Daily Archives: 五月 4, 2008

泛民愛膚堅化

每次在街上見到公民黨的口號,都有打擊食慾的感覺,因為「好在仲有公民黨」呢句口號,好容易令我立即聯想到,好在仲有愛膚堅,愛膚堅廣告之膠就係人都知,而有得愛膚堅廣告,就會有腳癬靈的廣告,腳癬靈的廣告係成大隻臭腳擺喺你面前,真係問你點頂。好彩我退咗黨,否則背上「愛膚堅黨黨員」之名,你話幾無癮。

不過,近日公民黨的Rap歌短片,雖然都係膠力十足,眼高手低,但至少知道愛膚堅黨的危險性,還有些進步。

除了公民黨不幸成為愛膚堅黨,近日民主黨都有愛膚堅的危機。有條叫林子健的膠人,用十萬外判俾影音使團,拍段片向元老致敬。首先,向元老致敬呢個理念已經好難頂,只有共產黨才興玩呢套,用柏楊的講法,係典型獻媚集團做的事。十萬蚊留番嚟可以唔知貼幾多黨的的士廣告。

更膠係成套片充滿八十年代初風情,outdate不在話下,而大家都記得,愛膚堅廣告起源於八十年代。用十萬拍套愛膚堅出嚟?仲要間接資助,站在原教旨主義運動最前線的影音使團,真係命都無。

依家我最驚係土共膠,泛民一樣膠,愛膚堅化係好得人驚嘅一回事,用十萬蚊整套愛膚堅出嚟就仲驚。再咁搞落去,我不如去收購愛膚堅嘅生產商,名正言順賣愛膚堅算。

(如果未食飯,唔好click呢段嚟睇)

廣告

2 則迴響

Filed under 香港政治

聖火變鬼火

北 部 灣 地 區 6 小 時 降 雨 370 毫 米   相 當 全 年 2 成
2008-05-04 HKT 16:51
北 部 灣 局 部 地 區 出 現 罕 見 暴 雨 , 凌 晨 起 6 小 時 內 降 雨 近 370 毫 米 , 約 等 於 全 年 平 均 降 雨 量 五 分 之 一 。
受 暴 雨 影 響 地 區 包 括 廣 東 及 廣 西 交 界 的 北 海 市 山 口 、 白 沙 、 公 館 等 地 , 其 中 白 沙 鎮 嚴 重 水 浸 , 部 分 村 民 連 夜 上 山 暫 避 , 有 豬 舍 被 沖 掉 一 半 。

氣 象 專 家 表 示 , 雷 州 半 島 一 帶 出 現 中 小 尺 度 的 雲 團 , 不 容 易 準 確 預 測 , 情 形 罕 見 。

當 局 派 人 到 受 災 地 區 了 解 災 情 , 指 揮 救 援 , 未 造 成 人 命 傷 亡 。

====
有些地理常識都知,北部灣地區附近就是海南島,現時奧運聖火傳遞的地點。如果雷州半島上空發展的雲團吹到海南島上空,就真的不用傳聖火,膠到無朋友。

如果遇上一連串異常天象,中國人都不知反省,那小弟祝他們好運。

年糕料理館:奧運破百日,中國變天時

1 則迴響

Filed under 中國政治