月份彙整二月 2011

上周六中大校友評議會AGM續會，小弟無去，因為對小弟這類繁忙人士，最近睇Bloomberg睇到眼矇，評膠事評到爆血管，呢類被劉世鏞主持到同小學雞開會一樣嘅會，真係⋯⋯ 但有啲老校友嘅小學雞作為，真係令小弟唔寫都唔得。話說有件叫葉國洪嘅友仔，周圍send啲抹黑「年青人陣營」嘅「奇文共賞」，唔知係誤以為我係評議會常委，用錯舊mailing list，定係因為我仲係校友會聯會成員，定係因為佢唔記得我仲係年青，以為我係撈咗幾十年果啲老油條。寄咗以下嘅膠mail： 「各位, 輾轉收到一文有關中大評議會續會事宜,謹轉寄各位,見仁見智,奇文共賞. 葉國洪」 「函件2011-02-28 人相輕同志、黃同志, 先致以革命敬禮！ 您們是我們紅衛兵的典範與偶象！ 橫掃一切牛鬼蛇神的英姿, 重現香港中文大學！ 您們大筆一揮,令老餅校友噤若寒蟬！讓我們雄踞一切傳媒輿論陣地！ 存你們筆下紅衛兵的重豪情輕敵理邏輯, 發揮得淋漓盡致！ 你們雄文之中, 字字珠璣,儘量用了震憾人心的字眼, 不須與反動派講任何道理: 荒謬地 扼殺 懶理異議 根本已不能作準 硬推 壟斷發言權 低票當選(明明占投票日4/6) 無視規程 表決亂龍 沒有進行任何跟進工作 荒謬感 完全無視議事規則的要求 烏龍地 這些妙語連珠, 牽動心弦, 給不用腦思考的人有如南針指路, 疑惑全消。 你們高妙處, 正在于明明中大評議會續會整個過程在法律顧問監督下按評議會章程一絲不苟, 秩序井然進行[1], 你們卻可以全面否定地, 冷嘲熱諷地批鬥反動派, … Continue reading →

法國HSBC私人銀行收費表 職工盟講，依家MPF平均每年管理費係1.89%，究竟有幾令人憤怒？以上私人銀行收費表，可以俾概念大家。 以上嘅表，Mandate Commission講就係每年收你嘅Charge，但2%係最高，好多時，你同個Banker拗吓數，呢筆錢同信用咭啲年費一樣，係有得減。而Custody Fee果0.45%，好多時一樣可以拗嘅。開Private Bank Acoount果陣好似街市賣菜咁講價，己經唔係乜嘢新聞（當然點傾個term好多古仔講，呢度好難講清楚）。 你依家強積金無自由行，立法會通過咗都唔實行，結果係你同班芬佬講價，班芬佬睬你都有味。唔係你筆強積金嘅數唔夠大，講真，如果有自由行，當你嘅金額積到咁上下，例如幾十萬，甚至過百萬嚟計，都己經有講價空間，例如你做一筆幾錢嘅自願性供款，就豁免所有強積金管理費，甚至己經可以考慮憑績效定管理費，例如低過某個回報水平就果年食白果，但成績做得好可以俾額外管理費。但由於強積金根本無自由行，咁大家諗到點解依家大家啲強積金，係被迫賭錢兼被迫養班表現欠佳嘅芬佬。 依家MPF仲貴過Private Bank，呢啲乜道理嚟架，大家明點解人人爆粗嘅原因未？

