月份彙整二月 2011

除咗北京大屠殺，應該無嘢離譜得過利比亞大屠殺。卡達菲旗下嘅傭僱兵，用導彈、戰機嚟屠殺平民都夠膽死。 不過，正正因為係僱傭兵做，所以利比亞本土軍隊，有人變節投向歐盟，有人直頭同示威者聯手控制第二大城市。簡單嚟講，利比亞己經內戰，無法律可言。而如果情況持續，特別利比亞多個使館己經變節，國際社會以撤僑為名派兵介入遲早問題。 由於卡達菲喪嘅程度，係人類歷史上最黐線一次之一（但超唔過北京大屠殺，因為北京大屠殺純粹自己人殺自己人，絕對反人類），所以歐盟、美國根本無時間思考出兵。但由於由卡達菲呢種例子，日後遇上同類事件，我諗國際社會可能會干預，因為無超乎人類可以接受限制。 可以咁講，如果中國再敢出解放軍屠殺群眾，特別喺香港、北京、上海呢啲，示威者中隨時有一打外籍人士嘅地方，等打世界大戰都得，我唔係講笑。 後話：據新浪微博消息，中國外交部同大使館全部都係廢料嚟，當地中國僑民依家係自力救濟，但小弟忠告係，唔識揸槍都要揸槍，因為依家係森林法則行事。至於英國國民，葡萄牙己經派人撤僑，根據歐盟嘅規定，唔理揸邊款英國護照，有無寫EUROPEAN UNION嘅情況，都可以跟歐盟嘅大隊走。唔理三七廿一，著草先講。BN(O)喺呢個情況，一定比中國護照有用。

2月20日的茉莉花革命終於暫告一段落，雖然出來的人數比不上中東，但比小弟預計來的人要多 只不過，對民眾沒有輸太多（只是異見人士就比較慘），中共就輸得要命。 茉莉花革命這場惡作劇嘅規則，就是「認真就輸了」，政府如臨大敵一樣嘅話，就會輸得很難看，而這次中共全民動員嘅程度，令不少人真的信以為真，結果達到這惡作劇設計者嘅主要目的。 任何loophole一經暴露就補不了，看來周日中國的公檢法部門都忙得很，想放假，等老共倒台再談吧，哈哈哈。

「【本報訊】「香港如果沒有大陸，你們香港吃屎喇！」這是接待內地來港旅行團的導遊，近年不時被客人指着鼻子罵的說話。對於港澳兩地接連發生導遊與內地旅客爭執，甚至有旅客向導遊動粗，有香港導遊指內地旅客氣燄日盛，皆因他們都認為：「香港經濟不景，香港政府甚麼都要靠大陸；我們來旅行，是來幫你」 這種言論，根本是徹頭徹尾的殖民主義思維，把香港當成中國殖民地。事實上，這種殖民主義思維，不只於在旅遊，在華文維基，中國維基人動輒對香港和台灣相關條目提刪，以至在「香港回歸」條目，有人強辭奪理的表現，完全反映中國殖民香港，不單官方的想法，也是部分人的真實想法。 因此，這些遊客越多，就越會激起香港人的反抗情緒。小弟認為，有必要對張勇夫婦列作不受歡迎人物，他們來香港一律不招待。而小弟，一向以來這樣對中國遊客： 1. 中國遊客問路，拒絕回答（我懂華語都不回答） 2. 中國遊客的違規行為，小至亂拋垃圾，中至在港鐵逃票（我在旺角港鐵站試過當眾帶著港鐵人員捉中國來的逃票人員），一定舉報 大家明白台獨是怎樣來的嗎？相信大家現在會有自己的理解。簡單而言，小弟不會歡迎這些入侵者。

本來2月20日，有無乜嘢茉莉花革命，或者叫香片革命喺中國發生，有無人搞都唔知。只不過，成件充滿高登風味嘅玩膠事件，有無人真係搞都唔重要，反正己經成功弄膠成真，日後呢類整蠱中共嘅事件，只會無日無之，玩到你中共鑄成大錯為止。 最初係博訊轉載，有人號召2月20日，成棚人去各大城市市中心集會。呢類Flash Mob味道重嘅嘢，中東或者有人去，但中國人咁怕死，好似《讓子彈飛》鵝城班友咁，睇死都無人去。 但係中共有殺錯無放過嘅特性，就唔理三七廿一，拉咗一堆人先講。拉咗人，就會推上報，自然有人認為係堅料。之後Twitter成棚五毛上嚟出醜（幾十件五毛黨一炮上晒水），就更加肯定係堅。然後連社民連下午兩點，都會吹雞叫人去中聯辦示威，咁至少香港會真係發生先。咁成件事就係Flash Mob行為，邊個搞唔重要，邊條友玩膠都重要，反正有idea就有人去，之後搞成乜出嚟，我都唔知。 呢次搞唔成革命都唔緊要，大家知道中共心虛，之後就會越玩越過份。依家進入玩膠大時代，隨時辛亥革命都係咁樣搞出嚟，認真唔講笑。

