2017普選特首為何太遲

身邊有些朋友覺得，2017普選有時間表，都叫收貨。但以中國局勢而言，就算人大常委實實在在話2017普選特首，情況都已經膠到無朋友。
12月2日那場史大林格勒之役最大的其中一個戰略效果，那就是葉劉淑儀根本不可能在2012特首選舉中服眾，她在港島單議席單票對決都輸給陳太，她還好意思去選特首。而土共手上的牌，包括唐英年、梁振英，幾乎無張打得。
而曾爵士的直屬部隊，不論曾俊華，以至邱騰華等，全部係未夠稱做特首，律政司司長黃仁龍，也要至少2017年才做到睇得打得。在曾爵士不能連任的情況下，唯一能服眾的特首人選，是泛民主派的陳方安生，如果2012年普選特首，至少2012年的結果預知，中央可以與泛民預先鋪好溝通框架。
現在2017年普選，2012年土共推膠人做特首，如有閃失還不膠到無朋友？加上台灣綠營抽水效應，我不認為2017年普選特首對香港有任何好處。

北京又有高人發功

自由黨主席田北俊重申，若條件成熟，可於二零一二年普選特首，但要設較高提名門檻。
上述文字引自商台。
田少呢條友無寶不落，阿水都知。喺2003年大批憤怒群眾爭啲圍攻光明頂果陣，田少宣布唔會支持廿三條立法，結果田少變成反廿三人民英雄，呢鋪田少重申可以二零一二年首選特首，同民賤聯的standpoint唔同，明顯又有高人發功指點。
不如泛民搵條友，問田少到底真係想開乜價。唔好講提名門檻咁閃縮。
後話：我只係小薯仔，但如果我開個盤，如果自由黨同田少，支持2012年普選，雙普選更好，泛民願意立法會每區協助自由黨，至少得到一席立法會議席俾自由黨或泛聯盟，你估自由黨肯唔肯要呢個盤口？

張炳良的指標性談話

行 政 會 議 成 員 張 炳 良 回 應 有 關 政 制 發 展 綠 皮 書 報 告 ， 他 認 為 從 香 港 整 體 因 素 、 教 育 水 平 ， 選 舉 文 化 及 和 諧 社 會 發 展 等 ， 實 行 普 [...]