小弟寫呢篇文果陣，一路播住《悲情城市》Soundtrack，而寫呢篇文，某程度係對歷史負責任。
當你一路比較1947年果陣喺台灣國民黨做嘅嘢，同依家共產黨喺香港做，根本無乜分別，甚至係無最過份，只有更過份嘅時候，228果陣話未發生過咁嘅嘢，未必判斷到會衰到搞到台灣人同中國人嘅血海深仇。但依家呢，連蝗蟲呢個字都用得出果陣，依家甚至唔係228喺香港會唔會發生嘅問題，而係228幾時發生，或者發生嘅規模去到乜程度。
中國好多人都以為，族群問題唔係問題，我係漢族夠強大，可以將正義等問題置諸不理，但呢個唔係我呢個南洋人嘅見識。跋扈囂張嘅結果，只會係沒完沒了嘅種族仇恨。依家藏族、維吾爾族、台灣人、香港人，華裔印尼人，一個個都憎到中國入骨，呢班蠢材唔係認自己一啲責任都無嘛？
當年蔣介石一心認定係台灣潛伏共黨份子作怪, 就派軍入台見人就殺, 陳誠勸蔣介石唔好出兵, 應該撤換陳儀, 任用大量台藉菁英; 蔣介石有聽陳誠意見, 但係殺人照殺, 種下禍根, 後來派魏道明改組省政府, 任用台人, 發行台幣, 台糧禁運大陸等, 但係一切都太遲