今年的中大校友會聯會盃，將於2011年3月27日喺沙田馬場舉行，當日係跑日馬賽事，會喺會員廂房度觀戰嘅。 如果各位逸夫書院校友想參加，可以聯絡小弟，每位盛惠六百元，截止日期係3月11日。位置有限，購票從速。 當然，果日可以齋食唔賭。（小弟戒咗賭好耐，因為賭馬認真咁賭係好傷神，贏到嘅錢唔夠買雞精）

Daily Telegraph: Chris Patten to be new BBC chairman 當好多英國本土居民交緊牌照費果陣，而我呢挺海外英國國民想交牌照費睇BBC時，大家會發現，日後BBC Trust嘅主席，即係BBC嘅阿頭，將會係大家熟悉嘅人，呢位正係香港人嘅政治啟蒙老師彭定康勳爵。 當然，對班疑歐派大帝，肥彭掌政唔係乜嘢好消息，因為肥彭正係保守黨Boris Johnson以外另一個另類人物，肥彭係出名嘅保守黨左派，親歐到爆唔在講，而且社會同言論自由主張都係偏左。肥彭或者會處理BBC開支太大嘅問題，但要佢處理BBC成日言論上同班疑歐派大帝對著幹嘅情況，睇怕無乜可能，Daily Telegraph嘅blog都講，隨時搞出個親歐BBC出嚟，雖然肥彭理論上唔可以干預BBC嘅編輯自主。 雖然保守黨成棚人都想整BBC（BBC係政客公敵），但恐怕未必如班大帝願，佢做港督果陣作風就知，條友係連倫敦班向中國叩頭嘅太監都敢郁番轉頭，更何況佢政見係保守黨另類分子，雖然依家首相幕僚長係細龜。而且仲有一樣嘢，BBC嘅香港版，即係RTHK嘅框架協議，就係佢力挺張敏儀搞出嚟，否則邊有可能喺香港電台咁多人開炮開到咁爽（雖然吳志森被香港統監府班hihi連環炮轟），佢唔驚BBC班友問RTHK嘅朋友索料（RTHK好多人都係BBC訓練出嚟），然後以子之矛攻子之盾，你估BBC班友食齋大架。 雖然肥彭做唔到首相，但佢做咗香港人政治啟蒙之父，又做過歐盟外長，又做牛津大學校監，依家又做埋BBC Trust嘅主席，做著佢咁，都算係咁上下，有時權力呢家嘢，唔一定要做到首相至夠威。

香港獨立媒體：甘心被消滅的香港人 這篇文章一出，唔少人都推薦認為值得一睇。當然，香港有唔少甘心被消滅令人擔心，但由南洋歷史嚟睇，小弟認為，醒過嚟嘅人，只會越嚟越多。 睇過《李光耀回憶錄》都知，本來南洋華人，不出兩款人，一款係心向中國果批人，呢批人對南洋影響當然好大，有睇過印尼文學名著《Anak Semua Bangsa（Child of all nation）》（華文譯名《萬國之子》或《所有民族的孩子》，作者係印尼最偉大作家Pramoedya Ananta Toer），印尼獨立運動係受中國嘅革命運動啟蒙所致，但亦呢班友對中國嘅效忠令人極唔放心。另一款係依賴英國、荷蘭果班人，喺大馬、新加坡果批，叫「皇家華人」。 呢兩班友都無諗過要自立，大馬果批「皇家華人」有獨立覺醒，係英國人不敵日本人，而日本人帶嚟係野蠻而垃圾嘅統治後，至要諗到自已，自己以英國人嘅一套嚟建立自己嘅國家，最後幾經波折變成今日嘅新加坡。而心向中國果班人，被中國賣豬仔後，就成為今日反共反到七彩嘅華裔印尼人，因為發現中共成棚都係騙徒。有啲更由支持中共，變成支持台獨，因為佢地成世人青春被騙嘅經歷令人太火滾。 而香港依家走嘅路，正係好多地方後殖走嘅路。香港人下一步點走，就睇醒幾多。所謂回歸，如果只不過係再殖民，咁係唔係死路一條都要行落去，大家諗清楚。

