月份彙整六月 2011

今年授勳名單 以下人士獲授勳，簡直反映香港是非黑白完全顛倒，七一唔上街都唔得。 大止驚 「 梁振英 －－－ 　　梁振英長期參與公共服務，表現卓越，尤其在協助香港順利過渡方面，貢獻卓著，並致力推動「一國兩制」的落實，建樹良多。梁振英出任行政會議召集人期間，肩負輔助行政長官管治香港的重任，在制定政策過程中提出精僻見解，表現出色。基於他的專業背景及專長，梁振英致力促進本港專業界別的共同利益，並推動專業人士為香港社會及經濟發展出力，現獲頒授大紫荊勳章。 」 金止驚 「邱騰華 －－－ 　　邱騰華盡心竭力為政府和香港市民服務２９年，成績斐然，尤其在擔任環境局局長期間，在保護環境、能源、保育以及可持續發展等多個領域，表現卓越。邱騰華致力改善環境，建樹良多，現獲頒授金紫荊星章。 鄭汝樺 －－－ 　　鄭汝樺盡心竭力為政府和香港市民服務２７年，尤其在擔任運輸及房屋局局長期間，在制定公共交通和房屋發展政策方面，表現卓越。鄭汝樺積極提升運輸基礎設施，促進物流業的發展，建樹良多，現獲頒授金紫荊星章。 劉遵義教授 －－－－－ 　　劉遵義教授致力參與公共服務，表現卓越，尤其在擔任行政會議成員及對香港高等教育方面，建樹良多。劉遵義教授出任香港中文大學校長期間，帶領大學迅速發展，特別在推動國際化和加強與內地協作兩方面，成績卓著。劉遵義教授並擔任港台經濟文化合作協進會的顧問，致力推進兩地關係發展，貢獻良多，現獲頒授金紫荊星章。」 （小弟按：膠樽獲勳章，係侮辱中文大學） 銅止驚 「余秀珠 －－－ 　　余秀珠熱心參與公共及社區服務，表現傑出，尤其積極為沙田區服務，並致力為弱勢社群謀取福祉，貢獻良多，現獲頒授銅紫荊星章。 梁富華 －－－ 　　梁富華熱心參與公共及社會服務，表現傑出，尤其致力促進僱員權益，貢獻良多，現獲頒授銅紫荊星章。 黃均瑜 －－－ 　　黃均瑜熱心參與公共及社會服務，表現傑出，尤其致力推廣國民教育及優質教育，貢獻良多，現獲頒授銅紫荊星章。 」 榮譽唔知喺邊勳章 「黃錦輝教授 －－－－－ 　　黃錦輝教授對資訊及通訊科技發展貢獻良多，現獲頒授榮譽勳章。 」 呢啲友仔獲勳，簡直教壞細路，以為賣菊花係光榮之舉。

如果胡錦濤以為出兵鎮壓香港人係得嘅話，全中國多得佢唔少。 出兵鎮壓香港人有乜結果，就係中國公然喺國際條約上走數，因為香港現有法理地位係建基於《中英聯合聲明》，以及英國《Hong Kong Act 1985》，一旦中國公然走數，英國就可以做任何嘢，包括啟動BNA 1981 Section 4B嘅計時炸彈條款，香港所有BN(O)變晒BC，同埋國際聲譽盡喪到呢個地步，屆時國際社會想點郁中國都唔會有人可憐中國。 香港唔係西藏，夠膽你就嚟，且怕誰怕誰。

繆美詩：請高官看戲 小弟吹雞叫人上街，相信大家都見得多，但Rachel第一次喺文章中叫人七一上街。 話說小弟讀大學期間，因為跟Michael Davis讀法律，所以成套法理思維模式，查實美國多於英國，未睇電影都知美國人對憲制權利果種執著。美國人捍衛自己憲法權力去到乜地步，JR固屬家常便飯（喺美國無人認為JR係浪費公帑，阻礙社會，係馮煒光呢啲膠人至咁鍾意咁抽水），美國人重視捍衛憲法權力去到賦予人民擁有槍械嘅權力，因為要保留人民針對暴政嘅作反權利，對華人嚟講，美國成套當政府係賊咁看待嘅政制，完全不可思議（所以奧巴馬繞過國會出兵利比亞，即刻膠咗，唔係出兵利比亞正唔正義嘅問題，而係憲制上，出兵就要問國會）。美國憲法有個修正條款叫Due Process（The fourteenth amendment一部分，喺林肯被刺殺審訊中，未有第十四修正案），要剝奪公民權利（例如判監）前，必須經過公正過程。（喺美國，刑事案如果有任何例如嚴刑迫供之類膠嘢，咁打甩嘅機會係九成九，因為用不當手法得到證據，法庭唔會接納，同英國體制唔同） 無論替補機制，定廿三條，香港人都唔可以讓，憲政權利就係不容侵犯，寸步不讓。小弟看BNO平權如此，小弟看公投權利如此，小弟看替補機制都如此。 所以，香港人無理由接受替補機制，我睇法更進一步，公投權利都係天經地義，公投複決從來都係公民權利一部分，香港人打完補選硬仗，係應該爭番公投權。公投權唔係乜嘢激烈嘢，呢個都係憲政權利嘅一種。 後話：要了解乜嘢叫刑事案中司法公義，有套美國電影一套好值得睇，果套叫《十二怒漢》（12 Angry Men），係黑白片，但由一位唔想早收工嘅陪審員，逐步利用討論去發現案件中嘅合理懷疑（reasonable doubts），同樣可以見到，要論斷一個人，或者一個公共政策，仔細討論嘅重要性。任何有意讀法律嘅人，我都推薦佢睇十二怒漢。

