小弟有啲議題係無論如何都要追斬，其中一個係強積金。小弟寧可抽時間上去立法會panel講嘢都要反對到底。
依家強積金係不知所謂嘅制度，因為強積金可以侷我地俾百分之十入息，但係金融界可以唔駛講績效，蝕錢照收比Private Bank仲要貴嘅management fee，簡直係幫金融界搶我地啲錢，真係好似王弼講，正宗係金融霸權。
正如王弼講，俾錢果班金融界廢柴，不如俾大家供款買盈富基金或者iBond算喇，又無乜管理費，盈富基金嘅績效跟大市浮動。依家政府仲敢提要提高強積金供款最高入息，以後啲搵兩萬蚊左右嘅朋友要供多啲，乜世界？
提示：請將書籤以及友好連結更新到blog.martinoei.com。
