月份彙整三月 2011

我諗除咗中國呢挺國家，對於要用正常手段集資嘅私營機構，福島事件後要借錢建核電廠，將唔會咁容易。 喺福島意外後，東電嘅中短期CDS就狂升，一度升到成四百幾點子。但長期CDS大致上同日本主權CDS差唔多，因為大家賭東電同日本航空一樣too big to fail，有可能因為賠得太勁，搞到要被日本政府國有化。既然國有化，又點會default（東電股價當然食瀉藥，國有化隨時係黐牆紙收場）。 但係日後有核電嘅公司發債會好頭痕，因為核電係一係無事，一有事就賠到甩褲都唔掂，結果核電安全紀錄，透明度會同債券評級，發債成本掛鈎。好似法國EDF，日本東北電力呢啲用核電無事嘅公司就會影響唔大，但好似中國果堆核電廠，透明度差成咁，你叫投資者點避風險？ 咁睇法，電能實業會比中華電力穩陣，因為電能實業寧願承受油同煤波動風險，都唔投資核電（當然亦因為佢持有赫斯基石油，事實上對沖咗風險）。有時大家好憎李氏力場都好，李嘉誠喺風險管控方面有佢一手。

「當 局 擬 規 定 網 吧 領 牌 　 午 夜 後 不 得 招 待 16 歲 以 下 人 士 2011-03-31 HKT 16:37 民 政 事 務 局 建 議 為 網 吧 制 訂 新 法 … Continue reading →

啱啱見證完，最後一班由中環開去紅磡嘅船開走，我諗呢條線會走入歷史（除非短時間集到資開間新公司）。 小弟諗過集資開間公司搞呢條線，但後嚟發現一樣嘢，就算有，姓鄭條八婆都唔會批條線，因為佢根本要搞唯鐵獨尊。 正如專線小巴公司申請加座位換唔加價，政府諗盡計唔批，原來係為港鐵加價鋪路一樣，紅磡至中環線有可能威脅沙中線，所以政府就要佢死，件事就係咁清楚。香港依家主管交通嘅官，簡單嚟講唔係處理交通問題，只係諗點樣官商勾結。 所以睇住嚟，膠嘢唔只一樣，如果唔係尖沙咀至中環嘅天星線仲有旅遊價值，政府一早整死咗佢。

香港文匯報：魚目混珠：網友狂踩社民連 郵址「連累」中聯辦 「不過，香港文匯報記者為此特意上中聯辦的網站查證，發現中聯辦的電郵都採用「@locpg.hk」為地址，而非「tiffany_chan」所用的「xxx@locpg.gov.hk」，相信是有人用與中聯辦非常相似的電郵地址，在討論區內註冊發言，至於是否有意要讓人向中聯辦方面作聯想，只有發言者自知。」 本來呢單嘢，大家睇完笑咗就算，點知中聯辦裡面定文匯報內有大量曲線人士，定係中聯辦好恨得到每月之星榮銜，硬係要月底發功，寫咗呢篇報導。只不過，呢段有兩個問題。 1. 根據HKDNR嘅規矩，要註冊個gov.hk嘅domain，係要政府部門嘅證明文件，我想問除咗真嘅中聯辦，邊個咁把炮拎到gov.hk domain。 2. 但更膠嘅，請睇林忌facebook個cap圖（證實係高登網友提供） 兩個domain用同一個IP，咪硬膠喇，中聯辦派五毛上高登，呢鋪真係證據確鑿，呢啲唔係不打自招又係乜？ 3. 但係根據WHOIS資料，根本無人走得甩： LOCPG.GOV.HK Registrant Contact Information Holder Name(English) (It should be the same as the registered/corporation name on your Business Register Certificate or relevant documents): LIAISON OFFICE OF THE CENTRAL … Continue reading →

自由時報：台灣地熱發電量＝2.7座核四 對日本、台灣呢類有可能面對十幾米高大海嘯嘅國家，核能並唔係選項，相信日本日後好難有新核電廠，正所謂見過鬼就怕黑。 只不過，上帝好公平，有海嘯之類問題影響嘅地區，往往正係有極其豐富嘅地熱能。就算風能、太陽能唔夠，地熱能己經解決好多問題。至少地熱，係唔會有嚴重核輻射問題。 對一啲無法國咁刁民傳統嘅國家，用地熱好過用核能。法國係八成半有核電，但係法國係一個乜都投訴，全國會派定碘片俾國民嘅國家，香港係唔係？

