Daily Archives: 二月 11, 2009

近排膠聞多到離譜

差啲忽略呢單,點解香港會有人夠膽做炸彈

天水圍疑自製炸彈爆炸兩傷
(明報)2月11日 星期三 07:55
天水圍 天耀邨一個單位,懷疑有人自製爆炸品時引起爆炸,兩人受傷,其中一名少年手指被炸斷。

警方表示,他們在案發單位發現2個爆炸物,其中一個已爆炸,另一個則已被檢走化驗。

在昨晚約10時,該單位發生爆炸,警方到場後封鎖現場,並疏散附近居民。有居民表示,事發時聽到一聲巨響,少年的父親走出單位,高呼救命,鄰居代為報警。被炸斷手指的17歲少年被送往屯門醫院 接受醫治,現情況危殆。警方到場帶走其父親調查。

我真係好想知,呢單案搞乜鬼,無啦啦樓上有條友做炸彈唔知做乜,都幾嚇死你。

5 則迴響

Filed under 香港政治

請龔永德堂堂正正來個公開辯論

剛收到《香港經濟日報》方面口頭通知,香港稅務學會龔永德傳來投訴信口頭意見,投訴小弟在周二鏟他那篇文。

小弟那些手民之誤,部分把龔永德打成龔永泰,小弟可以道歉。但龔永德自己講了什麼,特別銷售稅問題,講了不認帳的行徑相當憤怒。

香港星島日報:稅務學會倡開徵消費稅
香港明報:稅務學會反對減稅派消費稅
黃世澤:建議銷售稅 專業團體只顧私利

如果龔永德不同意小弟言論,絕對可以堂堂正正與小弟公開辯論,特別就銷售稅問題,我就要他公開回應,交通津貼最後到小市民袋,還是隧道公司袋的問題,小弟樂意奉陪到底。問題在,為何龔永德不是來文章公開辯論,而是利用投訴信,意圖向《香港經濟日報》編輯部施加壓力,筆者相信《香港經濟日報》編輯部仝人,只是這種手段,連2003年公開利用香港政府新聞處新聞公報與小弟開炮互轟的新聞處處長蔡瑩壁都不如。至少當年蔡小姐,願意與筆者辯論。

既然龔永德不愛辯論,不回應小弟的論點,那好了,如果大家對他的謬論和做法不滿,可以去以下KPMG全球網頁,質疑龔生的言論,是否符合KPMG的Corporate Citizenship。

https://www.kpmg.com/Global/ContactUs/Pages/ContactForm.aspx

後話:對付文人,或許投訴信可以拋一下浪頭,但對付小弟這種以筆為劍的武夫,要嘛堂堂正正辯論,我亦不會像黃永般欺負前線人員如此無武德。但如果像龔永德這種用陰濕手段,大家可以想像小弟這種武夫會給什麼反應。

Update:
經《香港經濟日報》方面澄清,龔永德只是來電,沒有來郵,只留下電話和聯絡方法,如果龔永德真的有心與公眾好好討論銷售稅問題,可以公開辯論,但私底下的商量小弟個人沒興趣,小弟亦不會主動致電或致函龔永德和香港稅務學會,誰發表言論激怒公眾,請他自己好好反省。

發表留言

Filed under 香港政治

呢個政府行緊MSDOS

林 瑞 麟 : 經 濟 問 題 與 市 民 有 切 身 關 係 需 先 處 理
2009-02-11 HKT 14:03
對 於 民 主 黨 主 席 何 俊 仁 提 出 動 議 , 譴 責 行 政 長 官 曾 蔭 權 早 前 提 出 押 後 政 制 發 展 諮 詢 。 政 制 及 內 地 事 務 局 局 長 林 瑞 麟 表 示 , 明 白 一 些 政 黨 及 市 民 對 押 後 諮 詢 會 感 到 失 望 。
林 瑞 麟 說 , 雖 然 金 融 海 嘯 在 去 年 第 4 季 已 發 生 , 但 海 嘯 來 勢 之 兇 及 急 , 令 政 府 難 以 預 測 , 經 濟 急 速 惡 化 , 政 府 必 須 平 衡 社 會 的 利 益 , 由 於 經 濟 和 就 業 與 市 民 有 切 身 關 係 , 因 此 政 府 先 處 理 這 問 題 。

他 說 , 當 局 必 定 會 確 保 2012 年 的 選 舉 安 排 有 足 夠 時 間 討 論 及 凝 聚 共 識 。 他 又 強 調 , 曾 蔭 權 有 兌 現 競 選 時 承 諾 , 已 爭 取 了 普 選 時 間 表 。

