月份彙整四月 2011

最近有一位膠人，喺報紙大發偉論，建議好似《種族歧視條例》咁，將中傷「新移民」（查實只係中國南來新移民）列為刑事罪行。 呢位阿伯偉論，睇到唔知要話佢係陽性港獨，定係中國殖民走狗： 1. 如果呢位阿伯要將新移民涵蓋入《種族歧視條例》內，港府當年唔將「新移民」涵蓋入《種族歧視條例》果陣講得好清楚，中國南來新移民，同大多數香港人屬同一種族，佢要咁做，即係1997年之後移民落嚟，持中國籍新移民係另一個種族，咁唔好講乜嘢大部分華裔BNO都係中國血統，物物乜乜屈個中國籍俾華裔BNO，如果中國當局撤除華裔BNO中國國籍，咁你想將新移民涵蓋入《種族歧視條例》，當然歡迎之至，因為呢批BNO即刻變英國公民，大家要多謝呢位阿伯添。唔知呢位阿伯，係咪當仁不讓想做港獨英雄，如果係嘅，我一定成全佢。 2. 如果呢位阿伯要求另立法例，禁止仇視「新移民」，係咪想搞白色恐怖，搞台灣以前果套外省人碰不得嘅玩法，將本土認同民主自由價值嘅香港人，一句「仇視新移民」又拉又錯，乜仲勁過廿三條。咁呢啲就唔叫港獨英雄，係中共殖民統治香港嘅走狗。 一講到本土問題，隱性港獨有幾多浮上水我唔知，但隱性中共打手又一件上水，我睇緊仲有幾多件擦鞋擦唔切嘅友仔，排隊咁上水。

「上 海 數 千 名 貨 櫃 車 司 機 連 續 第 二 天 罷 工 2011-04-21 HKT 21:20 上 海 數 千 名 貨 櫃 車 司 機 連 續 第 二 天 罷 工 ， 抗 議 … Continue reading →

The Sydney Morning Herald: Revolt in China only a matter of time: analyst Will Hutton講嘅，相信對唔少澳洲人或者紐西蘭人係天方夜譚，但呢個博客嘅讀者，知道今日上海同寧波玩到貨櫃港大罷工，都應該知道Will Hutton所言非虛，甚至係極有道理。 事實上係，人民幣匯價咁高落去，加上高通脹等因素，就係乜工業都玩唔落去，又點維持經濟增長，唔通啲增長係魔術變出嚟。而上海貨櫃車司機阻塞港口事件，明顯係一大警號，依家中國出事係遲定早嘅問題。 所以如果你係廠佬，將工廠搬返嚟香港，或者南洋都係時候。就算你有貨，好唔好用長三角港口，你要諗清楚會唔會無厘頭嚟劑大阻塞，然後玩到半天吊。

喺依家成街嘅人，都周圍搜購Hitachi嘅硬碟，因為大家都對Western Digital欠缺信心。而Seagate今日又宣佈食咗Samsung嘅硬碟部門，全世界剩番兩間半硬碟公司（東芝只做2.5吋），個搶購形勢會加劇。 由依家到SSD普及前，相信都有一段大家要煩無可靠硬碟可用年代，因為Seagate同Western Digital嘅可靠性都被人媽到飛起，而且硬碟價值喺市場剩番兩雄爭霸之下，應該會貴番啲。 只不過Seagate嘅併購申請嚟得太快，而Western Digital同Seagate各自嘅合併申請都係未過反壟斷法審查，隨時結果係是但一單收購案被否決。而Western Digital同日立嘅併購案被否決機會大過Seagate，因為三星喺硬碟市場上係最勢弱果個，監管當局否決理由唔強，但Western Digital同日立係旗鼓相當，監管部門否決嘅誘因大好多。 但可以肯定係，復活節砌機黃金檔期，未必咁易買到價格合理嘅日立硬碟。

「政 府 稱 駐 東 京 經 貿 辦 代 表 按 程 序 獲 批 休 假 2011-04-19 HKT 19:04 有 報 道 指 特 區 政 府 駐 東 京 經 濟 貿 易 辦 事 處 的 … Continue reading →

蘋果日報：少女塗鴉實錄 林忌：柏林圍牆與《福佳》 對歐洲人而言，你曾偉雄周圍想拉塗鴉少女，思想己經係東德級數。香港作為中國版嘅「西柏林」，大家只會自發玩膠，玩到你條友膠到極為止。因為你曾偉雄做嘅事，同當年東德班獨裁者根本係一模一樣。如果我倒轉嚟嘅玩法，就係香港街頭果啲財務公司街招，我一定告晒做刑事毀壞，如果少女塗鴉叫刑事毀壞，咁果啲大耳窿街招係乜㗎，曾Sir，可唔可以摸吓你個禿頭解釋吓咁。 小弟可以咁講，塗鴉少女可能比香港好多「抗爭人士」都有腦，甚至可能對歐陸一套所知甚深，因為佢依家做法，同林忌筆下當年反抗柏林圍牆嘅鬥士係一樣（呢個亦係點解我話曾偉雄玩東德邏輯）。甚至可以咁講，香港越嚟越多人知道歐陸派嘅一套，並且付諸實行，呢樣嘢喺其他華人社會都未見過。以往香港人多數只係認識歐陸、英國文化表層，用嚟操縱華人嘅東東，依家香港人開始將歐陸、英國文化過往殖民地政府唔想我地知嘅部分掌握，並且成為對抗中國獨裁政權嘅工具。 當中國獨裁政權倒下時，小弟可以肯定，這名塗鴉少女將是名留歷史其中一人。

