月份彙整三月 2011

「 邱騰華稱有必要增加核電等清潔能源供應 (商台)2011年3月21日 星期一 09:09 環境局長邱騰華 在立法會 一個會議上指，明白日本 福島核事故，令本港市民對核能安全產生憂慮。不過由於現時本港超過一半電力來自燃煤發電，造成空氣污染，長遠有必要增加核發電比例，建議目標是２０２０年提升至百分之五十。政府會留意福島事故成因，強化核電安全，而內地亦保證會加強核設施安全評估，提升市民信心。 」 邱騰華認為核電咁清潔嘅話，不如佢做福島死士對人類貢獻比較大，亦身體力行證明核電係清潔嘅。所以我建議將邱騰華直送福島核電廠得，唔需要留喺香港做環保局長，搵我地條命嚟做賭注。 好彩佢唔係東京電力高層，否則人類多得佢唔少。

講日本嘅民族自治文化，好多人都越講越亂。好多人都唔明，點解日本人可以個政府係廢嘅情況下，都可以自己搞掂自己。有幾樣嘢，小弟可以提點大家做參考方向： 1. 日本個體制，喺歷史上大體係承襲中國唐朝體制，甚至官名、政府部門名，例如乜乜省，乜乜都知事，全部都係唐朝嘅遺留物（中國反而無晒）。大家都知唐朝體制最出名就係由得下面啲地方軍人自把自為，所以唐係亡於節度使、藩鎮之間大混戰，去到宋朝就開始中央集權，集到依家共產黨為止。而日本就一路都無改過個系統，連江戶幕府都係一堆藩鎮嘅雜湊物，去到幕府後期，長州、薩摩藩自把自為到唔係自己擅自開炮打西方打出膠，就係自己向怡和洋行買武器打幕府（你試吓喺中國做啲咁喪嘅嘢，唔被人打到變豬頭？）。所以地方強中央弱，長期以嚟係日本嘅特色，係明治天皇改元號到二次大戰戰敗呢段時間，真係實踐過中央集權，呢樣大家必須注意。 2. 日本文化除咗受中國影響，仲有一個好大影響來源係荷蘭。睇荷蘭波都知荷蘭佬作風，做咗預咗唔一定得，或者打咗唔知幾多折，但唔做就一定唔得，所以日本人好多嘢會一定會試，明知可能死都搏一鋪，呢樣嘢係中國文化無嘅，但荷蘭文化就好清楚，否則無十上十落，或者戰至最後一兵一卒嘅荷蘭足球。好多哈日人士，係忽略咗荷蘭文化，對日本文化有一定影響。呢樣嘢，真係要搵個歐陸派，或者好似小弟咁，本身都有受荷蘭影響至明白（印尼前宗主國係荷蘭）。 小弟唔係哈日族，我都係認為日本就二次大戰道歉至可以做番正常國家。小弟嘅日文，絕對係有限公司。但小弟對日本文化了解，係用番對中國古文化，以及荷蘭文化了解入番去睇。本來對華人嚟講，日本文化最容易理解，但好多時討論都變咗一舊膠，呢個有可能係諗嘢方法有問題。

喺福島事件後，連小弟認識一啲好憎陳水扁嘅人，都認為當年陳水扁有一項決策，相當有遠見，連偏藍嘅人都欠其一個公道，就係停建核四。 當年蔣介石引進核能，既有發展核武嘅軍事考量，又有防止台灣因中國封鎖水域而達到能源自給自足嘅戰略思考，我唔可以話老蔣全錯，老蔣喺佢嘅年代嘅時空，佢引進核一、核二、核三係有道理。但到咗陳水扁年代，太陽能同風能都可以充分發展下，仲堅持建核四就黐線，特別台灣核電佔全國發電比率得兩成果陣，你仲建核四個腦唔知用乜嚟做。特別核四喺測試果陣，後備電力試過唔work廿八個鐘，大佬，咁樣足以重演福島核災難呀大佬，咁嘅核電站你點用得落呀。 另一方面，核一廠用嘅GE Mark I反應堆設計，同福島第一原子力發電所第一機組一樣，呢個GE Mark I機組設計係有問題，所以核一廠絕對唔可以延役，夠鐘就停用，因為己經唔係安全設計。就算用GE Mark III嘅核二廠，同埋用Westinghouse設計嘅核三廠，都要做Stress Test，決定可以用到幾時。 依家台灣要做，係充分運用台灣陽光充沛，同埋風力充足嘅優勢，發展可再生能源發電。由於核電只係佔百分之二十，呢個空位係有能力填補得到。講真，有部分國民黨人嘅腦殘思維，我己經完全唔識評論。