大部分電腦,包括你依家睇緊我個博客部機,都係Multitasking,多工的,你可以一路睇網頁,之後你個BT Program一路幫你向n咁多個人download嘢,正常政府,都應該係Multitasking。

話先處理經濟問題,至可以處理政制問題嘅政府,係DOS 3.3年代的化石產物,要拎去淘汰。個OS out成咁,更加證明要搞政改,至少要升級做Windows XP先,個政府OS太out更加拼唔到經濟。

6 則迴響

Filed under 香港政治

垃圾部門,垃圾文件

近排膠事數之不盡,特別是政府製造出來的硬膠。先打劑無咁膠,今晚就打劑勁膠的。

有一個政府部門的局長,我認為這個人根本是垃圾,送去堆填區就差唔多,呢位就係政制及內地事務局局長林公公。近日因應高等法院司法覆核判決,急急草擬的《有關在囚人士投票權的諮詢文件》,可謂呢個部門垃圾文件的其中一份「精」品。

1. 首先,一如其他政府硬膠諮詢文件,果些同外國政府的比較,全部無引用Source,真偽難辨,大學生Term Paper都比佢嚴謹。

2. 邏輯錯亂:我想問乜嘢叫「⋯不應准許嚴重危害法治的重犯參與選出立法人員,以維持立法機關持正不阿。」?(文件2.12節,第10頁),然後整兩個純粹以量刑計算的方案出來(方案二:2.13-2.15,方案三:2.16-2.20」),公民權利就係公民權利,原來犯咗罪就可以無咗最重要的政治權利,呢啲乜道理嚟?共產黨?

3. 根據文件2.07節,德國法院可以基於叛國、選舉詐騙及恐嚇選民,判喪失投票資格。而《立法會條例》53(5)(c)條,禁止干犯與選舉或賄賂有關罪行人士,定罪後三年內喪失投票資格,未被法院裁定違憲,而且53(5)(c)描述罪行,都是危害他人公民權利的罪行,保留53(5)(c)條限制就夠晒,唔駛咁多廢話,呢個係合符歐盟主流要求(唔計比利時)。

4. 唔應講講咗,但應講就唔講,如果有人入獄,果條友同時係功能組別選民,果個人的專業資格因判罪被剝奪,咁條友有無權在獄中,就佢之前個專業界別投票呢?呢個問題極度重要,因為小圈子選舉一票可以決定勝負,但以林瑞麟的垃圾程度,當中提都唔提。

5. 反而真係要驚係囚犯會否在獄中被脅迫投票,以及投票點樣監督的問題。依家西方國家的安排,都係防君子,但香港政府咁的質素,在囚人士投票隨時出現被脅迫投票等一堆人身安全問題。所以候選人親身探望我認為係必要,反而應該賦予點票監察人以及選管會官員,在選舉期間享有類似太平紳士的突擊出入監倉權力,以及接受與選舉有關申訴。當然呢項權力唔可以被濫用來拉票之類。

6. 但涉及好多好仔細行政安排,又涉及公民權利同執行法院判令,但呢廿四頁紙文件兒戲程度,係大學論文都不如,我心諗香港市民用咁多錢請林瑞麟嚟做乜?混吉?

我唔建議大家拎hard copy嚟睇,環保啲(最環保係送林瑞麟去堆填區,免得佢浪費地球資源)。但如果你想睇呢份垃圾文件,呢度有soft copy。
有關在囚人士投票權的諮詢文件

後話:政制及內地事務局班廢人,唔該唔好當Hindi就係印度語,印度有好多個語文
印地語的新聞公報
依家政府話係Hindi,Hindi係印地語,印度其中一種官方語文,而部分印巴裔人士除咗英文,係講淡米爾語(Tamil Language),新加坡代表印度裔人的官方語言就係淡米爾。如果政府係有心出新聞公報俾印巴裔人士,唔該除咗照顧巴基斯坦+印度中北部的印地語,亦請出埋照顧南部和南洋印度裔人用開的淡米爾語。俾識中文的印度人睇到,實笑壞人個口。

2 則迴響

Filed under 香港政治

六四臨近,五毛肆虐

中共那些沾滿了六四鮮血的傢伙,一定對六四廿週年臨近寢食不安,因此,小弟發現多了很多五毛黨四處肆虐,跡象包括:

1. Brian Indiana Chung在湯家驊facebook的滋擾行動。
2. 有五毛黨恢復透過美國open proxy進入小弟網站,留下膠言
3. 有一個叫HK Plasitician的網站恢復活動,針對小弟和林忌

中國共產黨這幫福佳,大概不知道的是,他們做這麼多小動作,不得人心就是不得人心。小弟可以明言,五毛黨這裡不會有任何私隱保障,不會與這些爛人客氣,他們好自為之好。

1 則迴響

Filed under 中國政治