Daily Archives: 二月 10, 2011

捱夜聽完穆巴拉克講完廢話，簡單嚟講，聽完即刻爆粗，真係想去開羅教示威群眾，全世界最響亮嘅粵語粗口小爆穆巴拉克。 基本上，穆巴拉克完全打算當解放廣場嘅民眾無到。我係埃及人就即刻操去總統府，然後當佢係壽西斯古嚟處理算。 全國民眾期待佢自己識做，佢就做啲膠嘢，大家諗吓結果喇。伊朗抽水怪多謝穆巴拉克。

BBC: MPs urged to defy Europe over prisoner voting ban 以上動議辯論嘅結果，我睇完之後，我只能用黐X線嚟形容保守黨，David Cameron要求回教徒謹守西方自由價值觀，叫佢睇掂保守黨班硬膠先。 囚犯投票權問題之所以擺上檯，因為呢個係ECHR嘅判決，英國唔理就係挑戰歐盟，特別好快EU Accession to ECHR完成後，ECHR嘅每一條條文都係歐盟Directive嚟。英國仲保留呢啲膠法？我恐怕會搞出憲制危機出嚟，都唔駛香港BN(O)人出手。 香港本來同英國一樣，有埋啲咁嘅黐孖筋法律，但係德國底子深厚嘅梁國雄，就係協助囚犯恢復權利，而張舉能正係引用HIRST v. UK嘅判例，將政府一嘢KO，連林瑞麟面皮厚過長城，都唔敢撐落去，就係終審法院都費時打上去，直接修例算數。因為呢啲基本權利，絕對唔可以剝奪。依家Davis David MP同我講，因為囚犯犯法，所以唔可以參與立法。叫班保守黨硬膠返維多利亞時代吧。 大家應該明點解有British Nationality Act 1981呢啲惡名昭著嘅法律，保守黨執政年代，就係連基本人權都可以唔理，囚犯投票權都可以公然剝奪，呢班友嘅無恥真係遠超小弟想像。

雖然今日得幾十丁友去北角政府合署示威，而且唔夠五點散水，政府好容易以為係流嘅。只不過，佢地入到規劃署會議室，影到一系列地圖，包括呢張將香港交通網絡被規劃到深圳嘅圖。所以呢次行動，可以講得到重要嘅意外收獲。 只不過，小弟想問係，究竟依家香港特膠政府，係唔係變咗韓國被吞併前嘅大韓帝國政府，根本係香港統監府嘅機器？仲有幾多檯底交易，我地係唔知嘅呢？