脫苦海關於高鐵嘅最新膠文

本來脫苦海肯利益申報佢本人係西九龍區嘅地產經紀，小弟己經會放過佢，因為最多當係地產廣告嚟睇，有任何失實嘅就掟去地產代理管理局，Man Keung喺林忌個blog講，佢條友係要製造樓市泡沫，咁你無講錯，如果佢係炒西九樓嘅經紀，咁佢反對公共專業聯盟嘅替代方案唔出奇，好似黃子華果句金句，搵食啫。不過佢一日唔公開佢身份，又唔申報利益，咁我唯有同佢認真討論。

「後來台灣高鐵落成，就由墾丁搭巴士到台北，又是半天就到，讀大學時台灣交流團，由台南到台北搭了一整天旅遊車，真的搭到嘔！之後再搭上海磁浮列車，到全國大面積提速時，專登到深圳塔和諧號到廣車，又是一個愉快的旅程！今年再搭了由濟南到青島高鐵，由黃河邊到東海邊，只是用了兩個半小時。」

脫苦海要扮鐵路迷，唔該做吓少少功課先，台灣高鐵用四千四億新台幣，一千一百億港紙嘅投資，起係一條300公里時速用日本新幹線技術嘅真係高速鐵路，依家香港行二百公里，路程短台灣一大截，但要成六百五十億港紙，但要未計買列車。乜二百公里叫高速鐵路咩？用人地台灣一半嘅錢起條丁屎咁短嘅慢鐵，呢啲係乜道理嚟，當香港人係傻仔呀？又定佢自已無知又要扮鐵路迷咁？

脫苦海之前有篇膠文，鬧果對話買唔起港島樓嘅律師醫生點解唔開車，之後我用成堆養車嘅成本論據，寸到條友收檔。今次再一次證明呢條友唔識開車，或無養過車，喺德國，喺高速公路個個飛二百公里，一般公路個個飛一百公里，點解唔自已開車而要等鐵路？係囉，一時要寸人唔識揸車，一時要寸人唔坐鐵路。全中國唔係用煤就係用燃油發電，唔係法國果挺全國大部分電力都係核電供應嘅局面，我想問脫生究竟有幾環保，定係立心要再唔環保啲咁？

「一切都係貼Label，一如文革時的牛鬼蛇神，中產、第四代、年輕人、弱勢社群，其目的就係分化香港人，一如台灣搞果套族分裂。
」

佢呢句comment證明佢真係一件真心膠，一如佢條標題，唔夠人講就搵人嚟祭旗，不過佢應該係講緊佢自已。無知仲要扮叻學人寫blog，佢嘅膠力真係同黃毅力差唔多。

麥記營多撈麵（高登會員編號133282）曾經發表膠論，話BNO喺英國，揸讀書或工作簽證就唔可以做選民。

簡單講一句，信佢果個都係膠嚟。

Information for non British Citizens

呢個係英國Gateshead Council（即係Gateshead選區）出俾當地民眾嘅選民登記資格說明，只要你住喺當地半年己經可以係選民，只要國籍資格啱嘅話，而香港果部分，係講得好清楚。

Hong Kong

Any previous resident of Hong Kong who only has a Chinese Special Administrative Region passport is Chinese and may not register.

持有緊BN(O)同BOC都係可以登記做選民，參與英國所有選舉，有一點要注意，儘管你無renew BN(O)，如果你曾經係BDTC，包括九七前喺香港出生，有權持BDTC但無申請果班人，如果住喺英國，就算依家以特區護照或其他非英聯邦護照留喺當地，都係一樣有英國投票權，點解有啲咁離奇嘅措施，就真係要問法律專家。

我想問，麥記營多撈麵係咪要為佢信口開河，亂嗡廿四交代一下咁，或者停止再出post？

仲有，邊位人士對麥記營多撈麵（高登會員編號133282）能夠成功起底嘅話，請通知小弟。由高登佢出嘅post嚟睇，呢啲友仔唔係收錢出post係無人信。清理五毛系列目標好明確，清理五毛常見謬論，並且要呢啲五毛全部潛水。中國養咁多無知識嘅五毛黨，簡直係對互聯網嘅一大污染。

好多第二代香港人，對世事一知半解，又要扮到通天曉，發表偉論就唔知果個嚇死，知果個就笑死。今日都市日報有件叫黃毅力嘅友仔，狂捧中國果篇文章，真係笑到肚痛，一定要拎出嚟同大家分享以及認真討論。

