Daily Archives: 十二月 13, 2008

BNO持有人可以正式申請Tier 5-Youth Mobility Scheme

http://www.visa4uk.fco.gov.uk/ApplyNow.aspx

經Britishhongkong forum會員World Traveller Plus與英國政府不斷周旋,香港BN(O)持有人,可以透過上述網址申請Tier 5-Youth Mobility Scheme在英國工作兩年,但要未滿三十歲、持有BN(O)以及有幾萬蚊港紙在銀行戶口。

你未更新你BN(O),請更新你的BN(O),如果你未曾持有過BN(O),只係持特區護照,Sorry,呢個計劃唔啱你。

13 則迴響

Filed under 英國與歐洲

誰來紀念南京大屠殺死者?

今天是南京大屠殺周年紀念,這場慘無人道的大屠殺,是二次大戰期間,除了德國的「最終解決」,最無人性的一場大屠殺。

不過,相比起猶太人和德國人對歷史的態度,日本人和中國人一樣令人失望透頂。

中國只是在南京響起防空警報是沒有用,德國人和猶太人,除了保留納粹當年的集中營警醒世人,當年有份殺人的納粹德國、烏克蘭、奧地利等國軍官,以色列和德國至今仍然通緝,那些有份參與納粹集中營屠殺的人渣。為何中華民國和中華人民共和國,沒有組織追查中心,將當年在南京有份屠殺的傢伙全部拿去審判。

歐洲人的態度是明確而清楚,納粹、法西斯之類的罪行,是追到天腳底都要追究到底,不論在那一個國家幹下的。看以下德國之聲報導,今天德國仍然調查和追緝有份在納粹集中營殺人的犯人:

http://www.dw-world.de/dw/article/0,,3837946,00.html

如果有人有能力,創設在東亞歷史幾宗令人髮指大屠殺的調查中心,追查刑事犯到底,才算得上正義:

1. 南京大屠殺日本戰犯
2. 二二八台灣大屠殺中華民國殺人犯
3. 文化大革命大屠殺中華人民共和國殺人犯
4. 北京大屠殺中華人民共和國殺人犯

請憤青們不要用諸多理由,為任何殺人罪行文過飾非。殺了人便殺了人,南京大屠殺,就算遲了都要追究到底,還要爭取日本立法,任何人否認南京大屠殺都屬刑事罪行(在歐盟國家,否則猶太大屠殺是要坐監)。同樣,日後,否認二二八、文革和北京大屠殺,都應該要當成罪犯。

3 則迴響

Filed under 英國與歐洲, 香港政治

旺角恐襲

恐怖襲擊總在沒有意料到的時間發生,今天旺角近星際城市,有兩樽腐蝕性液體從天而降,導致四十六人受傷。

一般的癲佬,係做唔出呢種行為,一般級別的癲佬至少唔會在最旺的地區,作出這樣的襲擊。而且這樣襲擊要脫逃非常容易,因為咁多人受傷,現場一定有大量圍觀者,到時行凶者要走甩就神不知鬼不覺。至少警方要睇晒各大廈的閉路電視錄影帶,至知道可能疑凶。

呢次好彩腐蝕性液體唔夠多,但明顯係一個訊號,呢鋪兩樽鏹水都可以玩到咁,下鋪無人知想玩乜。而且話俾恐怖分子聽,香港玩嘢好容易。如果警察呢幾日交唔到功課,或者亂交功課亂拉人,呢類公然挑戰治安的膠事只會陸續有來。

2 則迴響

Filed under 香港政治

征服壞男人

倪震懷疑偷食偷出膠事件,好多網友不解係,點解倪震偷食紀錄多成咁(未至於厚到電話簿),周慧敏仲要忍佢?

