Daily Archives: 五月 30, 2008

膠文示眾

Author : CNN (IP: 219.77.4.224 , n219077004224.netvigator.com)
E-mail : cnnabc@gmail.com
Comment:
其實我唔係想講娛樂新聞台的問題,因為話明娛樂,都冇謂留意佢講咩,睇原文好過,而是想講Sharon Stone的意思,是否她認為「因果」,就是認為原來對別人差就是因,才有這個果呢?但是四川人民是不是真的對人差呢?我不知,但對人差是誰呢?是政府?還是人民呢?

====
咁快有人唔知死,唔知呢度強硬的斬首示眾作風。

討論莎朗史東果篇文,重點唔係莎朗史東的話,而係娛樂新聞台違反專業操守,點可以話因為娛樂新聞,就可以老作老屈,呢啲係乜邏輯嚟,原來娛樂記者可以有特權豁免新聞專業守則。

土共針對Karma嚟打,因為特別容易用嚟煽動不求甚解的中國膠,盲中中就做咗佢地嘅棋都唔知,你估我算唔到呢點?所以我對付呢啲假裝友善的膠人好簡單,堅持off topic就斬首示眾,講多都費時。

所以條友急急退兵,因為知道我唔中計。下鋪土共膠人,好心唔好用CNN作匿名,你自已鬧CNN就得,點解香港CEN亂嚟都唔出聲,一句講晒,土共嘅雙重標準,我做乜都得,人地乜唔得,佢講晒,真係鍾意屈機屈到離晒譜。

廣告

2 則迴響

Filed under 傳媒

完全缺乏專業操守的傳媒

近排因異常繁忙,本來無時間寫雙語博客。不過,我睇完以上的片,特別我作為一個記協會員,我對香港傳媒感到好火滾。

台灣nownews:莎朗史東「報應說」惹禍 都因翻譯失真?
在較早前,前身係東森新聞報的NOWNEWS,己經出了一篇報導,不點名指香港有線電視在字幕翻譯上失真,才引起軒然大波。

林忌:香港傳媒的英文水平
不過,睇番林忌所做的transcript,才驚覺這次有線電視的過份程度,遠超我的想像。這種蓄意對受訪內容作取章取義的行為,除了莎朗史東可以要求有線電視賠償,而且明顯違反新聞專業。

娛樂新聞台的採主的政治立場,我不理會,但在執行新聞工作時,都必須以事實為基礎,而受訪者的每一句說話,都不可以刻意譯錯或譯漏,否則這叫專業失德,這種失德遠比莎朗史東用了受爭議的Karma問題嚴重一萬倍。是不是這伙娛樂記者,在香港砌慣人生豬肉,就以為莎朗史東都可以照砌可也?

而且有一點,那些中國膠更不明白的是,莎朗史東的說話既沒有支持藏獨的成份(批評中國對藏人不好,對叫支持藏獨,呢啲乜黐線邏輯嚟?),而且更有勸藏人對漢人的所作所為以德報怨,希望化解業障輪迴,這是替漢人講說話,結果就變成冷血。在Youtube斷章取義果位憤青,我就想知他還有沒有良心?

我認為記協應該就這次事件,發表一下立場,實在不能再縱容這種胡作非為的編採人員。

後話:這次要讚一下袁彌明,她沒有跟其他演藝人人云亦云,明知得罪娛記仍表示自已立場。香港演藝人近年最大的問題是,太多人為了所謂中國市場患了軟骨病兼選擇性失明!
====
延伸閱讀
林忌:香港傳媒的英文水平
袁彌明:Translation Contest

10 則迴響

Filed under 傳媒

Macbook吃電元凶:硬碟機

我自已部Macbook用了差不多兩年,由於Toshiba的硬碟一開始慢下來,就代表瓜柴日子即將來臨,因此,我趁依家notebook HDD平到跳樓的時間,用370換咗個Fujitsu的SATA 120GB HDD。

唔用由自可,在以下Config底下:

Macbook 1.83GHz Duo Core
1GB DDR667 RAM
使用Huawei E272 HSPA Modem上網
Mac OS X 10.5.2

原廠東芝60GB SATA硬碟(5V 1A):1小時10分鐘
Fujitsu 120GB SATA硬碟(5V 600mA):2小時15分鐘
我唔知東芝果隻硬碟有乜問題,但食電成咁就未免太過份。HSPA Modem一向係食電怪,咁都捱到2個鐘,證明之前東芝隻硬碟仲食電得犀利,可惜唔快得去邊。

如果你想你部Macbook襟玩啲,不妨換鬼咗個原廠硬碟佢。

====
俾經HKPlace上嚟的膠人

去呢度睇清楚張相,唔好求其信些茂利亂咁老屈。
https://martinoei.wordpress.com/2008/05/31/膠人?香港大把!/

3 則迴響

Filed under 用Mac