「在晚飯期間我們談天說地，值得驚訝的是，雖然這對年輕人沒有出國的經驗，但對世界、對國情、對香港及身邊發生的一切事情，都是瞭如指掌！原因是，他們透過網絡世界吸收了不同的資訊，而對每種資訊也有個人的觀點，與他們交談，我也自覺受益不淺。 」

黃毅力梗係唔知中國有偉大嘅防火長城，一係佢交往果啲年青人都係破網軟件，Tor果啲擁躉，否則佢地點會對外面世界咁清楚，居然可以透過網絡世界吸收不同嘅資訊，定係佢自己對世界各地嘅事都蒙查查，聽糞青車大炮就以為人地好勁，查實全部都吹水唔抹嘴。

「 在機場準備回港時，我也「口多多」，主動找了一位年輕關員傾談了數十分鐘。從言談中就可以知道，那位公務人員對自己的工作充滿熱誠，對所服務的機 關充滿信心，絕對有大將之風。看到這些充滿朝氣的年輕人，我不禁替我們香港的一群擔心，因他們兩者的質素簡直是天淵之別！在我日常工作中遇過的年輕畢業生 中，他們大部分都是向錢看，卻不是向前看，他們為了謀取更大的利益，永遠都會準備轉下一份工。就算不會隨便轉工的，也只會滿臉愁容，充滿抱怨，甚至對政府 帶有對抗的心理。 」

黃毅力對國情一知半解，又露晒底，佢知唔知海關、入境邊防唔係阿水可以做，果啲係肥缺嚟，我指係貪污果隻肥缺，佢梗係對所服務嘅機關充滿信心，佢試吓將上述言論，喺天涯、網易果啲地方發表，你睇中國網民俾乜反應你？

「 或許你會說國內年輕人只任由政府漁肉，沒有民主，國家說「一孩政策」，他們不能反抗，據說連養狗，也只容許養一隻。而最近也因上海「世博」的關 係，政府便下令不准人民上街時只穿睡衣。不過，國內同胞服從，又是否代表國內年輕人沒有思想呢？還是他們明白客觀大勢，知道不能妄想政府會打救自己，於是 情願努力自己闖一條路出來呢？香港年輕人，你們真的要自求多福，自強不息啊！你們比國內年輕人稍為優勝的，就只是多一點國際視野，以及處事比較靈活一點而 已。 」

黃生呀，我想問你知唔知有幾多中國年青人，因為闖唔到出路喺底層做緊乜事咁。仲有，香港有幾多年青人，俾好似你呢種不學無術嘅第二代人，搞到生活一鑊泡咁？

要踩香港年青人，借抬高中國年青人以示自已好掂嘅言論睇得太多，呢篇都算係經典，唔拎出嚟恥笑下真係對唔住自己。黃生呀，得閒多啲上吓網，睇多啲書，唔好齋嗡當秘笈，香港大把年青人知道世界發生緊乜事。

後話：商人或者乜乜CEO無話唔寫得文或寫書，外國好多富豪或CEO都出口成文，問題係你自己嘅修養要求，喺南洋，你有錢都好，如果你肚裡半滴墨水都無，或者文化修養太差，恐怕難逃被恥笑嘅命運，你有錢又點，邊個尊重你？依家香港商界，真係叫做有錢得嚟有叫真係寫到嘢，一個叫黎智英，一個叫施永青。

「梅 德 韋 杰 夫 稱 俄 羅 斯 要 進 行 經 濟 改 革
2009-11-13 HKT 01:10
俄 羅 斯 總 統 梅 德 韋 杰 夫 指 ， 要 進 行 全 面 經 濟 改 革 。
他 在 新 一 年 度 的 國 情 咨 文 中 指 出 ， 要 發 展 以 創 新 為 主 的 經 濟 ， 保 持 俄 羅 斯 優 勢 ， 過 往 倚 靠 石 油 及 天 然 氣 的 經 濟 ， 必 須 轉 型 包 括 使 用 最 新 醫 學 、 能 源 和 信 息 技 術 等 。

梅 德 韋 杰 夫 又 強 調 ， 俄 羅 斯 要 盡 快 在 民 主 價 值 和 機 制 上 ， 進 行 全 面 現 代 化 。」

當中國人仲係俾俄國人搵緊笨果陣，梅德韋杰夫就己經提出經濟轉型同改革，而且承認自己喺民主上嘅不足，要全面現代化。

俄國人之所以可以維持國勢，因為俄國人永遠都會思考點樣唔好同時代脫節，好似依家石油同天然氣睇落好好景，但全球都紛紛改用可再生能源嘅大勢下，石油同天然氣維持嘅經濟，可以維持十年，唔可以維持廿年、三十年，所以要趁依家好景就要轉型，唔係依家好景就乜都唔做，好似中國咁，以世界工廠嚟沾沾自喜。