新加坡今年可能會舉行嘅大選，同埋馬來西亞砂磱越州議會選舉，兩者表面上毫無關係，但事實上，兩者暗地裡有一定關係。 大家會發現一個現象，就係新加坡依家討論緊走兩黨制，特別《聯合早報》俾工人黨嘅篇幅，明顯係多過以往唔少。對於人民行動黨嚟講，兩黨制除咗要準備李光耀去世後嘅新局勢外，另一方面，亦同大馬民主行動黨越嚟越勇不可擋有關。 經過咁多年東征西討，民主行動黨喺都會地區己經係相當變態一股力量，今次砂州行動黨派十五名候選贏十二席，成為民聯成績最強的一隊，如果唔係公正黨硬膠，同砂拉越國民黨兩敗俱傷，協調失敗，我諗民聯一早有三分一席。而今年唔可能提早大選，因為一提早大選，隨時連柔佛州都奉送行動黨，甚至搞到政黨輪替，完全唔講得笑。 如果民主行動黨/公正黨/回教黨執政，亦即係李光耀馬來西亞人的馬來西亞實現，如果人民行動黨返去馬來西亞玩政治，依家呢班日日不戰而勝嘅友仔玩手指呀？所以對新加坡人民行動黨嚟講，可能有一個實力相當嘅工人黨陪佢一齊玩，至少有練兵作用變咗好重要，因為剩低李資政身經百戰，但李光耀一騎鶴西去，真係可以有打逆境波經驗，成個新加坡剩番個劉程強加林瑞蓮，詹時中都老到要退休，大佬，點掂呀。 大馬民主行動黨打咗咁多年逆境波，己經練就一身選舉功夫，加上李光耀年事己高，今年新加坡大選，好可能係開始面對真正後李光耀年代嘅開始。如果工人黨可以攻入一個集選區，代表佢地有跨種族嘅實力，咁樣基礎上發展兩黨制，可能係最佳方案。民主行動黨嘅跨種族代表性有待提升，呢個造就人民行動黨同工人黨有機會繼續喺新大馬玩政治嘅優勢。

台灣經濟部，己經明顯警告馬尼拉海溝有機會搞出九級大地震，學者都係咁講。 馬尼拉海溝搞出大鑊嘢，除咗危害台灣四個核電廠外，仲未計中國廣東沿岸果堆，包括大亞灣、嶺澳、陽江等等。台灣都開始討論點防備果陣（當然最穩陣方法係台灣停用核電，按步就班停用核電廠）。我想問，香港有乜計劃？ 我完全認為，香港班官己經係狀況外。

港核投指大亞灣核電廠排放「氚」屬正常程序 如果大亞灣係同福島第一原發一樣，係用沸水式（Boiling Water Reactor）嘅話，比較少出現氚嘅機會，因為冷卻劑中唔含硼砂作為中子捕獲劑，產生少好多氚，但如果都係發現各類放射同位素，即係成個過濾程序不當要停機。因為Boiling Water Reactor用嚟冷卻嘅水，同埋用嚟製造蒸汽嘅水，係同一堆水嚟，咁既然水係流過反應堆，就難免有一啲核反應嘅殘餘物，咁係要小心處理。 但依家大亞灣係用壓水式（Pressurized Water Reactor），加咗七十個大氣壓同硼砂嘅冷卻水，同用嚟推動發電機嘅蒸汽用水，係兩個唔同迴路嚟。依家唯一解釋係，大亞灣曾經排出過用嚟冷卻反應堆嘅水，點解要排出冷卻反應堆嘅水先？呢個關鍵問題到依家無人答我喎。 以下論文，可以俾大家判斷一下，大亞灣有乜問題 Radioactive Rivers and Rain: Routine Releases of Tritiated Water From Nuclear Power Plants 「Tritium is also produced, in greater quantities, in the fuel rods of both PWRs and BWRs from … Continue reading →

BBC海外電視英語廣播用嘅Countdown 中國中央電視台新聞頻道嘅Countdown 亞視點解揀BBC嚟抄，因為中央電視台自己就係抄BBC Countdown，連埋最後幾秒嘅報時聲都抄埋。 BBC係一個比較過癮嘅電視台，一啲電台殘留嘅習慣留咗喺電視，當中包括經典嘅報時訊號，電視理論上係唔需要報時訊號。中央電視台無BBC本身由電台變成電台兼電視台嘅歷史，所以留埋報時訊號，仲唔抄襲抄到阿水都知。所以BBC World News Countdown最後一幕出現，係北京天安門廣場，明寸中國。 我想問，中央電視台班友知唔知醜字點寫？ 後話：喺咁多新聞台中，用theme music做得好，除咗BBC，就係半島電視台英文，當然亦都同半島電視台英文好多人都本來嚟自BBC有關，所以半島電視台英文用嘅口音，都係英國口音。