月份彙整七月 2011

高登admin聲明 雖然高登admin同CEO，好多時都係高登巴打嘅沙包，但喺關鍵時刻，佢地係會做嘢，而呢件事，就好清楚反擊蕭公公（用埋啲林公公邏輯講嘢都係公公嚟）。 依家神網係真係有offer俾對方，可以傾單deal，定係又玩狂吹水煲無米粥搏上報？依家咪睇清楚，班友係點諗嘢。 但可以肯定係，人民力量劉嗡支持呢單deal嘅話，人民力量唔好再扮晒乜嘢抗爭代表，俾佢地班友掌權，大家真係唔移民唔得，依家連搵醫院都要做維權人士，上高登都要冒自己ISP email洩漏俾呢班友之險，咪玩喇，真係唔移民著草都唔得。

繆美詩：維權之初體驗 小弟赤膊上陣維權，做刁民都做咗好耐，由香港做到倫敦。但Rachel都要玩到同醫院咁玩法，大家可以諗吓點解她點解要冒被人抹黑之險，同一間醫院咁拗手瓜法。 查實呢單嘢只不過冰山一角，最歸根究底嘅問題，係香港醫療費用，特別私家醫療方面根本無皇管。我唔要玩乜嘢Price Ceiling之類，我只係要好簡單喺合約同收費上嘅監管，帳單上應該名列乜資料，deposit同留位費嘅legal definition等。呢啲咁簡單嘅嘢，周一嶽都唔知死咗去邊，真係唔成街武士刀就怪喇。 所以依家唔好同我講乜嘢自願醫保，乜乜物物，咁簡單私院嘅合約同收費問題都搞唔掂，無人貿貿然走去私家醫院睇醫生嘅。儘管依家醫管局，都已經搞到好膠。

香港警察好多hihi嘢，除咗《警察通例》部分同公民權利有關條文收埋唔公開，有啲應該向公眾公布嘅權利資料，只係收埋喺《程序手冊》，簡直離譜，唔怪得香港有導演搵個日本AV男優扮香港差佬。 言歸正傳，根據《程序手冊》第43章第9條，你有以下國家公民，你一旦被拉，香港警察一定要通知使館，不得有誤： 1. 加拿大 2. 英國 3. 美國 4. 澳洲 5. 印度 6. 越南 7. 意大利 8. 俄羅斯 示威果陣，帶埋護照過去係實食無黐牙。 持有雙重國籍，喺大部分情況下當然得唔到領事保護，包括以上八國，但美國同加拿大有同香港簽一項加強建議，如果你係以美國或加拿大護照入境香港，唔理你有無中國公民身份，警察都一定要當你係美國人或加拿大人通知使館，所以玩膠方法係你用香港身份證出境去澳門，喺澳門用美加護照入當地同出當地，再用美加護照入境香港（唔好用香港身份證），然後被捕時出示你本護照，香港警察會即時被吹漲。因為美國同加拿大使館一介入，曾偉雄會好頭痕。 就算你有雙重國籍，你係加拿大人一時唔記得去咗澳門先嚟示威，唔緊要，根據《程序手冊》第43章18條，你有權即時喺差館提出國籍變更，差館一定要幫你向入境處長提出，入境處長亦要儘快處理申請，一申請成功，你由申請成功果刻起計就可以要求領事介入。 大家有睇Rachel今天AM730篇文，連她都要赤膊上陣同浸會醫院拗手瓜果陣，呢個城市己經變咗唔係刁民都唔駛旨意住落去，你唔知有關權利又點得？而身為美國或加拿大公民，如果你要求領事介入會特別有用，因為警察以至政府處理果陣會小心好多，呢個亦係保護其他示威者嘅方法。

「2011年7月20日 (三) 04:55，Martinoei (讨论 | 贡献)被PhiLiP (讨论 | 贡献)封禁（无限、禁止创建帐户、禁止电子邮件、禁止编辑自己的用户讨论页） (滥用用户页诉诸法律威胁)」 又係PhiLip幹嘅好事，我喺用戶頁講明我唔會放棄對維基媒體基金會主席陳霆先生，喺書生第七次罷免投票期間誹謗言論嘅法律追究權利，就嚟個咁嘅老羞成怒反應。 我諗我戶口封得好有意義，因為陳霆先生充分反映咗佢同佢朋友人格係幾咁不知所謂，乜原來無證據指責人地，唔駛根據方針處理，定係仍然共產黨嘅理論，法律係專政工具，喺維基，方針唔係社群共識，只不過係一班自己友嘅專政工具？ 呢件事唯一作用，就係俾我喺告維基媒體基金會，以及陳霆先生上大開綠燈，除非陳霆先生道歉並收回言論，今年應該有好戲好睇。 回帶： http://martinoei.wordpress.com/2011/06/28/我希望陳霆先生自重一下/ ＝＝＝ 後話：除咗刪文，書生喺用字緊跟中宣部方面都好熱心，以下文章極具參考價值 http://permalink.gmane.org/gmane.org.user-groups.wikipedia.chinese/5744