而技術發展無可避免要加強同歐盟嘅合作，亦要鼓勵俄國內部民主嘅風氣，否則搞極都係得個吉，正如錢學森之後中國後繼無人一樣。所以梅德韋杰夫提出要民主改革，如果俄國可以成功嘅話，可能廿年後俄國都可以加入歐盟。到時俄國都係民主國家中嘅老大哥，咁入歐盟又點會妨礙俄國嘅領導地位？

所以今日中國人親俄係傻仔，世界大勢係，你唔搞政治現代化，幾風光都係蔡楓華式風光。依家中國班友，就係無戰略眼光。

http://www.ukba.homeoffice.gov.uk/sitecontent/documents/policyandlaw/legislation/simplification-project-draft-bil/draft-immigration-bill?view=Binary

呢份喺2009年11月12日發出嘅法案草案初稿，認真粗略，而且都寫得頗亂，要消化絕對係要相當時間，不過，小弟依家睇Immigration Bill 2009，有啲地方係可堪再三推敲。

A. 定義遊戲

根據草案嘅339條，UK Passport係咁定義：

「“United Kingdom passport” means a passport issued by—
(a) the Government of the United Kingdom,
(b) the Lieutenant-Governor of any of the Islands, or
(c) the Government of any territory whiBritish overseas territory. 」

BN(O)喺新嘅Immigration Bill下肯定係UK passport持有人，仲有以下兩樣嘢：

「“national” includes citizen;
“nationality” includes citizenship; 」

咁玩法背後有乜微言大義，小弟又係要再三推敲，但可以肯定，British nationality includes British citizenship，如果照Section 339咁解，絕對又可以玩餐死。

B. EEA公民定義

英國好明顯睇到BN(O)變成歐盟公民是勢不可擋，所以喺EEA居民定義果度出古惑，而且係勁古惑果隻

「3 EEA entrants
(1) For the purposes of this Act, “EEA entrant” means a person in relation to whom
condition A or B is met.
(2) Condition A is met if the person—
(a) is not a national of the United Kingdom,
(b) is a national of another EEA state or a national of Switzerland, and
(c) is entitled to enter and stay in the United Kingdom by virtue of any
provision made under section 2(2) of the European Communities Act
1972 (“the 1972 Act”).
(3) Condition B is met if the person—
(a) is not a national of an EEA state or of Switzerland, and
(b) by virtue of the person’s relationship with a national of an EEA state or
of Switzerland, is entitled to enter and stay in the United Kingdom by
virtue of any provision made under section 2(2) of the 1972 Act.
(4) For the purposes of subsections (2) and (3), a person is a national of the United
Kingdom if the person falls to be treated as a national of the United Kingdom
for the purposes of the Community Treaties. 」

a. Condition A一開始就講明不能是national of the United Kingdom，即係不能係聯合王國國民。
b. 喺subsection (4)果度，當一個人係被當成歐盟條約用途嘅英國國民時，就當你係EEA National嚟處理。

呢個做法，真係狗到唔恨，如果BNO唔打官司打爆歐盟公民定義問題，英國政府可以唔找數，由得歐洲其他國家吸納BNO持有人，但如果真係有人打官司，英國政府並且輸埋官司，都唔需要立即俾番BNO英國公民身份，用Immigration Bill 2009 Section 3嘅技術性條款，一炮過解決直布羅陀BOTC，有RoA嘅British Subject果堆問題，唔需要修改英國國籍法，甚至即俾BNO居英權又得，用A National of the United Kingdom for the purposes of the Community Treaties就得，進可攻退可守，狗到無朋友。

C. ECHR兼容性

如果要打官司，呢部分務必仔細研究，發掘到漏洞唔好講到咁揚，可以通過後立即告英國政府玩謝佢。或者喺議會審議階段果陣講出嚟，又得。

我估等我無咁忙，慢慢嘔份詳評出嚟。

以上畫面是壹傳媒集團將在台灣推出的新產品（應該都會在香港推出），那就是蘋果動新聞。

蘋果CG大家睇得好過癮，但蘋果CG始終是二次元的東西，壹傳媒當年砸下巨資投放在3D動畫技術，終於修成正果，蘋果利用3G HSDPA普及的時機，推出把新聞事發過程，用電腦動畫模擬重演的技術，不單完全補救了文字傳媒的不足，而且真的看起來，有著以往電視新聞沒有的實感，再加上有了主播的配合，壹傳媒集團無論報紙，還是電視台的新聞娛樂性和刺激度都不用懷疑。

