信X建聯一成，雙目失明

X建聯班茂利，成日喺街上掛呢挺banner，扮到為民請命，好似寶藥黨咁呃市民。
如果佢地真係認為政府監管咁重要，點解佢地又反對成立Select Com呀？
所以我奉勸各位，X建聯講嘅嘢，信一成都死。

千祈唔好俾譚偉豪條膠人脫逃

http://www.facebook.com/group.php?gid=27683119189&ref=nf
上述嘅facebook group係譚偉豪搞，一般譚偉豪搞嘅facebook group我唔建議join，呢個例外。反淫審檢討嘅朋友，就成棚人入呢個group，表達反對意見。譚偉豪敢支持有關建議，佢就應該知道有乜後果。

淫審條例檢討搞防火長城的罪證

「另一個做法是立法強制互聯網服務供應商為用戶提供過濾服務，把不適合兒童及青少年瀏覽的網頁濾除，以保護年輕使用者。此舉可過濾不論來自本港或海外網站的不良資訊。設於互聯網服務供應商層面的過濾服務較家用過濾軟件有效，因為兒童及青少年或會嘗試破解過濾軟件，但由於伺服器端的過濾程式並非安裝在用戶的電腦內，相對較難被破解。不良網頁名單亦可以自動更新，方便使用者。 」
摘錄自淫褻及不雅物品管制條例檢討諮詢文件第四章。
這一條，清清楚楚，明明白白，想借管制淫褻物品為名，想在香港各大ISP加設政府能夠控制的過濾系統，如果讓這混帳建議過關，香港就肯定暗無天日。這也是小弟為何，第一時間想跑出來抗議的原因，單是這點，網民就有抗議的理由。
而昨天譚偉豪對傳媒所謂的回應，根本只是照背文件的第四章2.5節，
「這做法需面對的問題是一些規模較小的互聯網服務供應商提供過濾服務或會面對經營困難。」
照背政府文件就叫回應，譚偉豪，真的好一個所謂業界代表。

雷曼迷債各黨的表現

雷曼迷你債風波，結果甘乃威未報警，梁國雄己經帶住成班苦主去報警，仲要呢鋪係指控中銀訛騙，呢鋪真係考驗警方同香港現有商業法律掂唔掂。
不過回歸政治來看，呢鋪長毛同埋甘乃威大獲全勝，X建聯、豉油黨同公民黨輸到甩咗褲都唔知點解。
先講X建聯，X建聯班區議員樁腳扮到點幫苦主都好，無用嘅，呢鋪X建聯要對住中銀，你認為X建聯呢挺官商勾結黨，敢郁中銀一條毛？嘥氣喇，有涉及大商家，特別係長實、中銀呢挺級數，X建聯係無用，佢地最多係恰領匯攞彩咁解。豉油黨，更加唔駛講，影都無。
公民黨問題係一開始當雷曼苦主係傻嘅，後來至走去研究金融法例，行動慢人四五拍，依家係行動派政治家年代，你走得摩真係輸到甩褲。公民黨後來總算約到中銀，不過要等周一，蚊都瞓喇。佢地本來最強係法律，佢地傲慢嘅結果就係乜都無。我會勸公民黨，提升番自已對社會議題嘅行動速度。
社民連好多支持者，不明事理拒絕幫班雷曼苦主，但好彩長毛係夠醒，知道呢啲唔係鬧人鄭大奸果班貪錢怪，而係基層小市民被人呃積蓄。長毛一諗諗到要報警，好明顯知道成件事根本就係銀行做咗寶藥黨，That’s all。所以佢一知道成件事關鍵，行動極為迅速，迅雷不及掩耳，後來先上岸。做政客，一定要知道自已個位喺邊度。
甘乃威喺訛騙呢個問題度都慢咗少少，佢可以早少少打報警同訛騙法呢張牌，不過佢都明顯知道發生乜事，加上佢早幫果班苦主，所以佢呢仗奠定佢為民請命的江湖地位。
我呢度好少睇錯人，膠人定勁人，好容易判斷得出。

網民的自由？譚偉豪會理？

「譚 偉 豪 ： 規 管 網 上 不 雅 資 訊 將 增 加 網 絡 供 應 商 經 營 成 本
2008-10-03 HKT 17:00
對 於 政 府 推 出 檢 討 淫 褻 及 不 雅 物 品 管 制 條 例的 諮 詢 文 件 ， 立 法 會 資 訊 科 [...]

