Daily Archives: 十二月 5, 2008

咁樣太膠喇……


邱誠武被指拒處理綠的罷駛
(明報)12月5日 星期五 20:40

泛民議員譴責政府處理新界的士圍堵機場事件失職,立法會 議員梁耀忠點名批評運輸及房屋局 副局長邱誠武。

梁耀忠表示,他在周三傍晚致電邱誠武,要求對方處理,對方說會處理。他表示,在晚上7時,再致電邱誠武,要求他致電司機,協商解決事件,他反問梁耀忠是否想要脅他一定要找司機。他質疑為何要找司機協商。梁耀忠其後想再致電他,但已不能再聯絡到他。

邱誠武未就事件作出回應,運輸及房屋局就表示,當日運輸署 一直與司機溝通,警方亦有斡旋,當局又指事件的觸發點,是的士司機不滿機場發放的士新收費資料,事後已經停發。

十多名泛民議員要求政務司 長唐英年 到立法會內會解釋,並要求邱誠武要負責,並作出道歉。

小弟評這篇新聞真的有點為難,不過這次不得不承認,這件事太膠了。

邱誠武作為政治問責的官員,如果鄭汝樺不肯去與司機商討,責任便在他身上。如果邱誠武在現場肯作出一些承諾,什麼都好,就已經有可能化解一場罷駛危機。若然是這樣引發膠核爆,真的很難同情下去。

政治問責官員,本質就是政客,唔想見都要見,冒著被人打的危險都要見。本來以為其他副局長是第一個「被問責」的政治官員,但這次搞到隻鑊咁大,Sorry,邱誠武會係一位稱職的報章老總,但副局長呢份工唔係咁啱佢。

(換一個角度:如果呢件事在中大發生,作為學生會或學生報中人,會係點諗、點插人,查實都係呢件事有幾膠。)

4 則迴響

Filed under 香港政治

梁振英小心摸中食人䱽

近日特區政府膠事連場,膠事膠人多,最啱就係抽水,特別依家係一淌混水,在混水中摸魚,摸中泥鯭就有泥鯭粥食,摸中石斑就有石斑食,近日通脹加金融海嘯,呢啲免費魚唔食真係罪大惡極。

梁振英作為抽水界資深從業員,見到鄭耀棠一眾膠人抽得咁過癮,人抽佢又抽,上到香港電台,就忽然失憶,唔記得咗佢自己係痕政會議的召集人。先話撤僑撤出膠係膠,再話燒肺券唔可行。

不過呢,梁振英先生,近排有單膠政,好似同佢有關,就係紅的同綠的加費不同步呢單膠事,好似係痕政長官會同痕政會議同意的。唔怪得佢選擇性唔記得佢痕政會議嘅身份,講到呢單膠事,分分鐘唔係摸中泥鯭,而係摸中食人䱽。

大家都知食人䱽牙力勁到乜程度,不過混水中摸魚,摸中食人䱽好難避免,我奉勸梁振英唔好咁睇唔開,抽少陣水唔會死嘅。

發表留言

Filed under 香港政治