但當這個怪物橫空出世時，還有誰會看傳統傳媒的電視新聞？電視新聞除了請靚女主播外，如果仍是河蟹處處，怎殺出一條血路值得懷疑。當東方報業投放大量資源搞了個on.cc時，肥佬黎又一次後發制人，奇兵突出。

傳媒一場風暴，又準備刮起來，這回刮到電視台頭上了。

「政 府 傾 向 區 議 會 政 改 方 案 　 民 選 區 議 員 互 選 5 立 法 會 議 席
2009-11-12 HKT 15:20
政 府 最 快 下 周 向 行 政 會 議 提 交 政 改 諮 詢 文 件 ， 如 獲 通 過 翌 日 會 向 立 法 會 交 代 。
消 息 指 出 ， 政 府 傾 向 優 化 05 年 的 區 議 會 方 案 作 為 諮 詢 的 藍 本 ， 政 府 高 層 近 日 諮 詢 政 黨 時 ， 建 議 2012 年 立 法 會 增 加 5 個 直 選 議 席 及 5 個 由 民 選 區 議 員 互 選 產 生 的 新 功 能 組 別 ， 委 任 區 議 員 則 不 能 參 與 互 選 。」

唔廢除分組投票，議員無提私人草案權利，功能組別唔廢公司票嘅A貨政改方案，要嚟把鬼，如果05年果陣呢個方案係唔准委任區議員參加互選，亦唔俾投票仲收得貨，大佬，你依家係2012年政改，呢個方案想收貨，我真係寧可八百張飛選多一個世紀，睇邊個長命啲。

呢啲益X建聯嘅政改方案，你要埋我果份。

鑒於近日五毛大舉出動，亂發膠音，所以要加強喺清理五毛嘅工作上面，小弟唔排除將典型五毛言論編成FAQ，方便大家打到呢班友潛水為止。

今天要捉出嚟嘅偉論，係英國領事唔幫BNO。

小弟要承認一點，英國聯邦及外交部嘅工作表現，好多係有改進嘅空間，睇2008-09年期間，英國聯邦及外交部領事年報你就知點解

2008-09年度領事部門年報

由第16頁睇起，大家可以見到FCO有好多地方係未達標嘅，以往之所以有BDTC或BNO求助無人理嘅問題，係因為FCO缺乏監察，膠法同香港嘅官僚部門一樣，依家有好清楚嘅benchmark，大家可以執住呢份嘢嚟評價英國在香港以全世界嘅使館水平，然後寫信俾FCO，或者搵一位喺英國做登記選民（順便回麥記營多撈麵呢件膠人，BNO喺英國讀書，或YMS Tier 5，住夠半年可以登記做英國選民，你揸住加拿大、澳洲、紐西蘭、新加坡同馬來西亞護照都可以，但特區護照係做唔到英國選民，無知係要被恥笑嘅），然後向國會議員投訴。英國係有清晰指標，亦有清晰指引保障你嘅權利。

中國？中國駐外使館最鍾意係干涉他國內政，正經事一概唔做，請問中國使館有無上述報告評鑑自己嘅表現咁？我想問，如果中國使館唔理你，你可以向邊個投訴咁？特區政府？咪玩喇。

唔好講上次德國飯店屠殺案，其中一位BN(O)死者，德國俾英國處理，中國想理結果俾德國成隻檸檬塞落口嘅膠事，或者上次印尼空軍空難，果位BN(O)死者都係英國使館處理善後（結果入境處想理都理唔到），只係睇台灣九份車禍，果啲持BN(O)死傷者都係由英國駐台北辦事處處理善後，咁你信網上班五毛信口開河，定係睇連台灣嘅個案都係由英國去理嘅歷史。

小弟呢篇係特別要打擊黑豹武神，同埋黑白灰膠鞋兩位高登共狗，呢班友亂咁發音係令小弟有決心，要整個清理五毛系列嘅原因，政改大戰迫近，亂咁發音嘅人只會越嚟越多，佢地夠膽就上嚟。

明日預告：BNO在英投票權

小弟喺傳媒都十幾年，同《文匯報》記者交往，一向係持兩種態度。

依家《文匯報》記者有兩種，一種係純粹因生活迫人入《文匯報》嘅記者，佢地一般都唔會被安排跑政治線，佢地私底下甚至可以好反共，小弟對呢類《文匯報》記者一般寄予同情，甚少鬧爆佢地。