一般嚟講，依家好多高登仔，甚至香港人，對叫中國人做蝗蟲，點解憤怒到呢個程度。因為同佢地無處不在嘅鴨霸態度有關。 好似中文維基（應該叫華文維基），香港主權移交係用香港回歸條目，有人喺討論頁提出呢個訴求， 我提到互動客棧，你睇吓中國嚟嘅友仔俾乜回應？ 華文維基：條目探討 「香港回歸相當中性啊，不知道有何不中性。就討論頁中也有提到，「假如該用語是中立的話，就必須承認中國有將主權移交英國，英國擁有過香港主權。若無法證明的話，這個主權務必要加「」，就是英國聲稱的「主權」，但中國沒有放棄過主權」。而且條目中也有提及如此說法。另一方面，中華民國是清朝的存續政權，而中華人民共和國是中華民國在大陸地區的存續政權（可由世界各國的外交關係作為依據），當然可以用回歸一詞。另外朋友稱「維基中文並非政治爭拗場」，因此我認為還是保持現在的狀態比較好。-Edouardlicn (留言) 2011年2月17日 (四) 08:37 (UTC) 尤其我「聽說」的是，香港本身就只是一個租借地，英國從未真正擁有其「主」權，而只有治權。反而日本曾經擁有香港主權，因為日本佔領香港時是佔領而不是租借的。所以我建議如果1997香港主權移交成為現實，那麼應該建立1945香港主權移交條目，描述一下香港主權是怎麼「移交」的。當然這也是我聽說回來的一家之言，大家可作參考。-Edouardlicn (留言) 2011年2月17日 (四) 08:50 (UTC) (：)回應，如果中英聯合聲明中所引述的www.cmab.gov.hk網站的以下內容的確是官方文件（包括中文、英文）的原文： 「 中華人民共和國政府決定於１９９７年７月１日對香港恢復行使主權[7] 」 「 聯合王國政府於１９９７年７月１日將香港交還給中華人民共和國。 [8] 」 「 The Government of the People’s Republic of China declares that to recover the Hong Kong … Continue reading →

經籌建一段時間，本博客嘅VPN夥伴針對連接到香港的VPN，終於大功告成。 現時提供 小弟嘅朋友依家提供三種VPN 1. 代理Unblock VPN服務，提供英國、美國IP，港幣三十元一個月 2. 香港VPN月費服務，港幣三十元一個月 3. 香港VPN日費服務，每日港幣三元，戶口廿四小時有效，呢種係針對香港返內地公幹朋友 申請請去以下表格 https://spreadsheets.google.com/viewform?formkey=dDVzblp0dHF6MTlTbjgtU3lNRW9YOFE6MQ

黃世澤：組織時代的終結 呢篇唔係學報文章，呢篇係明報世紀版發表嘅文章。但呢篇文嘅Refutable Implication得到一次又一次嘅Confirm，特別喺阿拉伯世界呢輪革命風潮，我覺得我作為一個學者，雖然最後頂唔順香港學術界果堆硬膠遊戲規則，但我總算做咗一個民間學者應做嘅嘢。 呢篇文寫果陣，小弟未執教中文大學，我準備改投商台。而果陣，剛寫完樂施會本書無耐，最有精神同集中力做學術研究。小弟一向係街頭學者，叫我鬥講術語就唔識，亦唔好搞我。但我專注係，社會科學現象嘅一般性，對現象作出推斷。 而呢篇講晒我認為組織玩完嘅原因，雖然始終missing咗一個key factor，果個叫Web 2.0， 但Web 2.0出現後，成個無組織政治運動成熟，由2009年2月成棚人反宗教霸權（香港），到2011年穆巴拉克宣布玩完，相關嘅implication一次又一次confirm。 所以學術研究嘅根本，我始終認為係實證研究，正如張五常會走去賣桔、養蜜蜂。作為大學教師，小弟一定唔係好教師，但作為一個研究者，我諗我轉為從商都好，都至少無辜負過我讀過嘅嘢。學術研究講係有無心去研究有趣嘅事，如果認為學術認為係no fun，咁不如搵第二啲嘢做好過。