月份彙整七月 2011

繆美詩：大官自白 大家可以睇到，小弟個博客上面有馬來西亞華文同馬來文評論界宗師李萬千喺《當今大馬》停筆前嘅名句，寫時事評論係一個令人情緒波動嘅行業。李萬千係因為寫到要經常食降血壓藥，終要停筆退休。大馬政治尚且如此，中國溫州高鐵撞死咁多人，咁樣搞言論大封殺，都未見一個人出嚟話要起義，大家明白Rachel嘅感嘆從何而來。 相比起中國，查實大馬算唔錯，至少馬來西亞有一堆勇士參與淨選盟2.0嘅運動，大馬政府膠到將催淚彈、水炮等射入醫院，都有一堆人反制，納吉膠極都唔可以太硬膠。但中國呢？比起汶川媒體無支援反抗，比起三聚氰胺事件，無人支援趙連海，呢件事有啲媒體人願意企出嚟，但企出嚟嘅人遠遠未夠阻止荒謬事情繼續發生。咁嘅情況，唔怪得六月飛霜。 呢幾年小弟寫博客改用一種嬉笑怒罵嘅筆調嚟寫，因為我唔想喺一個咁荒謬嘅社會，寫到最終又好似李萬千咁。而我亦唔希望再出現對名嘴、名筆盲人個人崇拜，香港政治已經被一個姓蕭和一個姓黃搞到一團糟。但如果民眾唔自已醒覺，自已行動，膠事會繼續，1911年果個革命仍然只會係白費心機。 提示：請將書籤、友好連結以及RSS Feed更新到blog.martinoei.com，博主即將對wordpress.com的內容關閉討論功能。

「田 北 辰 致 函 溫 家 寶 　 冀 參 與 溫 州 列 車 事 故 調 查 2011-07-30 HKT 12:41 身 兼 全 國 人 大 代 表 的 前 九 鐵 主 席 田 北 辰 … Continue reading →

高登巴打嘅post 本來唔想先丙人民力量，但呢班友實在變成香港政壇一大禍患，非丙不可。 喺旺角東站嘅活動，本來係網民自發，你人民力量可以call人嚟，但唔該唔好又用十幾枝關東旗，然後騎劫咗當係自已。呢種嘢做得太多，以後所有民眾自發活動都要表明，不歡迎人民力量旗幟入場，呢啲政壇攝石黨對香港有乜貢獻？ 友好提醒：請將書籤、RSS Feed以及友好連結更新到blog.martinoei.com

南昌碳豬頭嘅微博 「南昌至长沙D117次动车在离开萍乡站时突然于7号车厢内传出浓郁烧焦味，空调开始吹热风，温度急速上升，乘客们惊恐异常，在大家惊呼中车组工作人员同样惊恐的开始在车内奔走，通知车辆异状。有乘客打喊“快停车”，有乘客跟着喊“还要通知后面的车停车”，部分乘客开始逃入其他车厢躲避。」 雖然最後呢架D117高鐵列車平安抵達，但呢挺嚇破膽嘅經歷真係一啲都唔好玩。點會無喇喇冷氣有燒焦味，然後吹啲熱風出嚟？乜嘢車嚟？ 喺中國鐵路部未搞清楚事發原因前，最好就係唔坐和諧號，我話知你動車定高鐵，呢啲車全部都係危險車輛，無謂搵命搏。 友善提醒：當博主通知主要與本站連結的博客更改友好連結後，martinoei.wordpress.com將會停止更新，並在blog.martinoei.com繼續。 此外，由今天開始，本博一切內容禁止轉載到維基媒體基金會轄下的中文維基百科，任何引用都會被視作違反版權條款。

小弟有啲議題係無論如何都要追斬，其中一個係強積金。小弟寧可抽時間上去立法會panel講嘢都要反對到底。 依家強積金係不知所謂嘅制度，因為強積金可以侷我地俾百分之十入息，但係金融界可以唔駛講績效，蝕錢照收比Private Bank仲要貴嘅management fee，簡直係幫金融界搶我地啲錢，真係好似王弼講，正宗係金融霸權。 正如王弼講，俾錢果班金融界廢柴，不如俾大家供款買盈富基金或者iBond算喇，又無乜管理費，盈富基金嘅績效跟大市浮動。依家政府仲敢提要提高強積金供款最高入息，以後啲搵兩萬蚊左右嘅朋友要供多啲，乜世界？ 提示：請將書籤以及友好連結更新到blog.martinoei.com。

