Daily Archives: 二月 1, 2009

年初一駐馬店恐怖襲擊事件

m

中國網友照片轉載

因醫療事故投訴不果,結果在大年初一凌晨引爆爆炸品,將醫院入口的窗戶炸得乾乾淨淨(大家留意照片),豬兄提及加拿大《星島日報》報導的事,正是這宗恐怖襲擊事件。

加拿大星島日報:傳河南醫院被炸 死傷近半百

這次恐襲事件斷不是第一宗,而且是極為明確的信號,中國可能有人對政府進行武裝報復,最後導致難以預測結果。

劉皇發枝籤,似乎未求已經開始靈。

發表留言

Filed under 中國政治

所謂貞潔運動引發公共衛生危機?

Washington Post: Premarital Abstinence Pledges Ineffective, Study Finds

今日香港《時代論壇》引用的研究,查實早在去年十二月發表,只不過當時香港人人放聖誕假,無人理咁解。

在美國,參加了那些原教旨主義分子貞潔運動的人,搞婚前性行為的,與沒有參加運動的人相若,但參加貞潔運動的人,卻比沒參加的,更不使用安全套之類的措施。

由公共衛生的角度,所謂貞潔運動,甚至X光社那些主張,根本阻礙正常性教育,例如使用安全套、安全性行為之類的教育,偏偏使用安全套等安全行為,是在防治愛滋等性病的第一線。我想問那些不懂教仔的家長,他們想仔女在年青時被「荼毒」,還是長大後仍然對性事一無所知,最後因不安全性行為枉送性命?

像何漢權、蔡志森一類膠人,不單危害香港言論自由,而且亦危害香港公共衛生,他們的主張,與支持在市區散養家禽沒有分別。

3 則迴響

Filed under 香港政治, 健康

各位小心保重

專 家 指 染 病 家 禽 若 來 自 廣 東   風 險 已 到 本 港 「 門 口 」
2009-02-01 HKT 17:45
當 局 正 跟 進 , 大 嶼 山 沙 螺 灣 日 前 發 現 懷 疑 感 染 禽 流 感 的 家 禽 屍 體 , 是 否 來 自 珠 江 口 岸 , 由 海 面 沖 上 岸 。
港 大 感 染 及 傳 染 病 中 心 總 監 何 柏 良 表 示 , 如 果 家 禽 屍 體 來 自 珠 江 口 岸 , 反 映 廣 東 省 可 能 已 有 禽 流 感 個 案 , 禽 流 感 風 險 已 到 香 港 的 「 大 門 口 」 , 未 來 2 至 3 個 月 本 港 可 能 繼 續 出 現 禽 鳥 禽 流 感 個 案 。

我之前都講過,中國有乜防疫風險好難估。所以,各位最好小心防治禽流感,買定維他命C,口罩、消毒火酒等都差唔多。

各位,小心保重,呢輪的感冒菌極惡。

1 則迴響

Filed under 健康

何漢權,你發夠膠音未?

今日《蘋果日報》報導十二歲男童自貼性器事件時,教育評議會的何漢權繼續大發膠音:

「 教 育 評 議 會 副 主 席 何 漢 權 表 示 , 事 件 反 映 青 少 年 以 為 網 上 色 情 資 訊 「 冇 王 管 」 , 可 以 為 所 欲 為 , 「 12 歲 即 係 讀 中 一 , 應 該 懂 得 分 辨 自 己 行 為 有 冇 犯 法 , 尤 其 經 過 上 年 陳 冠 希 淫 照 事 件 , 學 生 冇 理 由 唔 知 條 界 線 邊 度 。 」 他 促 請 政 府 加 快 《 淫 褻 及 不 雅 物 品 管 制 條 例 》 的 修 訂 工 作 , 加 強 監 管 網 上 資 訊 。 何 漢 權 建 議 校 方 要 將 事 件 通 知 家 長 , 聯 同 社 工 及 師 一 同 輔 導 該 學 生」

又話無王管,又話陳冠希事件後,無理由唔知條界線在邊度,咁點解佢又要政府加快《淫褻及不雅物品管制條例》修訂工作,加強監管網上資訊,呢挺咪係土共抽水,將風馬牛不相及嘅事件扯埋一齊亂講嘅典型例子。係咪何生真係要政府搞回教刑事法,如果睇淫照就全部送去浸豬籠至安樂?不如咁,以後拉埋放淫照睇淫照的教師、家長,全部告晒佢地疏忽照顧,一律亂石擲死好唔好?

仲有,何漢權同X光社班恐怖分子一樣,係法盲嚟,果位男童,同下載圖片的花生友,全部犯晒《防止兒童色情物品條例》,罰得好重的。乜依家果條例唔夠重咩,無啦啦扯埋《淫褻及不雅物品管制條例》做乜。上次宗教極端分子亂抽水,已經被我在呢度打到抽筋,係咪想我在香港報紙當眾鬧爆何漢權係法盲至安樂。

抽水行遠啲,否則小心抽水鏹水或三聚氰胺毒奶。

發表留言

Filed under 香港政治