年青學人要求政府收回敗者替補的聯署 小弟係有份聯署其中一位學人（小弟呢挺己經轉為商人嘅學者，唯一拎番大學時執教身份聯署），呢度聯署七百學人，各人立場不同，甚至連明光社嘅關啟文，都有份聯署。 我想問林公公同黃大狀，究竟你地推銷垃圾替補機制果陣，有無問為上帝，如果有問過上帝，點解關啟文都認為佢好有問題？ 大家對有啲嘢嘅容忍係有限度，特別政府嘅無理取鬧，七一，係要上街。

「被 問 是 否 憑 良 心 行 事 　 黃 仁 龍 沒 回 應 2011-06-29 HKT 21:54 律 政 司 司 長 黃 仁 龍 與 大 律 師 公 會 會 面 後 ， 晚 上 見 … Continue reading →

「政府說，議員和市民在議會和街頭的抗爭手法，愈來愈激進，於是以收緊議事規則、對遊行諸加限制、規管互聯網等還擊。立法會內擲生果、苦行請願、瞓街示威是否過激見仁見智，但無可否認，市民反對形式和行動升級，是與政府愈來愈霸道表現的惡性互動造成。當中，確有不少人由寫學生報、報章專欄甚至網上討論區和blog開始，到後來「投筆從戎」走上行動抗爭之路。 筆者也愈來愈相信，講多無謂，行動最實際。的確，80後保衞不了天星和皇后碼頭，至少喚醒了市民對本土文化歷史的關注；反高鐵守菜園村，起碼成功為村民爭取搬村重建；千人遊行打小人，迫使財政預算案急轉彎；當然還有03、04年七一遊行，創造歷史奇迹，官員下台，惡法暫撤。在沒有民主制度下體現民主力量，評論文章可以產生同樣效果嗎？」 我發現我啲烏鴉嘴越嚟越得人驚，以上文字，係今日《經濟日報》三十會嘅王兼揚寫嘅文章，你聽過三十會會咁樣發表文章未，唔親眼睇，我都唔信自己對眼。 黃世澤：將立憲派也趕到同盟會那邊去 「呢個故事教訓乜嘢，當連溫和派改革派都覺得好唔耐煩果陣，如果當權嘅唔切實改革結果就係死路一條。蔡子強今日篇文最令我失望係，佢睇唔到依家第四代果種心情，己經係當年晚清立憲派果種心情，連醫生、律師呢啲人都出聲果陣，就係全面革命嘅形勢，只係差條友做導火線引發事變。」 依家果條友己經出現咗，而且唔只一條，即係咁講，己經有人點咗藥引，至於幾時爆鋪勁，大家心裡有數。

罷免書生的第七次投票 「(－)反對，整個這個系列全部是黃世澤保私仇不惜損毀中文維基百科。–Wing (留言) 2011年6月28日 (二) 15:04 (UTC)」 作為維基媒體基金會理事會成員之一，他這番話不單侮辱所有投支持票的人，而且這句話根本去到無中生有，損害他人名譽的地步。 維基中文雖然係佢地惡晒，但呢個世界有啲嘢，唔係你維基惡晒就乜都得。呢班友係乜面目，大家可以評斷吓。

黃世澤：這是親中大校方校友的討論水平 陳志新，至今還欠小弟一個道歉，此君還厚顏無恥到，今年去參選校友評議會主席，此君何德何能。 所以我今年做法很清晰，支持周澄做校友評議會主席，我是周澄提名人之一。在常委中，小弟未有拉票的最後意向，因為幾位候選人都是小弟認識。但主席這邊，我很清楚，Sophie提起當年的事，我更加覺得我決定很正確。 亂咁鬧人偏激的人，思想根本同禮義廉同一路，我點解要投佢票，隨時衰過劉世鏞都似。（劉世鏞己經膠到自己摺埋）

「律 師 會 ： 政 府 應 擱 置 草 案 全 面 諮 詢 遞 補 機 制 2011-06-28 HKT 15:19 律 師 會 會 長 何 君 堯 ， 對 政 府 就 立 法 會 議 席 … Continue reading →

喺中國一片唱紅歌嘅運動中，小弟諗起柬埔寨令人毛骨悚然嘅歷史。 上世紀，世界出過三大仆街主義，納粹主義、共產主義，同埋集中國專政皇權以及歐洲各類垃圾思想於大成嘅毛澤東主義。而毛澤東主義不單搞出中國文革，以及一九八九年北京大屠殺呢兩筆歷史爛帳，仲喺其他國家繼續製造大爛帳，最恐怖正係柬埔寨赤柬，而直到依家，中共都仲未為呢筆爛帳找數。 赤柬最黐線地方喺邊，S-21集中營係有名例子，17000人喺呢度被殺，好多係全家被殺，前政權高官、知識分子固然有，但現政權政敵，到走唔甩嘅外籍人士，一樣全家遇害，而且手段殘酷，先虐待，有病無得醫，然後被殺。 大家諗吓，以依家中國人嘅文明水平，再加上毛澤東思想嘅毒根本無清過，一旦中國大亂，香港無獨立自治，會唔會出現類似S-21嘅人間地獄。北韓（另一個中國欠落人類社會嘅大數）都搞到咁，咁大家諗吓之後會點。 所以依家中共嘅官員，將財產子女等全部轉到西方國家，因為佢地自已最清楚，佢地用嘅垃圾思想，究竟有幾得人驚。