下次喺鏡頭表演前，同新華社溝通吓先，笑咗。 提示：請將你的書簽或友好連結的網址，更新為blog.martinoei.com

北大教授呼吁紧急设特别委员会 调查动车追尾真相 范徐麗泰作為中國全國人大常委，你係時候做嘢。 賀衛方嘅訴求，不單於法有據，而且范太做過香港立法會主席，喺英治年代亦做過立法局議員，她係有參與英式議會Select Committee嘅經驗，依家中國人民期望你以英治時期香港嘅經驗，調查呢次人神共憤嘅大災難，呢個比你走去做特首有意義十萬倍。 如果你依家都尸位素餐，咁你唔駛旨意做特首，因為你丟盡香港人嘅面。 提示：本博己經遷往blog.martinoei.com，請即更新你的書簽及友好連結為blog.martinoei.com，謝！

「【明報專訊】香港公務員團隊過去鮮被中央批評，國務院港澳辦主任王光亞昨日卻直指香港公務員執行強、規劃弱。王光亞接受香港大學生提問時稱，香港「成也英國，敗也英國」，認為香港公務員在港英培訓下，水平很好，但只懂接受及執行命令，即使在回歸後當家作主，也「不知道怎樣當Boss（老闆）、怎樣當個Master（主人）」，力促公務員為香港未來作更多長遠規劃，「不要只把今天的事做好」。」 小弟睇完王光亞呢輪胡說八道，大笑。 乜王光亞咁想香港人當家作主，唔當香港係殖民地咁管，咁非常好，王光亞只要做一件事，即刻達成目標，就係支持HKAM，北京唔好乜都叉隻腳埋嚟，送晒啲民建聯，同埋曾建成呢啲廢物返北韓，同埋改用龍獅旗為旗幟，香港人自己嚟管，我敢拍心口，一定有好好長遠規劃，香港人絕對搞得掂。 近十幾年搞到一鑊泡，唔係公務員無能，陳方安生、王永平等個個有心做嘢，係中國呢班廢柴，包括王光亞在內指手劃腳太多。 提醒讀者：請將你的書簽，以及友好連結，RSS Feed等，更新到blog.martinoei.com

有人真係著到咁嘅款，去坐和諧號嘅列車。 你話佢又要威又要戴頭盔又好，你話佢玩膠又好，玩行為藝術都好，呢幅相充分反映民眾對中國政府嘅徹底不信任，中國鐵路部門己經聲譽陷入負值，砍掉重練都無用果挺。 但人人坐高鐵都戴頭盔果陣，呢個政權都捱到幾耐？ 敬讀者：請各位開始將本博客書簽改為blog.martinoei.com，或友好連結更改為blog.martinoei.com

或容小弟咁講，呢次和諧號喺溫州撞車事件，某程度，係中國版嘅切爾諾貝爾事件，中國由7月23日開始，革命嘅高鐵己經全速開動，唔到中共話停就停。 切爾諾貝爾核電廠大災難之所以推倒蘇聯，因為蘇聯民眾自此對共產黨失去信心，包括咗中高層精英，各加盟共和國都各懷鬼胎，波羅的海三小國嘅自由人鏈等事件，亦係咁樣玩出嚟。溫州呢鋪比切爾諾貝爾更大劑係，呢鋪中共係眾目睽睽下講大話，無恥程度遠超蘇聯。亦因為係咁，日後地方政府公然抗命亦會更明顯。 而溫州特警抗命，對中共嚟講係一大警號，因為對中共嚟講，軍警唔可以為任何理由抗命，只可以忠於黨，但依家係地方武裝力量，以一個人道主義旗幟抗命，如果得到廣泛支持嘅話，對中共嚟講絕對一等大鑊。所以呢鋪溫州特警可以抗命嘅話，日後就隨時解放軍個別旅、連、甚至師抗命，咁基本上槍杆子不在手，筆杆子亦不在手，呢個政權亦係咁先。 但如果係呢隻瓦解，中國亦代表會進入新軍閥割據，就算政權復歸中華民國亦只會係名義上，香港人要有軍閥混戰嘅心理準備，所以HKAM絕非一個開玩笑嘅主張。黑天鵝，己經出現喺各位眼前。 友善提醒：本周開始，會陸續通知與本站有互連嘅blog，包括Rachel嘅妙筆可言，以及林忌嘅每日一膠更改連結網站到blog.martinoei.com，亦請各位開始改訂RSS Feed到blog.martinoei.com