黃世澤：香港蝗蟲與台灣228 小弟寫呢篇文果陣，一路播住《悲情城市》Soundtrack，而寫呢篇文，某程度係對歷史負責任。 當你一路比較1947年果陣喺台灣國民黨做嘅嘢，同依家共產黨喺香港做，根本無乜分別，甚至係無最過份，只有更過份嘅時候，228果陣話未發生過咁嘅嘢，未必判斷到會衰到搞到台灣人同中國人嘅血海深仇。但依家呢，連蝗蟲呢個字都用得出果陣，依家甚至唔係228喺香港會唔會發生嘅問題，而係228幾時發生，或者發生嘅規模去到乜程度。 中國好多人都以為，族群問題唔係問題，我係漢族夠強大，可以將正義等問題置諸不理，但呢個唔係我呢個南洋人嘅見識。跋扈囂張嘅結果，只會係沒完沒了嘅種族仇恨。依家藏族、維吾爾族、台灣人、香港人，華裔印尼人，一個個都憎到中國入骨，呢班蠢材唔係認自己一啲責任都無嘛？

有一位用IP 78.104.129.72嘅朋友，發表了以下偉論 「作者 : 印尼杂种 （IP： 78.104.129.72 ， 78.104.129.72） 電郵地址: 11111@111.com URL : Whois : http://whois.arin.net/rest/ip/78.104.129.72 回應： 现时最应该做到的就是让印尼来的四眼猩猩滚回东南亚的林子，或者进入动物园供人观赏，而非拿着英国护照在中国领土上拉屎拉尿……」 「作者 : 11111 （IP： 78.104.129.72 ， 78.104.129.72） 電郵地址: 11111@111.com URL : Whois : http://whois.arin.net/rest/ip/78.104.129.72 回應： 印尼生产的猩猩，骗了个英国护照，成天在香港厮混，难道不是一桩笑话？香港的问题关键是印尼来的乡巴佬太多了，这些猩猩智商低，受不了中国人的统治；没钱，妒忌中国人把它当宠物使唤；没品，靠中国人的施舍留住小命却不懂得感恩戴德。如果把印尼来的杂种和他们下的崽子都扔进太平洋，一切就都有救了。」 根據WHOIS，呢條友嚟自 inetnum: 78.104.128.0 – 78.104.131.255 netname: … Continue reading →

黃俊邦：新民女討論被腰斬-選舉不公照去——相隔八個月的中大評議會會員大會 小弟無去呢次大會，因為浪費時間無意思，基本上，劉世鏞決定無恥無極限，喺評議會呢個戰場打無意思。基本上，小弟認為有三場仗要打。 1. 喺現階段，應該提早為推舉挑戰劉世鏞校友評議會主席一職嘅候選人做準備。小弟唔會做呢啲咁煩嘅嘢，因為真係一等硬仗嚟，未來幾個月香港己經多仗打到嘔，我係孫悟空都唔掂，但呢個德高望重人選，依家就要傾。 2. 與此同時，要修改《香港中文大學條例》規程19「9. 校友評議會會議的法定人數,為大學校董會於校友評議會作出報告後所 訂明者。 10. 校友評議會的章程、職能、特權及其他與校友評議會有關的事宜,須經大 學校董會批准。(2005年第10號第27條)」 由於《香港中文大學條例》唔係涉及政府政策，根據《基本法》，搵位立法會議員，搞掂呢啲校方可以控制校友評議會嘅條文。可以順便廢埋規程25「7. 香港中文大學可設有香港中文大學學生會,其章程須經大學校董會批准。 8. 每一書院可設有學生會,其章程須經大學校董會根據有關書院的院務委員會的建議予以批准。」呢啲清朝條款。 3. 喺失去校董會控制後，再進行校友評議會內部嘅憲政改革。 但可以肯定係，劉世鏞一定要走。呢條友唔知用乜昏君嚟形容佢好，但可以肯定係，今年6月個AGM，一定雞過小學雞。

選民力量呢班友，一邊扮打曾俊華嘅預算案，另一邊就喺南區搞屎搞尿，特別喺華富、華貴呢啲民建聯重點攻擊民主黨嘅地區。 其中，upload以上片段嘅友仔wk2028，唔知你點解釋點解你拍華貴業主關注組嘅片，華貴業主關注組係麥謝巧玲控制嘅土共外圍組織。我想選民力量向大家解釋吓，你地呢班友同土共外圍組織嘅關係。

