私 有 化 。

陳 猶 烽 早 上 出 席 屯 門 區 議 會 會 議 後 表 示 , 香 港 郵 政 未 聽 聞 政 府 有 意 出 售 資 產 的 消 息 。 他 補 充 , 即 使 要 出 售 資 產 , 亦 非 一 時 三 刻 可 以 進 行 , 需 要 經 過 廣 泛 諮 詢 及 研 究 , 但 香 港 郵 政 暫 時 未 有 相 關 的 檢 討 。

郵政署署長雖然否認香港郵政正私有化,但政府很明顯,研究將香港郵政私有化的可行性。

認識小弟都知道,小弟反對係以膠方法,以不適當的方法進行私有化,例如私有化唔立適當法例分清權限,但如果戰略和戰術都合理的私有化,小弟係贊成,其中郵政查實已經係與一般物流越來越無分別,只要將監管郵政服務,同涉及主權問題部分剝離,郵政就應該私有化,全世界好多國家,包括英國、德國等都郵政私有化,小弟睇唔出點解政府反對。

延伸閱讀:

黃世澤:香港郵政為何不可以私有化?
黃世澤:私有化日本

2 則迴響

Filed under 財經

又來死貓一大隻

領匯維修逼商戶畀錢

好老實講,我唔知王國興究竟知唔知佢自己嘅抗議有無ground,我對佢閣下嘅抗議極有保留。

1. 如果商戶排水道直駁雨水渠嘅膠事,係房屋署搞出來,咁王國興以至一眾小租戶,應該向房署追討最終責任,因為係房署搞出來嘅蘇州屎。咁當年唔知邊班友死都支持政府繞過立法會,在無《領匯條例》情況下係咁私有化,點解劉江華支持的楊倩紅(呢條友係公民力量,即係X建聯的衛星組織),同埋X建聯的王國興可以集體唔負責任?王國興同楊倩紅依家將矛頭指向領匯,係咪因為當年條數唔知點找?

2. 如果係小商戶未有得到房署通知,n年前擅自修改排水道,咁仲大鑊,呢件事領匯真係一蚊都唔駛孭,因為租戶擅自更改大廈公共設施,大業主絕對有權要求租戶承擔有關後果,唔知王國興講嘢之前,有無搞清楚究竟果堆水渠喉管係邊個嘅傑作呢?

除非有證據顯示,果堆直駁雨水渠的喉管係領匯嘅傑作,否則我只係覺得班土共,當年支持領匯繞過立法會私有化,搞到一堆權責搞唔清楚,領匯食落嘅死貓都唔少,之後X建聯又話自己成功爭取物物乜乜,神又係佢,鬼又係佢,佢講晒喇。香港做政客真係好,搞完事可以唔認數。

發表留言

Filed under 香港政治

納吉真係膠到爆

當今大馬中文版:霹议长在停车场开紧急州会

我成日都話,研究南洋政治充滿樂趣,因為南洋真係乜膠事都可以發生,今日在馬來西亞霹靂州政府大樓發生的膠事,更加證明這一點。

由於州議會議長係民聯的人,民聯決定運用議長權力,禁止七名身兼國陣州務大臣和行政議會的議員禁足,又召開緊急會議促請民聯的州務大臣尼查向蘇丹要求解散議會,國陣為了避免解散議會的做法,竟然是封鎖州政府大樓,因為州議會的會議室在州政府大樓內,那以為這樣會便開不成。

不過在南洋這個充滿硬膠的地方,你有張良計,我都有過牆梯,民聯廿八位議員就會停車場就地開會,情況就同法國大革命前夕,法國國王路易十六拒絕將三級議會改成國民會議,禁止議員踏足會議室,結果在1789年6月20日,這群議員在附近的皇室網球場開會,通過《網球場宣言》(Tennis Court Oath,法文Serment du Jeu de paume),揭開法國大革命的序幕。由於路易十六硬膠,拒絕《網球場宣言》的最後通牒,結果法國佬二話不說攻陷巴士底監獄先講。

不過搞到2009年,將幾百年前的歷史劇目重演,乜納吉唔覺得佢自己同馬來西亞都好膠咩?

1 則迴響

Filed under 南洋政治

當然是集體貓哭老鼠

繆美詩:集體貓哭老鼠

Rachel這篇文章,令我想起上周《AM730》的馮振超,在逸夫書院校友會Shawpy Hour活動中,解釋為何《AM730》寧願以鼠首成亦承認六四鎮壓是錯誤放頭條,都不以陳冠希在溫哥華作供作頭條的原因。

馮振超講的原因,小弟是非常同意,首先六四這個問題值得討論,而一位土共首領公開承認鎮壓是錯,確實屬首次,本身便具有重大新聞價值,而另一點亦很重要,還要拿淫照案那幾位受害者的私隱來賣紙嗎?當全世界都知道那幾位受害人是誰時,做新聞人應當有所為有所不為。

為何香港的傳媒問題多多,做狗仔新聞做到過晒火位,新聞編採主管的方針悖離事實等等,皆因讀者有心縱容,不作反省,有這樣的讀者便有這樣的傳媒。

就算要討論陳冠希事件,傳媒只是盯著陳冠希與幾位女星的恩怨情仇,大家只是猜張柏芝是否為復出鋪路,阿嬌復出會否受阻之類,但整個淫照案的責任問題無人討論。所以陳冠希身為Mac User,竟然連刪了檔案後能否Recover都可以話唔知,小弟不得不出手在這裡鬧爆便是這原因。

講到底,香港社會明顯出現系統性毛病,淫照案只不過是病徵之一。

後話:小弟作為逸夫書院校友會常委,應該賣廣告,Shawpy Hour未來會有唔少重量級嘉賓,當有新活動消息小弟會透過這裡公布,此外,本月底中大校友會盃賽馬日,如果有逸夫校友想去,可以透過小弟報名,請留電郵到martinoeireader@gmail.com。

發表留言

Filed under 社會批判, 傳媒