Daily Archives: 五月 11, 2008

自已搵嚟膠

http://blog.roodo.com/axl520/archives/5994565.html

乜嘢叫自已攞嚟衰,呢次中國糞青在日本就撞到大鐵板。

上述博客是描述一次中國糞青在日本攞嚟衰嘅情節,話說有一團台灣團,住喺北海道一間酒店,酒店有掛中華民國國旗,有糞青居然要求日本酒店方面,拎走中華民國旗,台灣領隊就回敬佢地:「國旗同我全部插好,睇吓邊個敢拎支旗落嚟。」結果糞青當然落荒而逃。

但更膠的情節在後頭,在台灣團退房果陣,酒店上上下下揮舞中華民國旗歡送,酒店方面更指定中國留學生揮舞最大支嘅中華民國旗,呢鋪中國糞青真係膠到無朋友。

呢啲正係典型自已搵嚟膠,中華民國係一個主權獨立嘅國家,係主觀意志改變唔到嘅事實。成日周圍無禮貌要人除國旗,結果日本人就咁樣教訓呢班糞青。

如果中國糞青敢在今年六四、七一搞屎,我呼籲大家拎港英旗出嚟行街。我順便提醒一下糞青,根據《國旗國徽法》,將國旗作為攻擊性武器,除了干犯GBH、Battery或普通襲擊之類的普通法罪行,更可能觸犯國旗法,到時又坐監又罰款又留案底,就真係膠到無朋友。

3 則迴響

Filed under 台灣政治

再問中國軍隊去左邊?

年糕料理館:緬甸風災台灣救援

中國又一次膠到無朋友,當緬甸隨時死十幾萬人,而歐盟救援人員不准進入時,中華民國救災總隊人員,獲准隨佛教組織進入緬甸救援,而中國人民解放軍,繼續唔知死咗去邊度。

所以我成日話,中國係大國勃起,而唔係大國崛起,真正的大國,係會負起應有的責任,而唔係要負責任時話自已係第三世界國家,要著數要威果陣,又話自已係大國。話乜嘢漢唐盛世,中國照下鏡,唐代的長安真係正式嘅國際城市(至少安史之亂前都係),依家?除咗一堆自我感覺良好嘅糞青,乜都無。

我再一次呼籲中國,一係自已派解放軍快快去救災,唔好自已乜都唔做,繼續同人渣軍政府撐腰,但又阻住歐盟同美國做嘢。

3 則迴響

Filed under 英國與歐洲, 台灣政治, 中國政治

發夠膠音未?

CNN
cnnabc@gmail.com | 203.218.58.224

但時常見你上電視既?仲以為你是一個極度恨上鏡的人。因為凡有任何有關電子傳媒批判的節目,總有你的影蹤呢。

至於新聞夾料,其實中外娛樂媒體都是這樣,並不奇怪,難道大家認為畢比特同老婆跟安南Friend是傳媒搵到而不是他們自我爆料?咪玩啦。這種膠根本是全世界的膠,並不單獨只有在香港出現。

至於馬房、控鞋問題,也不是只有傳媒出現,其他行業都同樣會有。

====
這裡對膠人素來採取零容忍政策,因此,這位綽號cnn的傢伙,又得到斬首示眾的待遇。因為典型五毛黨,一般都絕跡這裡很久,公布IP政策對他們入侵他人電腦亂發膠音有很大阻礙,但有些香港真心膠,以及經常在袁彌明博客大放厥詞人士,應該未領教過這裡的嚴厲政策。

1. 叫得自已做CNN的膠人,唔知係唔係認同中國當局對CNN的抹黑,你自已睇過CNN的報導同原文未?

2. 基本上,做過媒體管理工作的人,都好少願意接受傳媒訪問,我屢次上鏡只為盡言責,我對上位並無興趣。

3. 中國膠邏輯係唔係,人地外國膠,自已就可以膠埋一份?

簡單嚟講,呢條友連自己講乜都唔知,為針對而針對,下鋪組織番好少少,至再來發過膠音。

發表留言

Filed under 傳媒, 文化批判