點解強迫金咁搵笨，除咗高到hihi嘅1.89 %管理費（平均喎），仲有一個問題叫「侷賭」。 依家強迫金係無一個option叫無管理費定期存款，全部都係迫你買基金，但基金係涉及風險，換言之，政府迫你將你啲棺材本用嚟。迫你自己賭都算，最大鑊係迫你用僱主指定果條hihi幫你賭，我想問係乜道理嚟。你試吓入投注站，馬會迫你用馬會指定果位「填飛員」代你投注，你估你會點？ 如果依家呢個所謂退休制度不改，強迫金繼續係騙案。全民退休保障未必係最好方法，但一定好過你強迫金。

呢首歌，我特意推薦俾台灣朋友睇，叫台灣人廣傳，唔係俾國民黨班白痴繼續開放班中國人入嚟台灣搞亂檔。 而呢首詞，己經充分反映香港人對所謂「回歸」嘅憤怒，所以我喺維基華文直指「香港回歸」嘅條目係搞殖民主義，回乜嘢歸。 我寫呢刻，係香港時間二月二十八日，即係二二八事件紀念日。 喺《悲情城市》裡面，飾演林文清係香港人梁朝偉，由香港人嚟演呢個角色，幾乎預示香港嘅命運。當香港有可能重複台灣的故事果陣，呢個己經唔係國民黨定共產黨嘅問題，而係有啲民族嘅民族性，根本無可救藥。 後話：陳文茜這個混蛋，在中天電視《文茜的世界周報》大讚曾俊華，夠了，陳文茜要當賣台賊、賣港賊的話，日後這人不要來香港。這人不懂香港，不要替香港政府抹脂塗粉，夠了！（我肯定會在自由時報出手寫爆陳文茜）

商台：工聯會及經濟動力反對否決預算案 「泛民議員計劃否決財政預算案。工聯會 的黃國健表示，對預算案感到失望，認為應有所調整；但強調，否決預算案是憲制上的重要決定，政治後果嚴重，要先了解民意，審慎考慮才可決定。 經濟動力的林健鋒 表示，會以大局為重，支持財政預算案，指如果否決預算案，紓困措施會延誤推行，行政長官 亦可能解散立法會 ，造成憲制危機；但他希望預算案接納他們退稅的建議」 全屬廢話，如果唔講明會否決預算案，政府係一步都唔會讓。 由於係簡單多數決，所以工聯會支持預算案，民賤聯扮反對都無用，議案照過票照呃。所以工聯會支持預算案=民賤聯支持預算案=賣港。 件事就係咁清楚，仲有乜好講。

「【明報專訊】財政司長曾俊華宣布把240億盈餘注資進強積金，公務員和教師無份，這兩個界別的工會發動大遊行，政府昨迅速修訂立場，改口稱6萬津貼及補助學校教師亦受惠於6000元強積金注資。但12萬長俸制公務員始終未能受惠，警務督察協會對此表示強烈不滿，稱有意發動警務人員與家屬一起參加3月6日由教協發動的「紫荊花革命」遊行，成為首個響應大遊行的紀律部隊員工組織。」 雖然小弟對警務督察協會主席廖潔明嘅政見好有保留（我諗佢都半隻腳入咗政壇，而且同葉劉關係真係密到我有保留囉），但如果警察真係參與教協嘅紫荊花革命遊行，以事論事，小弟樂觀其成。 首先，警察參與遊行，咁執勤嘅警務人員至少唔敢太囂張，如果拉錯警察子弟真係多多膠都唔曉派。而且警察親身用示威者角度去睇問題，日後對示威者同警察之間對立緩解係有幫助。 而且警察都係市民，點解警察無公民權利參與遊行？紀律部隊人員參與政治活動，當然難免受規限，但表達意見嘅權利亦要尊重。如果唔俾遊行，事實上有可能違反《基本法》。 3月6日如果警員遊行，小弟歡迎他們。