Daily Archives: 四月 12, 2008

土共,你敢指責鄧小平嗎?

http://www.facebook.com/group.php?gid=11888790325&ref=mf

這個Group,我誠意邀請包括土共在內,反對將奧運與政治混為一談的人加入。但我恐怕很多現時罵人將奧運政治化的傢伙,還不知道,鄧小平在1980年時,竟然響應美國杯葛莫斯科奧運,理由是反對蘇聯入侵阿富汗,反而英國沒有淌這渾水的。

這次奧運大爭論突顯什麼?那就是很多土共,為了自己自圓而說,不惜學日本軍國主義分子的壞榜樣,篡改歷史,胡說八道。如果這次中國不是去反對西藏人,或其他人在運送聖火途中示威,政治化鬥政治化,梁振英或其他土共去傳火炬沒有問題。同樣,如果中共和土共就過往因政治理由杯葛奧運道歉,他們要求政治不要干預聖火傳送過程亦會有道理。但事實上,土共犯了中共「以我為主」劣根性,只准州官放火,不准百姓點燈,這十二字成語道盡了古人對雙重標準的痛恨。

我就看土共有沒有這個勇氣,去面對和批評中國的歷史。

6 則迴響

Filed under 香港政治, 討伐土共

土共膠人,我退咗公民黨十世

喺聖火護衛團個facebook group度,仲有膠人用埋香港網絡大典嘅過期資料,話我政治聯繫係公民黨。

我之前在經濟日報文章講咗,我退咗公民黨好耐。

仲有,好心膠人怕被人起底,就唔好整個Protect Our Torch的戶口名,乜奧運會變咗全運會?

如果真係好想參與京奧,乜唔可以參與做義工?香港係奧運馬術協辦城市,有義工你唔去做。鄧竟成有講佢地唔夠警力保護聖火咩,保安係執法機關嘅責任,政客(張思晉一定係政客,佢參選過區議會)無嗱嗱出嚟搞個咁嘅Group做乜?

我就係下屆奧運主辦國英國的國民,我就唔會同MI5、倫敦警察、蘇格蘭場爭住做。你班膠人,一邊個體育唔好政治化,另一邊就成班政客以中國人之名,然後借聖火撈取政治本錢,呢種行為,你叫國際社會信你果套理據,嘥氣喇!

3 則迴響

Filed under 反葉劉淑儀之戰

連葉劉都信唔過你鄧竟成

Facebook中的護聖火團

呢個香港聖火火炬護衛團真係有趣極點,我建議警務處長鄧竟成,睇完呢個Group,立即考慮辭職。

1. 前保安局局長葉劉淑儀都加入呢個Group,以葉劉淑儀在保安局的豐富經驗,她都入就證明她信唔過香港警察,連葉劉都唔信你,仲唔去劈炮?

2. 青年民建聯成員張思晉,都要搞咁的Group,證明民建聯唔少成員,對警察能力缺乏信心,你話鄧竟成要不要辭職?

至於Group上有件叫Leo Chong的膠人,話體育同政治要分開,咁點解個團長係青年民建聯成員,仲要舊年參選過區議會,點解葉劉淑儀又會Join,係有心政治同體育分開嘅,請晒班政治人離開先噴口水。

發表留言

Filed under 香港政治, 討伐土共, 反葉劉淑儀之戰

張思晉係乜網民?

http://www.mingpaonews.com/20080412/gcb1.htm

請《明報》要做暗土共報,或者土共要隱藏自己身份之前,走去Google打自己個名一次,做少少研究先。

這個張思晉,所謂香港奧運聖火護衛團團長兼創辦人,不是什麼長期從事社區工作的人,這是一件貨真價實,如假包換的土共。

http://www.youngdab.org.hk/pages/categoryArticle.jsp?categoryId=1152

2007年黃大仙區議會選舉結果

他本人呈交選舉事務處的選舉廣告

他是青年民建聯成員,以及議員助理,曾經在去年區議會選舉,出戰正安選區,挑戰黃逸旭,結果輸得頗為難看。為何一個明明白白是土共政客的人,怎可以講成一般網民呢?他何來這樣好的牙力,走去搵贊助商,唔駛講,又係中聯辦發功。

講到尾,土共天天做著政治與奧運混為一談的事,梁振英已經中招,張思晉這個人搏上位似乎亦係一場膠show,聖火臨近的時候,土共只會做更多的膠事,我們食住花生等睇戲。

9 則迴響

Filed under 香港政治, 討伐土共