想搞香港版防火長城？收皮喇

「現行的《淫褻及不雅物品管制條例》，自二○○○年訂立至今一直未曾檢討，監管的範圍就只限於印刷品、雜誌刊物，及電影電視光碟內容。港府早前已曾表明，有需要就擴大監管範圍至網上色情內容及相片進行探討。經過連月草擬程序，今日港府將會正式公布首輪諮詢文件內容，並由商務及經濟發展局副局長蘇錦樑負責主理。
據悉，當局將在文件中提出訂立「不良網頁名單」，凡曾被淫審處評定為淫褻及不雅的網站，都會列入「名單」之內，並建議「設立網頁過瀘機制」，為家長及學校提供一個網站過濾服務，所有「名單」之內的網頁都會被過攄淨盡，避免十八歲以下人士直接取得有淫褻及不雅成分的網上內容及相片。
候任立法會議員資訊及科技界的譚偉豪指出，「網上難以核實身分，要過瀘機制有效，必需要得到互聯網供應商的配合，提供到哪些是十八歲以下的用戶或家庭」，才可以落實措施。」
蘇錦樑呢條X建聯黨員，話咁快就要在香港引進防火長城，淫審處本來己經被指權力過大，依家權力仲要大到搞過濾名單，係咪想搞香港版防火長城。照香港有大衛像都係淫褻嘅硬膠前科，隨時成個高登都會列入過濾名單，咁樣仲成世界？仲惡過廿三條。
譚偉豪呢條茂利，直頭係失職，我可以好白咁講，資訊科技業界，絕大部分都唔會贊同呢啲硬膠機制，你條友唔第一時間反對，暗地支持己經失職，呢啲失職議員係唔係應該辭職以謝天下，我無叫你切腹己經好鬼客氣。
我亦都有言在先，蘇錦樑、譚偉豪同埋蔡志森（呢條福佳一定支持政府，打定佢都得），己經被列為福佳三寶，日後本博對他們任何膠論，都會追佢地九條街，直到成個過濾政策玩完為止。
後話：在《中大學生報》被指淫褻爭議期間，我己經在《蘋果日報》篤爆，蘇錦樑所返的港福堂，同明光社有密切關係，我極有理由相信，條友意圖將明光社理念引入公共政策，而譚偉豪都同港福堂關係密切，根本成棚原教旨主義進犯，所以呢鋪大家非打到底不可。
延伸閱讀：
黃世澤：黃仁龍與中大學生報有關（這暫時連往蘋果日報網址）

譚偉豪老屈網民無道德

對譚偉豪今日對網民的指控，甚至聲言要政府搞好「教育」，我有必要作出補充。
我不得不承認，互聯網都是上帝的傑作，因為過往這些令人髮指的案件，如果女事主怕事不報警，罪犯永遠都不會被繩之於法，反而在幾個禽獸的手機上被多次觀賞。
但有不知何人把片傳到foxy（我估意外居多），反而引發網民憤怒，令警方不得不嚴辦這宗案件，如沒有網民協助，警方能捉到那幾件色狼嗎？所以譚偉豪，同X光社的人一樣，滿腦子歪念，就老屈人地有歪念，只有X光社中人，《聖經》什麼教誨都不理，只是過份著重所謂的道德，所謂的家庭問題，兼且千方百計要管制互聯網，查實同包庇罪犯根本無分別。
所以我強烈要求，譚偉豪身為資訊科技界侯任議員，收回到網民的不公指控。

網民道德薄弱？

「近 期 一 間 食 肆 發 生 懷 疑 性 侵 犯 案 件 的 手 機 短 片 ， 在 網 上 廣泛 流 傳 ， 立 法 會 資 訊 科 技 界 候 任 議 員 譚 偉 豪 說 ， 反 映 網 民 道 德 意 識 薄 弱 [...]

科技伸手黨

今天看Wisenews，看到《大公報》譚偉豪專訪，好一個為Sales佬服務的IT界議員，以下佢嘅作答，又作奇文共賞處理。
他說： 「以往獨立人士比較勢孤力弱，如果能夠醞釀獨立一派，可以達至平衡作用……最理想希望盡量做到包容、理性、實務的討論。」
批語：原來同詹培忠呢種人蛇鼠一窩，就可以做到包容、理性、實務。
譚偉豪說： 「其實中國內地有很多大型科技企業，睇香港政府識唔識做，用邀請迪士尼（來港）的一半功力，與一些大型企業談判，就可以吸引他們來港設基地，例如Microsoft（微軟）在北京、上海都有，我希望他們下一站可以在香港設立Data centre（數據中心），我們有完善的法例和流動人才，保護知識產權方面亦好過內地，香港絕對有條件成為亞太區科技中心。」
批語：我明好多Sales佬，特別iProA係做外資公司的高層，不過，迪士尼果種合作，代表係搵香港納稅人老襯，來肥咗外資公司，同埋班Sales。我見迪士尼內部果種，我仲熟過佢，如果用迪士尼一半功力嚟爭取，我一定企出嚟反對。同埋設Data Centre乜要政府資助架？係唔係又似迪士尼咁，俾塊超平地皮俾呢啲外資公司咁？
譚偉豪提出，既然目前香港有盈餘，政府應該投資於未來，為香港長遠發展着想，港深科技合作可以是一個契機，早前香港與深圳合作，發展首個「深港創新圈」重大科技項目，一方面利用香港科研人才投入工作，另一方面以深圳作為生產基地，與杜邦公司聯手建構了太陽能研究和產業平台，是一個好開始。
作為一個自由經濟支持者，本來對呢挺豉油黨式建議好反感。仲話同深圳合作，乜你認為香港前線IT人分到咩？結果又係俾果啲熱中喺乜乜青年商會搞的友仔拎晒著數。
呢挺候任議員，真係無恥到極點。

莫乃光最後的拉票呼籲