我未住過加拿大，唔熟加拿大國情，小弟亂講唔好見怪。不過，自由黨同新民主黨竟然考慮同魁北克人黨結盟，我完全O晒嘴。
我完全唔知自由黨用的是什麼戰略同兵法，與新民主黨結盟還算了，最膠是怎可能爭取魁人黨聯盟，魁人黨的目的，由頭到尾只得一個，就是將魁北克建立成一個法語國家，甚至回歸法國。魁人黨可不是馬來西亞的回教黨，回教黨最終目標都是建立回教國，但回教黨不是種族黨，回教黨也有華裔黨員，宗教黨是不會分裂國家。但魁人黨與台灣民進黨卻是同類政黨來的，難道自由黨中人以為自己是戴高樂將軍，可以游說國民讓阿爾及利亞獨立而不會被指為賣國賊？
我相信很多加拿大人未想國家一分為二，亦相信大家未必想接受自由黨和新民主黨那些膠味濃郁的左傾主張，若我是哈珀，既然對方出這樣無戰略合理性的一手，就會請求總督解散國會賭一鋪，就讓加拿大公民公投加拿大的前途。我就不相信，哈珀在這一仗會輸。
要清理政局不穩定，就要敢賭一手，天祐加拿大。
泰國撤僑事件，結果變成特膠政府近月來最硬膠的一仗（仲要呢次係算到特膠政府會膠爆），李少光最後要向公眾道歉，並聲稱為承擔責任。
作為政治問責官員，佢應該點承擔責任。佢無做好佢份工，唯一的做法就係辭去保安局局長一職。
唔好講第二樣嘢，有人涉嫌在旺角警署強姦和非禮一事，在英國，警務處長同等同保安局局長的內政大臣已經要落台問責。更何況保安局呢鋪係連衰兩鑊，警察有問題、入境處都有問題，咁係李少光自己有問題，唔辭職都唔得。
問責唔代表下下要人頭落地，但呢鋪如果唔斬個頭落嚟，好難平民憤。
我在今日《信報》專欄中，指出英國的Obscene Publications Act（可以譯做淫褻出版品法）相關的判例，在香港有可能搞出膠出來，因為香港《淫褻及不雅物品管制條例》關鍵部分，係Obscene Publications Act。
咁英國最近有邊單case，對香港構成潛在威脅。
Man charged over Girls Aloud ‘porn murder blog’
香港好多討論區，都有不少類似咸古（高登叫甜古），好多時女明星慘成性幻想對象，擺明係公開性騷擾。如果英國的案例判Darryn Walker發布淫褻物品，最直接而顯著的後果，就是淫審處可以根據英國案例，禁止在網上亂貼咸古的行為。
所以如果英國法例唔修訂，香港都不修訂，結果就係英國和香港的淫審case相互影響，最後玩到膠晒。
不過，我為朋友著想，我呼籲一點，我唔會反對有人在網上貼咸古，咸古都係一種文學，不過呢，唔好公開搵明星或女主播做性幻想對象。英國政府作出檢控行動，都唔係完全無理由。發表文學作品同當眾性騷擾，係兩回事。當然，我認為用針對性騷擾的法律，對付這類行為，好過含混不清的淫審條例。
註：持有BNO人，唔好諗住在英國IP發表咸古會無事，因為BNO在英國係無領事保護，話知你持特區護照。如果有香港人用英國IP，發表咸古隨時就中招，到時中、英、港點處理呢類個案？我都想知。
以下係《信報》報導：
「滯留泰國的本港旅客，連日來怨聲載道，不少向政黨求助。向社民連求助的黃太，原定上月27日回港，因泰國局勢在當地滯留了四天，於昨天凌晨回港。她表示，自己是散客，在當地向泰航、國泰或港龍等航空公司求助無門，致電入境處1868熱線又被人當人球亂拋，滯留時間愈長，她感到精神壓力愈大，但慶幸港人能團結自救，互通資訊。」
根據《信報》張相，協助黃太係長毛。
長毛做保安局局長絕對夠料：
1. 呢件事證明咗長毛有能力應付保護香港人安危的重大挑戰
2. 長毛好熟警察的執法方式，以及工作實況
3. 長毛做咗保安局局長後，就少了個示威主將
4. 李少光無做好份工，保安局副局長同局長助理全部都未訓醒
我好認真，希望中央人民政府委任長毛做保安局局長。
「鄭 耀 棠 ： 梁 展 文 事 件 令 高 官 添 壓 力 處 理 緊 急 事 故 怕 被 追 究
2008-12-02 HKT 10:51
兩 名 行 政 會 成 員 張 炳 良 及 鄭 耀 棠 認 為 ， 政 府 在 處 理 滯 泰 港 人 事 件 上 ， 應 著 緊 些 及 果 斷 作 出 決 定 。
張 炳 良 表 示 ， 政 府 要 關 注 滯 留 港 人 的 安 危 ， 處 理 時 應該 著 緊 些 ， 又 說 ， 政 府 亦 要 衡 量 ， 是 否 用 公 帑 包 機 ， 與 及 視 乎 泰 國 是 否 有 空 間 接 納不 同 地 方 的 專 機 接 載 。
另 外 ， 鄭 耀 棠 指 包 機 事 件 ， 政 府 應 以 高 層 次 處 理 ， 行 動 可 以 快 些 及 果 斷 決 定 ， 因 為 涉 及 人 身 安 全 。
他 認 為 ， 當 局 的 做 法 ， 是 由 梁 展 文 事 件 引 發 ， 反 映 高 官 壓 力 大 ， 特 別 在 處 理 緊 急 事 故 問 題 上 ， 擔 心 日 後 會 被 追 究 」
以往大家都以為，土共好痛恨港英政府留低嘅公務員，不過大家查實誤會咗，大家睇鄭耀棠，佢幾愛護啲公務員至得，不單驚佢地工作壓力太大，仲要保護埋佢地啲delay interest，你話土共係唔係好擁護香港嘅公務員體系至得。
不過呢，曾爵士都話，佢要做好呢份工，高官份工其中一部分，就係面對壓力，連壓力都面對都到，做唔好份工，為免連累曾爵士，不如死咗去吧喇。唔知土共要善待公務員，定要聽當勞枝笛呢？