蕭若元喺度恥笑話得七百幾人（後來激增到三千幾）反對佢收購高登，又話收購成功至搞公投。 幾時老蕭改名做老林，仲做埋公公添，恥笑公投投票率低係林公公，蕭生咁做有乜資格支持人民力量狙擊民主黨，不如收檔吧。收購咗至公投？投條毛咩？你都買咗，你點嘔番出嚟咁？ 高登係經常搞公投，每月之星係公投嘅結果，高登個投票系統一直行得好好，每月都有幾百到幾千人投票，好似高登前途咁大劑，幾萬人投票絕對無問題。咁呀，就由林祖舜以CEO身份舉行公投，由呢個公投決定會否啟動同蕭若元之間的併購談判。 如果蕭生拒絕咁嘅公投，今年選民力量亦唔駛旨意講乜票債票償，自己都走緊數，仲狙擊乜嘢民主黨。

「吳 康 民 讚 彭 定 康 是 出 色 政 治 家 　 周 南 給 比 下 去 2011-07-20 HKT 12:04 前 港 區 人 大 代 表 吳 康 民 表 示 ， 前 新 華 社 … Continue reading →

「即時兩岸 台赴美免簽 李明星：只是時間早晚的問題 2011年07月19日 (11:45 pm) (未有評分)瀏覽人次：330FacebookTwitter轉寄朋友 台美國會議員聯誼會長李明星今天說，台灣赴美免簽證進度循序漸進，美國高層態度積極、正面，免簽「只是時間早晚的問題」。 」 小弟唔知呢位台灣藍營立委有無車大炮，但如果無嘅話，喺台灣有免簽果日，BN(O)都會有美國免簽。 現時亞洲四小龍國家中，新加坡同大韓民國都已經美國免簽，而由反恐風險，到非法入境機會更低嘅中華民國同BN(O)，如果唔係中國反對，己經免簽。但如果現時中國採取台灣免簽歐盟都唔出聲嘅做法，咁美國免簽過關係遲早問題。 有可能BN(O)免簽仲快過台灣，因為照美國技術上，將BN(O)歸併BC處理就搞掂，現時美國電子旅客授權系統，亦預咗BN(O)以至BOTC，只係未啟動。中華民國亦相對容易，因為美國要求有身份證號碼至可以免簽就係。 相反，最頭痛係特區護照，近年中國放咗乜人落嚟香港，大家心照。

今日全世界大部分英文國際電視台都直播我國下議院文化委員會，關於News International連串竊聽醜聞嘅聆訊。 雖然每日電訊報嘅編輯，仍然認為呢次盤問未到肉，但呢次盤問，對香港呢挺議會政治幼稚園嚟講，仍然藉得學習。 1. 要尋求事實真相，就係要議員車輪戰式盤問，否則議會調查就唔會係至高無上嘅尚方寶劍。 2. 由呢次盤問，反映香港保皇議員有幾垃圾，甚至IT Panel主席都唔及格，就係要咁樣不斷盤問，個別盤問，至可以迫到真相出嚟，兩個鐘嘅Panel meeting真係問條毛。 當然仲要仔細分析當中嘅盤問技巧等等，但係呢集歷史性錄影大家好好留低，做教材，用嚟拍戲乜都得。

雖然小弟有好多嘢做，包括應付令人厭惡維基書生黨人。但蕭若元意圖收購高凳呢件事，始終要跟。 雖然蕭若元有n個承諾，但高登網民，甚至唔係高登仔係唔會放心 1. 喺discuss同uwant變五毛論壇，而蕭若元同人民力量關係咁密切。但高登算係政治中立，點解蕭若元要收購高登，係唔係為人民力量消滅社民連同民主黨服務？ 2. 高登係用ISP email註冊，如果果堆資料落入佢手中，有乜後果？ 呢個係我由頭到尾都不會贊成姓蕭嘅收購高登。

「[17/07/2011 21:29:35] mys_721tx: 黄世泽在其blog发布杯葛Hat600和BenMQ的文章之后 [17/07/2011 21:30:23] mys_721tx: 这两位的RfA投票页面上同时出现了理由相同的反对票 [17/07/2011 21:30:42] mys_721tx: 行政员们，这种明显的站外拉票是不是应当干点什么? [17/07/2011 21:31:58] mys_721tx: (party) [17/07/2011 22:25:26] nns161: 最近這幾個小時很明顯… [17/07/2011 22:27:29] mys_721tx: 于是不能这样放任吧 [17/07/2011 22:28:12] nns161: 有幾個人是襪子布偶 [17/07/2011 22:28:40] mys_721tx: 人肉傀儡 [17/07/2011 22:28:44] mys_721tx: CU的话不行的吧 [17/07/2011 22:31:14] nns161: 我看比較像是拉票 … Continue reading →