Daily Archives: 十二月 1, 2008

譚偉豪的神秘名單

譚偉豪對成報報導的回應

先讚一讚譚偉豪,他做了三個月立法會議員,終於知道要在公眾有疑惑時,回應公眾的提問,有進步是一件好事。

不過,譚偉豪的回應,卻令小弟有新的疑慮,到底香港記者的聽力這麼差,差得把譚生的原意不幸弄錯,還是譚生一時把電訊管理局的名單,與他常用的「譚偉豪的名單」搞混了。

譚博士係咪選Spammer界議員

咦,乜譚偉豪有份拒收名冊架,係咪份名單停留喺火星度,我估譚生講漏咗口,查實佢唔係講OFTA有拒收電郵名冊,但佢有份佢收佢自己啲Spam Mail嘅名冊,只不過佢口才唔係咁好,記者未明白得晒咁解,不如譚生話俾我地聽,如果我地IT界選民唔想收到佢嘅電郵,我地可以點做?

呢度係佢嘅電郵,大家應該認真問吓佢,佢肯整份拒收名冊都功德無量架。samsontamwaiho@gmail.com

發表留言

Filed under 香港政治, 追殺膠人譚偉豪, 批判譚偉豪系列

廣州的士大罷駛

如果你人在中國廣州,而你今日好難截的士,呢個係正常現象,因為今日廣州的士罷駛。

在11月23日,白雲區成棚的士佬包圍政府,以及同差佬衝突之後,廣州市內已經傳12月1日會有的士大罷工,只不過中共奉行硬膠政策,以為威脅的士佬可以阻止罷駛,結果搞出中共建政以來史上最膠的罷駛事件,有幾千架的士參加。

在11月,中國多個縣市已經爆發同的士有關嘅騷亂同罷駛,依家經濟咁嘅形勢,如果班地方官繼續硬膠,大家可以估到最後局勢可以膠到乜程度。因為好明顯已經出現由質變演變的量變,由以前嘅維權衝突,演變成今日不受維權人士控制,群眾自己搞出嚟嘅大型行動,呢挺行動會滾雪球咁出現,依家舊雪球越滾越大。

泰國係好危險,不過中國唔好得好多。我奉勸部分有外國護照,有權申請中國簽證人士,有得唔去中國就唔去,如果真係要去,近日以簽證進入中國,一旦中國出乜膠事,唔通你諗住特區政府嚟救你?咪玩喇。

2 則迴響

Filed under 中國政治

保安局衰在那裡

保安局拒絕派出包機往芭堤雅接載滯留香港居民,結果被人鬧到抽筋,政府現在才如夢初醒,走去向泰國政府爭取包機。

政府很多事都可以假手於私人機構,但有些事絕對不可以假手於人,其中一件事是保護海外僑民,保護人民這件事,一定要由政府出手,否則人民納稅給政府幹啥?而只有私人機構去撤走香港居民有以下問題:

1. 國泰、港龍的客機一定優先照顧自己的顧客,這些人很多不是香港人,甚至英美等國的國民。
2. 航空公司為保大客,一定先照顧旅行團的客,自由行的客你死你事。

我並不想抽特區護照的水,但實情就是,中國至低限度都有派出專機接走中國護照持有人,香港都做不到,究竟發生了什麼事?(當然中國護照持有人,不少是官來的,待慢不得,熟悉中國國情的人知什麼事)。

保安局唔記得做好自己份工,咁搞成咁又有乜奇?不用浪費百多萬播心繫家國這套廢片,用這筆錢來安排專機接走在泰國的香港居民,很夠。

延伸閱讀:
繆美詩:雷霆救兵

13 則迴響

Filed under 香港政治