查實在日常生活中,都會遇到同類問題,有些男人,大家都知呢條友花心、無本心、唔負責任,但仲有一些乖乖女甘心跟住佢,甚至將自己嘅尊嚴放到好低。我廿幾歲時都唔理解,等我依家三十歲,開始明多一啲。

1. 無可否認,壞男人比起毒男,佢地遠遠了解女性心理,女仔同壞男人相處果刻好開心,感情用事之下,就好多離譜事情都容忍得到。例如有些女人,明知自己做咗人地二奶,都自己呃自己。

2. 女人都係好勝,有啲女人係以自己能夠征服麻煩男人而自豪,某些女人,係以為可以令個別壞男人改邪歸正。當然,江山易改,本性難移,梗係好難做到。

當然,女人一生幸福唔可以投放喺壞男人身上,否則好易後悔。如果你身邊的男人係爛滾慣,成日有ONS紀錄,我對女人的忠告係,及早撇帳好,呢啲男人同雷曼迷債差唔多。

發表留言

Filed under 男女問題

中大的官僚專政問題

做過學生、做過教職員、做緊校友組織常委,經常捲入中大事務的爭拗。我發現中大最大的問題,是官僚專政,最後將學校管得一塌糊塗,不知所謂。

1. 好像大學圖書館又在中大本部擴建,完全漠視中大校巴交通萬佛朝中這是荒謬問題,很明顯純粹是方便校方官僚管理,以及鞏固中大中央化傾向。但中大校巴問題解決關鍵係分流,如果逸夫有圖書館,不單令逸夫校巴班次增加合理,而且減少書院流入本部的交通量。

2. 中大的車位問題,正如馬金順所講當然係大問題,有不少研究院校友要求小弟反映。中大當然要考慮興建一個多層停車場,但現時這個方案,我認為最後結果只是中大行政樓果班友多咗車位,而研究院中人的車位問題仍然得不到解決。

3. 查實中大應該實施分科圖書館制,例如聯合書院圖書館變成政政系和社工系的總館,新聞系的書集中在新亞,這樣可以減少來自圖書館的交通,但不方便官僚嘛,結果中大的圖書館分佈,不少研究生給我的回應係「膠到無朋友」。

4. 新擴建的圖書館,查實大部分用來做電腦室和討論室,這些電腦室和討論室近宿舍,而且不應建在圖書館。相反,在宿舍增加電腦室和討論室更加減少交通,同埋符合用家需要。

發表留言

Filed under 中文大學

座談會搞成咁,無眼睇

雖然小弟近日訓得勁少,公務繁忙(搞到遲到不好意思),但仍然出席校友評議會常務委員會搞的校友座談會(雖然我係唔同意)。

不過,我作為常委,我係唔滿意個座談會:

1. 點解其中一位主持人係張志剛,我完全唔知張志剛來做主持喎,大家都知張志剛的名有幾「香」。如果我事前知道有人請張志剛做主持,我係一定反對。

2. 張志剛計時簡直可以用自由心證來形容,日本校友會代表狂插校方,原本可以講八分鐘,但張志剛五分鐘就叫人收聲,如果唔係莊耀洸計住,仲唔俾張志剛條友脫逃。

3. 我在談及劉校長的傲慢態度時,張志剛多次意圖制止小弟的發言,我上周校友日正是想約劉校長談烽火台,但劉校長的態度正是校友不信任的關鍵,點解唔俾小弟講。但葉國洪的擦鞋言論,如果唔係我抗議又俾佢講,張志剛的雙重標準果然好一貫。

4. 中大校方照樣搵程伯中副校長做醜人,劉遵義繼續拒絕面見群眾。劉校長始終不道歉,不面對群眾,咁嘅座談會我幾大意義我係始終有保留。

5. 有部分校友認為稱呼劉遵義做膠樽義係人身攻擊,吓,咁都叫人身攻擊,法國人連薩爾科齊都玩喇,我被人改粗口花名添,So What?

不過小弟認為講得比較好的海外校友,係前中大保安組主管,亦係前港英政府政治部警員馬金順(《政治部回憶錄》的作者),依家確係時勢不同,我再講一次,劉遵義再唔改進,請佢自己回收自己。

仲有一件事,由於崇基門的不快回憶,我係不信任校方。日後烽火台毀了,多多法律行動都無用。正如劉錫明被人叫咗毒瘤明十幾年,就算今日倪震肯道歉,有些事過了去,是不能挽回。

1 則迴響

Filed under 中文大學