雖然依家睇福島事態受到控制，但係英國駐日使館仍然向留守東京嘅BNO同BC派碘片，亦有BNO領取碘片嘅報告。 依家問題嚟，保安局幾時打算向持特區護照嘅友仔派碘片。 雖然碘片唔係神丹，只係以防萬一，但對決定留守嘅人，派碘片亦係合理安排。連碘片都唔曉派，你呢個政府執咗佢吧。 唔知有無記者，明天港府記者會上，質一質阿黎棟國。

東方日報：港或承認內地醫科資格 「【本報訊】醫院管理局與醫生工會就解決醫生人手流失問題，仍未能達致全面共識，食物及衞生局局長周一嶽昨稱，當局已作出大幅度讓步，是合理的處理方法，更稱不排除考慮承認內地醫科畢業生的資格，以增加本地醫生人手供應。」 黐線架，中國學歷做假程度，中國醫生嘅醫德，大家都知發生緊乜事。 依家中國醫科畢業生，可以考香港醫務委員會試，但點解佢地嘅及格率咁低，係連可以用中文考嘅Part I都唔高，有啲嘢大家心知肚明。 查實香港要增加醫生供應，恢復英治年代承認英聯邦醫生就得，好明顯周一嶽做緊另一樣嘢。所以中國醫生來港，小弟絕不接受。

http://www.fco.gov.uk/en/travel-and-living-abroad/travel-advice-by-country/asia-oceania/japan 「Stable iodine The British Embassy is distributing iodine tablets as a contingency measure. Scientific advice is that the tablets should not be taken in the current situation. You will be issued with sufficient stable iodine for two doses. There … Continue reading →

每日新聞：＜福島第１原発＞水道水に微量放射性物質　６都県 「調査によると、上水に含まれる放射性物質は▽栃木県（放射性ヨウ素７７ベクレル、放射性セシウム１．６ベクレル）▽群馬県（同２．５ベクレル、同０．２２ベクレル）▽埼玉県（放射性ヨウ素０．６２ベクレル）▽千葉県（同０．７９ベクレル）▽東京都（同１．５ベクレル）▽新潟県（同０．２７ベクレル）。文科省によると、７７ベクレルの水を１年間飲み続けても、胃のレントゲンを３回受けたのと同じ放射性物質を摂取するレベルという。」 雖然未超標，但自來水含放射性碘絕對唔係乜嘢好兆頭，因為甲狀腺會吸收咗佢，所以依家喺安全劑量都好，我建議係家仲喺未撤出東京嘅人，避免飲自來水，樽裝水雖然難買，但可能依家相對安全。 碘131嘅危害，可以參考以下中文《華爾街日報》嘅文章 如何免受放射性物質危害及碘化鉀知識普及 「低劑量的碘-131能夠降低甲狀腺的活躍程度，減少甲狀腺的激素分泌量。使用放射性碘元素時，醫生必須在由此引發的風險和帶來的好處之間維持微妙的平衡。一方面，少量、額外的攝入可能破壞人體自身的平衡，促進癌細胞的形成。另一方面，這種低劑量的額外攝入能夠使過於亢奮的甲狀腺活動減緩，從而使人體恢復健康並改善健康狀況。」 除非你本來就係甲狀腺亢奮，否則東京嘅含放射性碘嘅水，對你身體健康有害無益。 依家絕對有必要向東京發黑色警告，雖然東京嘅自來水放射性碘未超標，但己經對細路仔，以至部分人構成危險。小弟呼籲仲喺東京嘅英國國民，儘快離開。如果你有朋友仲喺東京，勸佢地離開，用含放射性嘅水嚟沖涼都唔係乜嘢好事。 如果李少光仲唔做嘢，叫佢定居東京，日日飲含放射性碘。（或者全港市民請佢去福島都可以）

