Daily Archives: 六月 5, 2008

堰塞湖背後的內幕交易?

據第一財經日報6月5日報導,唐家山堰塞湖威脅中國石油西南油氣田公司的一條輸氣管路和幾個採油作業區。所影響的輸氣管路路經江油市,日輸量為20萬立方米,管路穿越了洩洪區域。據了解,中國石油西南油氣田公司的天然氣年產量佔全國總產氣量的23%,佔中石油集團公司國內總產氣量的32%

另外,位於涪江沿岸的西南油氣田公司川中油氣礦機關和射洪、遂寧、潼南等採油氣作業區也面臨洪水威脅。

中國石油天然氣公司,上海上市代號601857.SH,香港上市代碼0857.HK。

如果你係投資者,你會諗到係:

1. 中國全國天然氣少咗咁多供應,會導致國際天然氣價上升,買期貨。

2. 沽中國石油集團,或其他在當地有油氣田公司的股票,或炒相關的窩輪。

當然,如果要研究點操作,可以請教你的投資顧問。但有一件事,我個人認為好離譜,就係中國政府到依家,都無交代各個有問題堰塞湖具體位置,以及實際情況,我估得中國政府同石油公司的人知,咁樣係唔係好容易有人得到內幕消息,乘機發國難財?

千祈唔好低估呢個可能性,事實上,由唐家山話要派人挖掘到依家,成九成三機會崩潰,到底中國政府邊刻講緊真話?除咗綿陽市民,我認為好多投資者都好想中國政府老實交代清楚。

發表留言

Filed under 財經, 中國政治

綿陽撤退戰

唐 家 山 堰 塞 湖 大 壩 崩 塌 機 會 增   下 游 萬 人 已 疏 散
2008-06-05 HKT 14:35
四 川 青 川 縣 中 午 發 生 黎 克 特 制 5 級 餘 震 。
受 到 餘 震 及 上 游 降 雨 量 影 響 , 唐 家 山 堰 塞 湖 大 壩 又 出 現 滲 漏 , 大 壩 崩 塌 的 可 能 性 增 加 , 而 湖 的 水 位 繼 續 上 漲 , 按 照 現 時 的 上 升 速 度 , 預 計 泄 洪 時 間 應 該 在 兩 三 天 之 內 。

位 於 唐 家 山 堰 塞 湖 下 游 的 江 油 市 九 嶺 鎮 , 泄 洪 區 內 一 萬 多 人 帶 同 牲 畜 , 已 經 撤 離 。 解 放 軍 下 午 在 鎮 內 , 進 行 抗 洪 搶 險 演 習 , 傍 晚 實 行 交 通 管 制 。

九 嶺 鎮 是 一 條 主 要 輸 油 管 經 過 的 地 方 , 也 是 綿 陽 市 最 後 一 道 防 線 。

中國成班膠官,在唐家山堰塞湖問題上心存僥倖,以為求其搵幾條茂利掘個坑可以過骨,結果依家呢劑連鎖反應,有無得解決,連我都唔知。

因為唐家山堰塞湖絕對唔係第一個爆煲的堰塞湖,四川六月就踏入雨季(你試吓問個四川人,佢地心水清過你),青川又一個堰塞湖要爆煲,仲未計紫坪鋪呢個計時炸彈,我想問邊有咁多地方安置咁多災民,你同我講笑?

除咗災民,好多解放軍的佈防點算,血肉長城不可能抵擋堰塞湖成百米高,成兩億立方米的水,一堆膠到無朋友的問題擺在眼前,問你點死。

所以唔好話美國荷里活災難片誇張,災難片至少做到一樣嘢,就係普羅民眾對災難係乜有概念,唔會信晒政府老點。

發表留言

Filed under 中國政治