鄧光榮去世，對好多人嚟講係娛樂新聞，但對小弟嚟講係政治新聞，因為鄧光榮係黃雀行動，可能講係中國歷史其中一場最艱難嘅營救行動策劃人之一。黃雀行動幾位指揮，梅艷芳、鄧光榮同司徒華，皆己仙遊。 雖然以台灣政治角度，台北圓山個忠烈祠終有一日都要搬返南京嘅，問題喺大政奉還中華民國仲未實現之前，都要將一啲涉及中國民主運動嘅偉人奉供喺忠烈祠，呢個係彰顯正義嘅問題。而司徒華、鄧光榮同梅艷芳喺黃雀行動嘅功績，足以可以喺辛亥革命一百週年呢一年入祀中華民國國民革命忠烈祠。一九八九年果陣中台之間嘅關係仍然緊張，三人可視作協助與敵鬥爭之事而論。 後話：我順便要回覆一位喺呢個博客作出騷擾性動作，我懷疑條友應該去食藥嘅台灣人。 聯合報：春祭國殤／陸皓東孫女：祖父理想在此實現 「陸淑貞以粵語致詞，張進昌、王崇文分別以賽德克語、閩南語致詞，王應文以國語致詞，展現對歷史多元性的尊重。」 陸皓東嘅孫女係用香港人用嘅粵語致詞，因為陸皓東係中山人，而陸皓東同孫中山一齊喺香港受洗信基督教。好多當時嘅香港人，甚至南洋人都有份資助革命，甚至參與革命，好似喺台灣搞抗日運動嘅羅福星，就係雅加達出世。國民黨依家對共產黨唔爭氣到呢個程度，香港人同南洋華人絕對有資格鬧爆國民黨。果條叫fasb0031@ms29.hinet.net嘅友仔，有病就去食藥喇。除非國民黨今日宣布唔做中國黨，又作別論。呢個世界無又要國民黨嘅貞節牌坊，又可以走去投共咁著數嘅事。

德國之聲：Greens force historic change of power in German state elections 喺一個月前，你話Baden-Württemberg政權會易手到綠黨，都無乜人信，因為呢個州係基督民主黨（CDU）嘅鐵票州，CDU可以執政五十八年，你話有幾鐵。 但福島核電危機，將CDU政權一夜推倒，我可以講，德國將會向全面無核化進發。 德國核電意外，以歐洲標準而論唔算多，而且上鋪出事可以己經追溯到八十年代，甚至東德用果堆俄國設計反應堆都無事，但由於德國嘅內陸國家環境，核能真係出事就真係非常之唔得掂，所以十年前社民黨同綠黨共同執政果陣，都己經寧願暫時燒多啲煤，都要推廣可再生能源，最終達致無核化。 CDU其中一項主張係延遲關閉核電廠，本來對Baden-Württemberg呢類富裕大州都未必有大礙，但係福島意外之後，德國人小心嘅性格話俾佢地聽就係核電爆咗煲，隻鑊大到無人孭得起。德國人對一啲大鑊到爆嘅嘢，係採取死都唔好用態度，同法國佬係唔同。所以結果就係，CDU輸到甩褲收場。 所以台灣國民黨仲支持核電嘅話，除咗果啲有美國居留權唔負責任嘅友仔，不分藍綠嘅中產都可以會寧願支持反核政策嘅民進黨，因為隻鑊實在大到太離譜。

台灣國立中央大學：2011日本大海嘯之初探與省思 「南中國海的東側為菲律賓呂宋島，呂宋島與台灣僅一海峽相隔。其西岸為惡名昭彰之馬尼拉海溝。該海溝被美國USGS評定為全球最活躍之海溝，該斷層長度極長，與南亞海嘯之斷層雷同，長度皆約1500公里，並且為隱沒型板塊，為歐亞版塊隱沒至菲律賓海版塊。GPS量測結果，每年板塊約以0.87公分錯動，屬活躍斷層。加上從1560年代菲律賓有文字記錄以來，竟無大地震之記錄，甚至近年之監測亦無規模8以上之地震發生。這與南亞大海嘯或是福島大海嘯很像，地殼下的能量不斷在蓄積，非常危險。根據地震重現期分析，馬尼拉海溝發生規模8.5的地震，其重現期為205年，而規模9.0則為667年。由以上的數據可發現，去掉過去440年的人類記錄歷史，面前只剩兩百多年的時間來發生規模9.0的超級地震，而規模8.5的大地震早該卻尚未發生。需注意，這僅是人類記錄的部分，對於440年以前是否有發生大地震則不得而知。更甚者，地震規模又與板塊錯動量有關。前述提到該區域以每年0.87公分錯動，若乘上440年，則錯動量已高達38公尺。南亞海嘯之錯動量為20公尺，而歷史上排名第一的1960年之規模9.5智利海嘯，其錯動量為40公尺。由以上數據可知，馬尼拉海溝已蘊藏相當可觀之能量，未來可能爆發大地震。 」 小弟一直擔憂嘅事，台灣一直有清楚研究分析，而這篇文，講明咗香港離九級大地震引發嘅海嘯，根本一啲都唔遠。 依家政府成日話香港海嘯機會好微，地震機會好微，但依家台灣嘅警告好清楚，馬尼拉海溝己經蘊藏可觀能量，而我地根本唔知幾時會爆劑勁。而根據台灣嘅推算，如果海嘯十三分鐘到高雄、屏東一帶嘅話，香港有嘅撤離時間，我估得一個鐘左右。 作為當政者，如果仲忽略呢啲問題，我地或者我地嘅子孫一定為呢挺重大忽略付出沉重代價。

「曾 偉 雄 稱 成 立 小 組 聯 絡 示 威 者 非 打 壓 2011-03-26 HKT 21:50 仇志榮報道 警 務 處 處 長 曾 偉 雄 表 示 ， 警 方 成 立 5 人 小 組 主 … Continue reading →