吳偉明：東日本毀滅論？! 俾我係吳教授都火滾，將明明政府內部嘅預計，當成真嘅新聞嚟報。 1. 作為一個負責任政府，東日本全毀可能性就算得1%，政府都要做沙盤推演，以防萬一。係得中國人嘅政府，甚至部分膠到無朋友嘅中國人，以至香港中年硬膠，對呢啲1%或然率情況，認為唔需要有任何防範，否則都唔會香港十年都無一次大亞灣意外演習。應付一啲uncertain嘅問題，要有相對方案，呢個係菅直人嘅工作。 2. 香港傳媒嘅標題，亦明顯將東日本全毀，同日本遷都，包括重心西移可能性搞混。呢次事故可能唔會搞到關東各地唔住人，問題係好似今日嘅報導，福島縣嘅牛奶、茨城縣嘅蔬菜受輻射污染唔賣得，東京個糧倉出事至係問題。東京人口咁密集，唔通乜嘢物資都由關西、九州完全支援？呢個問題，係日本人需要思考嘅問題，但唔係誇張到東日本全毀。東日本依然存在，但有無能力負擔以往咁大的角色係另一個問題。日本可能遷都唔會係呢一兩個月嘅事，但等到福島事態解決之後，最後查過搞出幾大嘅大頭佛，呢個問題實被人拎出嚟討論。 傳媒報導加鹽加醋嘅問題，同盲搶鹽嘅問題基本上來源一樣。呢個OS問題，認真頭赤。

黃世澤：日本社會與大社會 「简单而言，“大社会”所涉及就是一个社会对公私分工划分的无形社会契约，日本由幕府年代开始，各地就已出现一些民间自治机制，直至明治维新废藩置县，以及出现民权运动，再到二次大战战败后，美国为日本设计现代宪政制度，当中经历很多的波折，才有今日的日本社会局面。同理，英国要实行“大社会”，亦肯定须对英国朝野间对“撒切尔（夫人）主义”、工党国有化各大企业的时期、公私角色的分野等议题进行讨论和反思，而英国在此过程中也无可避免地会对政府的角色作出激烈的辩论。」 呢篇亦某程度上，係我喺港台《講東講西》想講其中一樣嘢。 呢篇文章原先係用英文思考（草稿係英文嚟），亦本來係為英國人同南洋人嚟寫，但呢篇文最後喺中國討論最多。 因為本來抗災其中一個前提，就係當政府權力消失時，即使係暫時消失，你到底可以點做，而日本長期有呢個準備，本來呢篇文章暗示一樣嘢，除咗討論Big Society嘅概念外，仲有就係新加坡一旦有危難往何處去？對小弟呢個南洋人，一定會思考呢個問題，所以呢個討論，同時適合中國或者香港。 無自治能力嘅社會，唔好話民主，喺災難後生唔生存到都成問題。

我依家有理由相信，香港保安局架包機，查實係英國佬迫出嚟。 因為福島局勢無點惡化，點解突然有包機 請睇兩樣嘢： http://ukinjapan.fco.gov.uk/en/help-for-british-nationals/travel-advice 「The UK government has organised a fight from Narita Tokyo airport to Hong Kong for British Nationals and their immediate family who wish to leave but are unable to secure tickets for a commercial flight. This … Continue reading →