另一種《文匯報》記者，喺福建、培僑果堆土共學校讀中一至中五，預科去金文泰「鍍金」或者去培正讀，呢種記者以為自已係為國家做嘢，乞人憎到爆，用狗嚟鬧佢地都太溫和，因為呢啲唔係記者嚟，呢啲根本係中聯辦特別訓練出嚟嘅政治狗腿，假以時日就會入X建聯，或無厘頭入咗特區政府，騎喺人民頭上作威作福。

如果小弟記憶無錯，跑《文匯報》議會線果位記者，應該係邱萍菲，邱小姐正係小弟所講嘅第二類人士，邱小姐中一至中五喺福建中學讀，會考成績勁好轉嚟金文泰讀預科，之後入咗中大讀新聞系。呢條友喺中學時己經表現得好鬼愛中共，所以長毛鬧爆她，唔會係因為一時意氣之爭，而係長毛睇到根本係中聯辦訓練出嚟嘅土共，偽裝記者進行政治行為。如果記者本身唔係去採訪，而係搞緊政治嘅，點解仲要當佢係記者先？

所以，今天蔡子強喺《明報》篇文嘅論點，小弟完全唔同意，議會記者呢個圈子，有正義之士，但亦有無賴之徒。

補充

香港基本法推介聯席會議網頁

《文匯報》高級記者走去喺基本法推介聯席會議上做主講嘉賓，她做緊記者定搞緊政治，大家心中有數。

修正版：有人話當日玩長毛果位記者叫葉詠儀，okay，葉詠儀就代表她唔係邱萍菲果種第二類文匯記者，大家睇Google，幾多由葉小姐寫嘅針對社民連嘅報導，以及如何歌頌民建聯，你話她係唔係第二類文匯記者，大家有眼見。對住無乜立場嘅文匯記者，無必要針對他們，搵食啫，但身為中共黨員果啲文匯記者，小弟認為唔駛當佢地係正常記者處理，除非他們肯老實申報他們嘅地下黨身份。但連曾鈺成都唔敢承認佢地自己係地下黨員，佢地敢咩？

繆美詩：This is an order!

好多市民對香港警察嘅表現，快到無眼睇嘅地步，選擇性執法、濫用水警輪當遊艇用、今天又爆一單當更時拍拖兼自拍，而遊行示威維持秩序果陣，亂解警例，次次遊行都要準備call定律師，申請人身保護令咁滯。呢班所謂紀律部隊，點解可以無紀律成咁，難道上頭有order就可以亂嚟架。

呢樣嘢，差佬同軍人（解放軍除外），同樣係受紀律訓練，但佢地嘅思考方法，就完全唔同。

差佬基本上，大部分執勤時間都唔會受性命威脅，亦唔駛考慮戰略問題，對管理差人而言，最緊要易管理，甚至只係政權工具，所以警察一般誓言係絕對服從上級一切合法指令，但唔會鼓勵考慮去諗，究竟呢個指令喺道德操守，或維護人權上有無問題，結果係上級開始亂嚟果陣，成個警隊迅速腐敗就無人處理，上世紀六十年代警察貪污如此，今天香港警察亂咁嚟又如此。

軍人係向國家負責，軍人要有一定獨立思考力，因為去到戰場上，諗錯一步都會係早人一步上西天，盲從指令結果好可能係戰死沙場，對軍人嚟講，打勝仗至重要，服唔服從指令係比較次要，所以軍人比較強調係獨立思考，所以軍人遇到有唔妥嘅指令，可以同上級爭拗，甚至唔理上級指令，或更甚係發動軍人政變，撥亂反正。所以軍隊你會見到一啲好叻，但作風好狂嘅將領，例如二次大戰美國名將巴頓，但警察你唔會見到咁嘅警司或督察。

如果警察基本訓練模式不變，只要求絕對服從指令，而不俾任何獨立思考，我可以講，紀律部隊無紀律呢個問題只會惡化落去。

後話：小弟眼中，解放軍不可能有戰鬥力，因為解放軍係黨軍，不是效忠國家的國家軍隊，黨軍的戰略考慮在於黨本身，不是國家總體利益，所以佢地殺自已人好勇，但要佢地打釣魚台或者收復江東六十四屯絕對係癡心妄想，如果軍隊不國家化，中國不可能成為一個軍事大國。